Liðin ganga til vallar og Besta stefið ómar í tækjunum í Kórnum.

Liðin eru að ganga til búningsherbergja og fólkið er byrjað að týnast inn. Fylkismenn láta vel í sér heyra!

Emil og Ragnar Bragi ekki í hóp Hvorki Emil né Ragnar Bragi eru í hóp hjá Fylki hér í dag en þeir sátu báðir á bekknum í sigri Fylki á FH.

Ég held að uppstilling HK í dag verður svona:

Arnar Freyr
Birkir - Ahmad Faqa - Leifur - Ívar Örn
Arnþór Atli - Atli Arnars
Aziz
Eyþór Wöhler - Atli Hrafn - Örvar Eggerts

Ég ætla að skjóta á það að uppstilling Fylkis í dag verður svona:

Ólafur Kristófer
Elís - Ásgeir - Orri - Arnór Breki
Arnór Gauti
Nikulás - Birkir Eyþórs
Þórður - Óli Kalli - Benedikt

Eyþór Wöhler byrjar! Það er frumraun í HK treyju í dag fyrir Eyþór Aron Wöhler. Hann kemur inn í liðið fyrir Hassan Jalloh sem hefur verið sprækur í upphafi móts.

Byrjunarliðin klár! Byrjunarliðin eru klár og HK-ingar gera tvær breytingar á meðan Fylkismenn halda sig við sama lið og vann FH 4-2. Eyþór Wöhler og Ahmad Faqa koma inn í HK liðið fyrir Hassan Jalloh og Eið Atla.

Eyþór Wöhler mættur í Kórinn Eins og greint var frá í vikunni er Eyþór Aron Wöhler búinn að semja við HK. Hann verður á láni út tímabilið frá Breiðablik en hann keppti einmit á móti HK í fyrstu umferð, þá í grænni treyju. Það verður áhugavert að sjá hvort hann fær að byrja í dag.

Sú Lang Besta Eftir geggjaðan leik í gærkvöldi lítur taflan góða svona út. Með sigri fara HK-ingar tímabundið upp í annað sætið en Fylkismenn geta einnig klifrað í annað sætið ef þeir sigra HK með að minnsta kosti þremur mörkum.

1. Víkingur - 9 stig
2. Breiðablik - 6 stig
3. Valur - 6 stig
4. KA - 5 stig
5. HK - 4 stig
6. FH - 4 stig
--------------
7. KR- 4 stig
8. Keflavík- 4 stig
9. Fylkir - 3 stig
10. Stjarnan - 3 stig
11. ÍBV - 3 stig
12. Fram - 2 stig

Deildin hefur verið mjög jöfn til þessa þar sem allir geta unnið alla en þannig viljum við hafa það!

Dómari leiksins Einar Ingi Jóhannsson heldur um flautuna í Kórnum en honum til aðstoðar verða Eðvarð Eðvarðsson og Guðmundur Ingi Bjarnason.

Samkvæmt Trasfermarkt er þetta tölfræði Einars Inga í efstu deild:
Leikir: 45
Gul spjöld: 165
Gult og rautt: 2
Beint rautt: 2
Vítaspyrnur: 15

HK í Evrópu? Starkaður Pétursson er spámaður 4. umferðar Bestu Deildarinnar en hann kom með mjög áhugaverða spá fyrir HK. Hann spáði þeim sigri gegn Fylki og Evrópusæti í ár. Hann hafði þetta að segja um leikinn:

HK 1-0 Fylkir
„Ég tók ekki eftir einni spá í upphafi móts sem spáði HK-ingum ekki falli. Ég er blessunarlega maður bjartsýnar. Ég spái HK Evrópusæti í ár. Allir elska Öskubusku.. 1-0 fyrir HK."

Viðureignir HK og Fylkis Samkvæmt KSÍ hafa HK og Fylkir mæst 27 sinnum en HK-ingarnir hafa verið í stökustu vandræðum með Fylkismennina í þeim leikjum.

Fylkir sigrar: 17 (63%)
Jafntefli: 6 (22%)
HK sigrar: 4 (15%)

Fylkir komnir á blað Fylkismennirnir mæta í Kórinn með kassann úti eftir seinustu umferð. Eftir svekkjandi 2-1 tap í fyrstu umferð gegn Keflavík og 2-0 tap í annari umferð gegn góðu Víkingsliði náðu Fylkismenn í sín fyrstu stig í seinustu umferð. Þeir unnu FH í Árbænum 4-2 og sýndu þar þjóðinni hvað þeir geta gert á góðum degi. Ásgeir Eyþórsson átti hreint út sagt stórkostlegan leik gegn FH en svo má líka nefna innkomu Óskars Borgþórssonar sem skoraði sitt fyrsta mark í sumar.

HK byrja vel HK hafa byrjað sterkt í þeirri Bestu miðað við væntingar. Eftir geggjaðan 4-3 sigur á Blikum í 1. umferð gerðu þeir 1-1 jafntefli gegn Fram í 2. umferð. Í seinustu umferð töpuðu þeir 5-4 í Garðabænum gegn Stjörnunni. HK-ingar hafa verið að gefa okkur veisluleiki hingað til og á ég ekki von á neinu öðru hér í dag. HK hafa skorað næst flest mörk í deildinni hingað til. Þeir hafa skorað 9 mörk í þremur leikjum en ekkert lið var með fleiri mörk eftir þrjá leiki. Þeir eiga einnig eitt stykki næst markahæsta leikmann deildarinnar í Örvari Eggertssyni. Margir hafa verið að kalla hann hinn Íslenska Edi Cavani. Það er bara tímaspursmál hvenær hann hendir í bogafagnið.

Nýliðaslagur! Heil og sæl ágætu lesendur og verið velkomin í beina textalýsingu úr Kórnum góða. Lengjudeildarmeistararnir úr Árbænum rölta yfir Elliðárdalinn og í efri byggðir Kópavogs þar sem þeir mæta HK.