Liðin koma sér fyrir og Bestu-deildar lagið í kerfinu.

Stjarnan í sínum hefðbundnu bláu búningum.
Keflavík alhvítar.

Byrjað að lesa upp liðin.
Palli vallarþulur með þetta í frægu teskeiðinni.

Hægur vindur og blautt gervigrasið.
Þetta fer að skella á!

Allt að verða klárt hérna á Samsung vellinum.
Fólk farið að koma sér fyrir í stúkunni.

Allt upp á 10,5 hérna í fjölmiðlastúkunni.

Stjarnan stillir upp sama byrjunarliði og í síðasta leik á mót Þór/KA.

Keflavík gerir tvær breytingar á sínu liði
Anita Bergrán og Elfa Karen koma inn í byrjunarliðið.
Tina Marolt fer á bekkinn og Snædís María sem er í láni frá Stjörnunni er eðlilega utan hóps.

Það er líklegt að gullskórinn fari í Garðabæinn. Jasmín Erla er markahæst fyrir leiki dagsins með 10 mörk. Liðsfélagi hennar Gyða Kristín er eins og er að fá silfurskóinn en hún er með 9 mörk. Verður fróðlegt að sjá hvernig þessi barátta fer.

Það má búast við því að flest augu séu á Garðabænum í dag.

Það er mikið undir hjá Stjörnustelpum en með sigri tryggja þær sér 2.sæti deildarinnar og farmiðann í Meistaradeildina á næstu leiktíð.

Keflavík situr í 8.sætinu, með hagstæðum úrslitum í dag komast þær uppfyrir Þór/KA í 7.sætinu

Velkomin á Samsungvöllinn í Garðabæ!

Síðasta umferð Bestu deildarinnar fer af stað í dag á þessum góða laugardegi.