Gunnhildur Yrsa heiðruð! Gunnhildur Yrsa er heiðruð fyrir að hafa spilað sinn 100. landsleik gegn Nýja Sjálandi fyrr i mánuðinum og fær blómvönd frá Stjörnunni og Silfurskeiðar viðurkenningarlagg frá Garðabæ.

Dómarateymið! Bríet Bragadóttir heldur utan um flautuna hér í Garðabæ og henni til aðstoðar verða þau Rúna Kristín Stefánsdóttir og Ragnar Arelíus Sveinsson.
Bergur Þór Steingrímsson er þá í hlutverki eftirlitsdómara.

Stjarnan Sérfræðingar Fótbolta.net spá því að Stjarnan muni enda sem meistari í Bestu deild kvenna í sumar eftir að hafa lent í öðru sæti í fyrra.

Þjálfarinn - Kristján Guðmundsson: Hefur sannað það margoft að hann er frábær þjálfari. Hann er með mikla reynslu og hefur komið víða við á sínum þjálfaraferli. Hann gerði karlalið Keflavíkur að bikarmeisturum 2006 og varð færeyskur meistari með HB árið 2010. Hann tók við Stjörnunni eftir tímabilið 2018 og hefur verið í uppbyggingu með liðið. Núna er spurning hvort að hann nái að fara alla leið að Íslandsmeistaratitlinum með liðið í sumar.

Komnar
Andrea Mist Pálsdóttir frá Þór/KA
Auður Sveinbjörnsdóttir Scheving frá Val
Erin McLeod frá Orlando Pride
Eyrún Vala Harðardóttir frá Breiðabliki
Gunnhildur Yrsa Jónsdóttir frá Orlando Pride
María Sól Jakobsdóttir frá HK (var á láni)
Katrín Ósk Sveinbjörnsdóttir frá Sindra (var á láni)
Klara Mist Karlsdóttir frá HK (var á láni)
Ólína Ágústa Valdimarsdóttir frá KR (var á láni)
Snædís María Jörundsdóttir frá Keflavík (var á láni)
Sylvía Birgisdóttir frá Haukum (var á láni)

Farnar
Alexa Kirton í Fram
Birta Guðlaugsdóttir í Val
Chante Sandiford hætt
Hildigunnur Ýr Benediktsdóttir í FH
Katrín Ásbjörnsdóttir í Breiðablik
Mist Smáradóttir í Grindavík (á láni)
Rakel Lóa Brynjarsdóttir í Gróttu
Thelma Lind Steinarsdóttir í Fram (á láni)

Þór/KA Sérfræðingar Fótbolta.net spá því að Þór/KA muni enda í fimmta sæti Bestu deildar kvenna í sumar.

Þjálfarinn - Jóhann Kristinn Gunnarsson: Er mættur aftur á Akureyri eftir góð ár á Húsavík þar sem hann stýrði karlaliði Völsungs. Jóhann þekkir vel til hjá Þór/KA, en hann tók fyrst við liðinu árið 2011 og gerði liðið að Íslandsmeistara ári síðar. Þá kom hann liðinu í úrslit bikarsins árið 2013. Á þeim fimm árum sem hann þjálfaði liðið var það alltaf meðal fjögurra efstu, en hann hætti með liðið árið 2016 og tók við Völsungi. Það er mikill fengur fyrir Þór/KA að fá Jóhann Kristin aftur.

Komnar
Dominique Randle frá Bandaríkjunum
Karen María Sigurgeirsdóttir á láni frá Breiðabliki
Tahnai Annis frá Bandaríkjunum
Melissa Anne Lowder frá Bandaríkjunum

Farnar
Andrea Mist Pálsdóttir í Stjörnuna
Arna Eiríksdóttir í Val (var á láni)
Arna Kristinsdóttir hætt
Hulda Karen Ingvarsdóttir
Margrét Árnadóttir til Parma
María Catharina Ólafsdóttir Gros til Fortuna Sittard
Rakel Sjöfn Stefánsdóttir í Tindastól
Sara Mjöll Jóhannsdóttir í HK
Saga Líf Sigurðardóttir hætt
Tiffany McCarty til Bandaríkjanna

Hörku einvígi! Það má búast við hörkuslag hér í kvöld en þessi lið mættust einmitt í úrslitum Lengjubikarsins í vor þar sem Stjörnukonur höfðu betur eftir vítaspyrnukeppni.

Heil og sæl lesendur góðir! Verið hjartanlega velkominn í þessa þráðbeinu textalýsingu frá Samsungvellinum þar sem fyrsta umferð Bestu deildar kvenna heldur áfram göngu sinni í kvöld þar sem heimakonur í Stjörnunni mæta Þór/KA.