Víkingur R.
1
4
Fram
Danijel Dejan Djuric '9 1-0
1-1 Magnús Þórðarson '50
1-2 Magnús Þórðarson '56
Karl Friðleifur Gunnarsson '74
1-3 Tryggvi Snær Geirsson '90
1-4 Aron Snær Ingason '90
02.02.2023  -  19:00
Víkingsvöllur
Úrslitaleikur Reykjavíkurmótsins
Aðstæður: Kuldi, slydda og vindur
Dómari: Jóhann Ingi Jónsson
Áhorfendur: Fáir
Byrjunarlið:
1. Ingvar Jónsson (m)
3. Logi Tómasson
5. Kyle McLagan ('62)
7. Erlingur Agnarsson
8. Viktor Örlygur Andrason (f)
10. Pablo Punyed
17. Ari Sigurpálsson ('62)
19. Danijel Dejan Djuric
20. Júlíus Magnússon (f) ('62)
24. Davíð Örn Atlason ('46)
27. Matthías Vilhjálmsson

Varamenn:
16. Þórður Ingason (m)
2. Sveinn Gísli Þorkelsson
9. Helgi Guðjónsson ('62)
15. Bjarki Björn Gunnarsson
18. Birnir Snær Ingason ('62)
22. Karl Friðleifur Gunnarsson ('46)
23. Nikolaj Hansen ('62)

Liðsstjórn:
Arnar Gunnlaugsson (Þ)
Hajrudin Cardaklija
Sölvi Ottesen
Benedikt Sveinsson
Guðjón Örn Ingólfsson
Rúnar Pálmarsson
Markús Árni Vernharðsson

Gul spjöld:
Kyle McLagan ('24)
Pablo Punyed ('82)

Rauð spjöld:
Karl Friðleifur Gunnarsson ('74)
Leik lokið!
Til hamingju Framarar! Íslandsmeistararnir töpuðu í gær og bikarmeistararnir í dag. Ég ætla að heyra í þjálfurunum og viðtöl koma inn á Fótbolta.net seinna í kvöld.
90. mín MARK!
Aron Snær Ingason (Fram)
Stoðsending: Jannik Pohl
FRAM SKORAR FJÓRÐA MARKIÐ! Víkingar lögðu allt í sóknina, Ingvar var mættur fram til að taka aukaspyrnu en þetta endaði með því að Fram vann boltann og refsaði.

Virkilega vel klárað, Aron vippaði boltanum í tómt markið.
90. mín
Erum komin í uppbótartíma. Fimm mínútum var bætt við.
90. mín
Bið Víkinga verður eitthvað lengri. Liðið hefur ekki unnið þennan titil síðan 1982.
90. mín MARK!
Tryggvi Snær Geirsson (Fram)
Stoðsending: Jannik Pohl
FRAM GERIR ÚT UM ÞETTA!!!! Frábærlega klárað hjá Tryggva!

Fram að verða Reykjavíkurmeistari.
90. mín
Aron Jóhannsson í hörkufæri fyrir Fram en skýtur í varnarmann. Átti að gera betur.
88. mín
Vó! Óli Íshólm missir boltann frá sér í þvögu eftir horn en einhver skóflar boltanum yfir.
87. mín
Víkingar að ógna, Erlingur með fyrirgjöf sem Framarar koma í horn.
84. mín
Inn:Jannik Pohl (Fram) Út:Albert Hafsteinsson (Fram)
82. mín Gult spjald: Pablo Punyed (Víkingur R.)
Fyrir mótmæli Heimamenn alls ekki sáttir með frammistöðu þriðja liðsins.
82. mín
Inn:Mikael Trausti Viðarsson (Fram) Út:Adam Örn Arnarson (Fram)
80. mín
Víkingur með tilraun Lúmskt skot úr þröngu færi sem Óli Íshólm ver í horn.
80. mín
Víkingur fær aukaspyrnu. Hitinn heldur áfram og úr stúkunni er kallað eftir fleiri spjöldum.
79. mín
Miðvörðurinn Matti Villa Í öllum atgangnum áðan gleymdi ég að segja frá því að Matti Villa færði sig í miðvörðinn eftir skiptingarnar áðan. Er í miðverði með Viktori Örlygi sem tók við fyrirliðabandinu.

