Leikmenn eru að fara að ganga út á völl. Við förum fljótlega að hefja leik hér á Ásvöllum.

Ásgeir Börkur ekki með ÍR Ásgeir Börkur Ásgeirsson, miðjumaðurinn sterki, er ekki með ÍR-ingum í dag. Hann gekk í raðir félagsins frá Fylki í vetur.

Leikurinn hefst 18:45 og ég hvet auðvitað alla til að skella sér á völlinn. Það er fínasta veður úti. Þetta er frábær upphitun fyrir fótboltasumarið í 2. deild karla.

Björgvin á bekknum Byrjunarliðin fyrir þennan leik eru klár. Björgvin Stefánsson, sem er byrjaður að spila fótbolta aftur eftir veikindi, er á bekknum hjá Haukum.

Leið ÍR í þennan leik ÍR vann sinn riðil mjög þægilega, þeir unnu alla leikina fimm. Þeir skoruðu 23 mörk og fengu aðeins á sig tvö. Augnablik, KFG og Ægir komu svo þar á eftir með níu stig.

ÍR mætti svo KFA í undanúrslitunum og unnu þar eftir vítaspyrnukeppni. ÍR komst í 0-2 en missti það niður í 2-2. Leikurinn fór beint í vítaspyrnukeppni og þar höfðu ÍR-ingar betur.

Leið Hauka í þennan leik Til þess að komast í þennan úrslitaleikinn þá unnu Haukar B-riðill í B-deild Lengjubikarsins. Þeir enduðu með jafnmörg stig og Sindri og Þróttur Vogum (öll með tólf stig) en tóku þetta á markatölunni.

Haukarnir lögðu svo Ými í undanúrslitunum, 6-1.

Við erum svo sannarlega að fara að fá fróðlegan leik hér í kvöld á milli tveggja liða sem stefna á að fara upp úr 2. deildinni í sumar.

Velkomin Góðan daginn og verið velkomin í beina textalýsingu frá leik Hauka og ÍR í úrslitaleik B-deild Lengjubikars karla. Leikið er á Ásvöllum.