Karabec er meiddur

Undirritaður mætti snemma á völlinn og þá var Adam Karabec einn að æfa, eftir hann kláraði að æfa náði ég að spjalla aðeins við hann og sagði hann mér hann væri meiddur á ökkla og bætti hann við að hann yrði klár í seinni viðureignina ytra.

Vantar tvær stærstu stjörnurnar í lið Tékklands
Hjá Tékkum er leikmaður sem tékkneska þjóðin vonist til að verði arftaki Tomas Rosicky sem gerði garðinn frægan hjá Arsenal og Dortmund á sínum ferli en lagði skóna á hilluna 2017.

Sá leikmaður er hins vegar ekki í leikmannahópi Tékka gegn Íslandi í dag. Um er að ræða hinn 19 ára gamla Adam Karabec, sem leikur með Sparta Prag í heimalandinu.

Ekki er vitað af hverju hann er ekki með en hægt er að lesa ítarlega grein um hann með því að smella hérna.

Þá er hinn tvítugi Adam Hloek ekki heldur með, en ef hann væri í hópnum þá væri hann efalaust stærsta stjarnan í liðinu. Hann leikur með Bayer Leverkusen í Þýskalandi, en er í A-landsliðinu frekar en U21.

Þetta er svipað og hjá Íslandi. Hjá Íslandi eru 6-7 leikmenn í A-landsliðinu sem gjaldgengir eru í U21. Mér finnst að ef leikmaður fer í A-landsliðið þá eigi hann að vera þar og berjast um sætið þar. Ég held að þetta sé eins hjá Íslandi og okkur," sagði Jan Suchopárek, þjálfari Tékklands, við Fótbolta.net í gær.

Það vantar líka í íslenska landsliðið því Kristian Nökkvi Hlynsson og Kristall Máni Ingason eru fjarri góðu gamni.
Karabec

Andri Fannar Baldursson byrjar en Logi Tómasson er á bekknum.

Ísak Snær Þorvaldsson er mættur. Hann er meðal byrjunarliðsmanna í dag. Hann og Dagur Dan einu úr Bestu deildinni í startinu.

Dagur Dan Þórhallsson er meðal byrjunarliðsmanna Íslands. Hefur verið frábær í Bestu deildinni.

BYRJUNARLIÐIÐ ER KOMIÐ

Jan Suchopárek þjálfari Tékka var leikmaður tékkneska landsliðsins sem fékk silfurverðlaun á EM 1996. Hann skoraði gegn Rússum í riðlinum og lék í sjálfum úrslitaleiknum sem tapaðist gegn Þýskalandi.

Smelltu hér til að lesa viðtal við hann

Hvernig verður byrjunarliðið? Svona spái ég liðinu:



Í banni...

Kristian Nökkvi Hlynsson, einn okkar besti leikmaður er í leikbanni í fyrri leiknum sem er helv.. skellur, spurning hver kemur inn í hans stað? Dagur Dan sem hefur verið magnaður fyrir Blika, Sævar Atli hefur leyst stöðu miðjumanns í þessari undankeppni. Þetta kemur allt í ljós þegar styttist í leik.

Það eru enn til miðar á leikinn gegnum tix.is. Smelltu á Víkingsvöllinn til að fara í miðasöluna:

Viðtöl við leikmenn í aðdraganda leiksins:

Ísak Óli Ólafsson

Atli Barkarson

Brynjólfur Willumsson

Kristian Nökkvi Hlynsson

Sævar Atli Magnússon

Valgeir Lunddal Friðriksson

Dómarar dagsins koma frá Ungverjalandi. Aðaldómari er Gergo Bogar.

Hversu lengi endist Kolbeinn?

Kolbeinn Þórðarson, herforinginn á miðjunni hjá íslenska landsliðinu er ný byrjaður að spila en hann er að koma til baka eftir alvarleg meiðsli aftan í læri. Ef við ætlum að hafa meiri möguleika frekar en minni að komast áfram úr þessu einvígi þá þarf Kolbeinn að spila a.m.k. 165 mínútur af þessum 180 mögulegu. Vonum að hann sé í góðu standi.

Top 50 í heiminum

Í mars 2022 gaf Goal.com lista af 50 bestu ungu leikmönnum heimsins (2003 og yngri). Á þeim lista í 34. sæti er leikmaður Tékkneska liðsins, Adam Karabec. Búinn að vera orðaður við stór lið í Frakklandi og Ítalíu og verður gaman að fylgjast með honum í dag, virkilega tæknilega góður leikmaður sem kann að spila þessa íþrótt. Samkvæmt Transfermarkt.com er Karabec metinn á 2.5 milljónir evra, ef við berum það saman við okkar verðmætasta leikmann Andra Fannar þá er hann metinn á 600 þúsund evrur. Engu að síður er Ísak Bergmann í 33. sæti á þessum lista, einu sæti fyrir ofan Karabec.

Læt listann fylgja fyrir þá sem vilja skoða hann.

Leikmenn fjarverandi

Kristall Máni Ingason er meiddur og verður ekki með í dag, Kristall var valinn í hópinn til vonar og vara ef hann skildi vera klár í allavega seinni leik liðanna en nú er komið í ljós hann verður fjarverandi í báðum leikjunum í þessu umspili. Mikill skellur þar sem Stalli hefur verið stór hluti af þessu liði í undankeppninni. Einnig þurfti Finnur Tómas að draga sig úr hópnum vegna meiðsla, í þeirra stað koma Sveinn Hauksson, miðjumaður KA og Ólafur Kristófer markmaður Fylkis.

Risa leikur framundan!!!

Dömur mínar og herrar verið hjartanlega velkomin í þráðbeina textalýsingu frá Víkingsvelli, heimavelli hamingjunnar, þar sem að okkar geggjuðu drengir í U21 fá Tékkland í heimsókn. Þessi leikur er fyrri leikur liðanna í umspili fyrir EM U21 árs sem fer fram næsta sumar. Seinni leikurinn verður í Tékklandi í næstu viku.