Matti fjölhæfur og getur spilað vörn, miðju og sókn. Spurning hvort Arnar Gunnlaugs verði að hringla eitthvað með hans stöðu í sumar.
77. mín
Logi Tómasson með skot sem Óli Íshólm ver af öryggi.
74. mín Gult spjald: Adam Örn Arnarson (Fram)
74. mín Rautt spjald: Karl Friðleifur Gunnarsson (Víkingur R.)
SENDUR Í STURTU Aðstoðardómarinn og Jóhann Ingi ræða málin eftir lætin áðan. Myndaðist þvaga þar sem menn voru að láta finna fyrir sér. Á endanum fær Karl Friðleifur rauða spjaldið!!!

Ég sá ekki nákvæmlega hvað hann gerði af sér en Víkingar manni færri.
73. mín
Hiti í mönnum Það er hiti og hrindingar á milli manna, köll úr stúkunni. Þó þetta sé 'æfingaleikur' þá er bikar í boði í kvöld. Gleymum því ekki.
70. mín
Einhver fundarhöld, Víkingar orðnir pirraðir út í Jóhann Inga dómara.
69. mín
MAGNÚS SVO NÁLÆGT ÞRENNUNNI! Breki með sendingu á Magnús sem er kominn í dauðafæri en Ingvar ver meistaralega frá honum! Þarna hefði Fram getað komist tveimur mörkum yfir.
66. mín
Erlingur Agnarsson tekur skot fyrir utan teig en hittir boltann afleitlega.
65. mín
Helgi Guðjóns strax farinn að láta að sér kveða og nær í hornspyrnu. Víkingar ná ekki að gera neitt merkilegt úr þeirri spyrnu.
62. mín
Inn:Birnir Snær Ingason (Víkingur R.) Út:Ari Sigurpálsson (Víkingur R.)
62. mín
Inn:Helgi Guðjónsson (Víkingur R.) Út:Júlíus Magnússon (Víkingur R.)
Arnar Gunnlaugs að gera þrefalda skiptingu.

Framarinn Helgi Guðjóns mætir til leiks.
62. mín
Inn:Nikolaj Hansen (Víkingur R.) Út:Kyle McLagan (Víkingur R.)
Kyle ekki átt góðan leik, verið í brasi
60. mín
Víkingur með fína tilraun, hörkuskot rétt yfir. Sýndist þetta vera Júlli Magg.
56. mín MARK!
Magnús Þórðarson (Fram)
AFTUR SKORAR MAGNÚS!!! Áhugalaus varnarleikur hjá Víkingi, Albert Hafsteinsson fer upp vinstra megin, rífur sig lausan frá Júlla Magg og nær fyrirgjöfinni.

Magnús skorar af stuttu færi!

Skyndilega er Fram komið í forystu.
50. mín MARK!
Magnús Þórðarson (Fram)
Framarar hafa jafnað! Víkingar ekki sáttir, vilja meina að brotið hafi verið á Kyle McLagan í aðdragandanum. Kyle féll í baráttunni og skyndilega voru Framarar komnir í dauðafæri.

Boltinn endaði á Magnúsi sem var fyrir opnu marki og skoraði.

Víkingar mótmæla en Jóhann skiptir ekki um skoðun.
46. mín
Seinni hálfleikur farinn af stað
46. mín
Inn:Karl Friðleifur Gunnarsson (Víkingur R.) Út:Davíð Örn Atlason (Víkingur R.)
46. mín
Inn:Breki Baldursson (Fram) Út:Guðmundur Magnússon (Fram)
45. mín
Reykjavíkurmeistaratitlar eftir félögum: Þessi lið hafa unnið Reykjavíkurmót karla í fótbolta frá 1915 til 2022.

KR 40 sinnum
Fram 27
Valur 25
Víkingur 5
Fylkir 4
Þróttur 2
Leiknir 2
ÍR 1
Fjölnir 1
45. mín
'Live Is Life' ómar í græjunum hjá DJ Sverri Geirdal.

Í hálfleik ber að senda kveðju á Halldór Inga, einn allra harðasta stuðningsmann Víkings, sem komst ekki á völlinn þar sem hann er að sinna gríðarlega mikilvægum störfum. Einhverjir þurfa að láta helstu hjól atvinnulífsins snúast.
45. mín
Hálfleikur
Flaut, flaut, flaauuut

Víkingar á heildina talsvert betri en Fram hefur svo sannarlega átt sína kafla og fengið nokkur fín færi.
45. mín
PABLO í flottu færi! Skotið hinsvegar ekki nægilega gott og Óli Íshólm ver.
45. mín
Matti Villa skallar framhjá! Fékk flott færi eftir hornspyrnu.

Aftur farið að blása og snjóa, ég ræð ekki við mig með veðurfréttirnar.
44. mín
Það voru að koma tölur úr Fellaskóla. Leiknir er að vinna Þrótt Vogum 2-0 í æfingaleik í Breiðholtinu.
42. mín
Víkingar í léttri sendingaæfingu. Eru að rúlla yfir 'Possession' tölfræðina. Svo kom hættulegur bolti inn í teiginn en Fram náði að koma boltanum frá.
37. mín
Logi Tómasson, áður þekktur undir listamannsnafninu Luigi, tekur hornspyrnu fyrir Víking. Mikil barátta í teignum og Jói dómari flautar á endanum aukaspyrnu.
35. mín
Aron Snær með lipur tilþrif og svo kemur bakvörðurinn Adam Örn upp og fær boltann, tekur skotið en frekar kraftlítið og Ingvar ver. Flottur Framkafli.
34. mín
Júlíus Magnússon þurfti aðhlynningu en heldur leik áfram.
33. mín
Frábærlega spilað hjá Fram og svo kemur markvarsla í ekki síðri gæðaflokki! Albert Hafsteins og Tryggvi Geirs með listilega flott samspil og skyndilega er Tryggvi kominn í dauðafæri en Ingvar með glæsilega markvörslu! Fram nálægt jöfnunarmarki.
31. mín
Magnús Þórðar með flott tilþrif hjá Framliðinu, kemur sér inn í teiginn og fellur svo niður en fær ekkert fyrir sinn snúð. "Spjaldaðu hann fyrir leikaraskap!" kallar einhver úr stúkunni.
27. mín
Bara fyrir hann Sverri vin minn, fyrst það er rólegt í leiknum, þá get ég greint frá því að núna eru bara prýðilegar aðstæður fyrir fótboltaiðkun. Virðist vera farið að vora.
25. mín
Fram fær hornspyrnu. Aron Jó mætir á vettvang til að taka hornið. Slök spyrna beint á fyrsta Víking í teignum.
24. mín Gult spjald: Kyle McLagan (Víkingur R.)
21. mín
Logi Tómasson lék sér að vörn Fram og skoraði en dómarinn var búinn að flauta þar sem Framari lá með höfuðhögg. Vel gert hjá Loga sem er skiljanlega svekktur yfir því að þetta hafi ekki fengið að standa.
18. mín
DDD Það er margt leiðinlegra en að horfa á Danijel Djuric spila fótbolta þegar hann er í gírnum. Hann virðist vera í honum þetta kvöldið og er að skapa ýmis vandræði fyrir þá bláu.
17. mín

16. mín
Stungusending innfyrir vörn Fram, Djuric nálægt því að ná til boltans en Óli Íshólm kemur út og handsamar hann.
12. mín
Magnús Þórðarson Framari með skot, í varnarmann.
11. mín
Víkingur svo nálægt Víkingar svo nálægt því að skora aftur, og það í tvígang!

Fyrst ver Óli Íshólm frá Loga Tómassyni og svo á Ari Sigurpáls skot sem sleikir stöngina.

Víkingsvélin farin af stað með krafti og Framarar heppnir að hafa ekki fengið á sig annað mark.
9. mín MARK!
Danijel Dejan Djuric (Víkingur R.)
Stoðsending: Pablo Punyed
Glæsilegt samspil! Pablo og Dani spila frábærlega sín á milli, Pablo á stoðsendinguna og Dani klárar virkilega vel með þéttingsföstu skoti úr teignum!

Víkingar komnir yfir.
8. mín
Brynjar Gauti og Þórðir Guðjónsson, í treyju númer 9, mynda miðvarðapar Fram. Þórir skemmtileg miðvarðatýpa.
7. mín
Köflótt veður Vindurinn hefur gengið nánast alveg niður núna, en fögnum ekki of snemma. Það eiga væntanlega eftir að koma einhverjar hviður. En nóg af veðrinu. Ég er ekki veðurfréttamaður.
6. mín
Matti Villa á siglingu en Brynjar Gauti tæklar hann niður og fær tiltal. Víkingur fær aukaspyrnu með fyrirgjafarmöguleika, frá vinstri.
4. mín
Framarar byrja virkilega vel. Fyrirgjöf frá hægri, Gummi Magg í baráttunni í teignum og þeir bláu fá fyrstu hornspyrnu leiksins.
3. mín
Fyrsta skot leiksins Aron Jóhannsson á fyrstu skottilraun leiksins en hátt yfir. Held að Fram hafi gert klók kaup með því að krækja í Aron. Reikna með því að hann verði flottur fyrir þá í sumar.
1. mín
Leikurinn er hafinn Víkingar hófu leik. Framarar sækja í átt að félagsheimilinu og eru með vindinn í bakið.
Fyrir leik
Gísli Sváfnis heiðursgestur Gísli Sváfnisson, fyrrum náttúrukennarinn minn í Hólabrekkuskóla og mikill Víkingur, er heiðursgestur leiksins. Rándýrt.
Fyrir leik
Hvað gerðist 1982? Tónlistarmaðurinn Ozzy Osbourne borðaði leðurblöku á sviði, Falklandseyjastríðið átti sér stað og Vilhjálmur Bretaprins kom í heiminn.

Þetta er líka það ár sem Víkingur varð síðast Reykjavíkurmeistari!
Fyrir leik
Dómarar kvöldsins: DÓMARI: Jóhann Ingi Jónsson
AÐSTOÐARDÓMARI 1: Kristján Már Ólafs
AÐSTOÐARDÓMARI 2: Ragnar Þór Bender
EFTIRLITSMAÐUR: Jón Sigurjónsson
VARADÓMARI: Arnar Þór Stefánsson
Fyrir leik
Raggi Sig að stýra upphitun

Var búinn að gleyma því í smástund að Ragnar Sigurðsson var í vetur ráðinn aðstoðarþjálfari Jóns Sveinssonar hjá Fram. Verður spennandi að sjá hvernig Raggi finnur sig í þessu nýja hlutverki.
Fyrir leik
Framarar ekki að vanda sig með skýrsluna Einhver fúskari séð um að fylla út skýrsluna hjá Frömurum. Alls átta leikmenn skráðir þar án þess að vera skráðir með númer.

Meðal leikmanna í byrjunarliðinu eru Aron Jóhannson og Adam Örn Arnarson sem komu til félagsins í vetur.
Fyrir leik
Byrjunarliðin eru komin inn

Júlíus Magnússon á sínum stað með fyrirliðabandið hjá Víkingum. Það er áhugi frá honum frá Noregi og líkur taldar á að hann sé á förum. Maður heyrir samt að enn hafi ekki borist tilboð sem Víkingar sætti sig við.

Matthías Vilhjálmsson, sem kom frá FH í vetur, er í byrjunarliði Víkinga.
Fyrir leik
Kalt, blautt, vindur og slydda Meðal orða sem hægt er að nota til að lýsa aðstæðum hér á heimavelli hamingjunnar. Rétt áðan kom hressileg hríð. Ég býst við ansi fámennri stúku í kvöld!
Fyrir leik
Veistu hverjr eru ríkjandi meistarar? Vegur Reykjavíkurmótsins hefur minnkað mikið í gegnum árin. Þetta er fyrst og fremst æfingamót og kannski ekki mörgum í fersku minni hvernig úrslitaleikurinn fór í fyrra.

En ég get frætt ykkur sem ekki vissuð að Valur vann 4-1 sigur gegn KR í úrslitaleiknum í fyrra þar sem Patrick Pedersen var í stuði.
Fyrir leik
FH vann Breiðablik 4-0 í gær Það var annar úrslitaleikur á undirbúningstímabilinu í gær þar sem FH rúllaði yfir Íslandsmeistara Breiðabliks.


Fyrir leik
Hægt að kaupa streymi gegnum netið Víkingur ætlar að bjóða uppá streymi fyrir þá sem komast/treysta sér ekki á völlinn í kvöld með lýsingu. Rödd hamingjunnar, Sverrir Geirdal og Twitter stjarnan Hörður Ágústsson munu sjá um að skemmta gestum sem heima sitja.

Hér er linkur að streyminu
Fyrir leik
Komnir/Farnir hjá Fram Komnir
Adam Örn Arnarson frá Breiðabliki (var á láni hjá Leikni)
Aron Jóhannsson frá Grindavík
Orri Sigurjónsson frá Þór

Farnir
Alex Freyr Elísson í Breiðablik
Almarr Ormarsson hættur
Indriði Áki Þorláksson í ÍA
Orri Gunnarsson hættur
Fyrir leik
Komnir/Farnir hjá Víkingum

Komnir
Matthías Vilhjálmsson frá FH
Sveinn Gísli Þorkelsson frá ÍR

Farnir
Adam Ægir Pálsson í Val (var á láni hjá Keflavík)
Kristall Máni Ingason til Rosenborg
Fyrir leik
Úrslit Fram á mótinu: Leiknir 1-4 Fram
Fram 5-1 Fjölnir
Fram 0-0 Valur
Fyrir leik
Úrslit Víkings á mótinu: Víkingur 4-1 ÍR
Víkingur 0-2 KR
Fylkir 1-2 Víkingur
Fyrir leik
Úrslitaleikur í elsta og virtasta Allavega elsta fótboltamóti Íslands. Víkingur og Fram eigast við á heimavelli bikarmeistara Víkings í kvöld klukkan 19:00 og við munum fylgjast með leiknum í beinni textalýsingu.

Eins og allir Reykvíkingar vita hefur verið ákaflega blautur dagur í höfuðborginni í dag og aðstæður gætu haft áhrif á leik kvöldsins.
Byrjunarlið:
1. Ólafur Íshólm Ólafsson (m)
6. Tryggvi Snær Geirsson
7. Aron Jóhannsson
8. Albert Hafsteinsson ('84)
9. Þórir Guðjónsson
11. Magnús Þórðarson
14. Hlynur Atli Magnússon (f)
17. Adam Örn Arnarson ('82)
32. Aron Snær Ingason
69. Brynjar Gauti Guðjónsson
77. Guðmundur Magnússon ('46)

Varamenn:
12. Stefán Þór Hannesson (m)
15. Breki Baldursson ('46)
20. Egill Otti Vilhjálmsson
29. Mikael Trausti Viðarsson ('82)
31. Þengill Orrason
79. Jannik Pohl ('84)

Liðsstjórn:
Jón Sveinsson (Þ)
Þórhallur Víkingsson (Þ)
Ragnar Sigurðsson (Þ)
Daði Lárusson
Magnús Þorsteinsson
Einar Haraldsson

Gul spjöld:
Adam Örn Arnarson ('74)

Rauð spjöld: