Tölfræðin Saga þessarar liða er mikil og sér í lagi á þessari öld þar sem viðureignir þessara liða voru farnar að ganga undir El Classico Íslands. En samkvæmt KSÍ hafa þessi lið spilað 74 leiki í A deild.

FH hefur unnið 31 leik
KR hefur unnið 26 leik
Jafnteflin hafa verið 17

Árið 2022 mættust þau tvisvar sinnum í deild. Í fyrri leiknum sem fram fór í Kaplakrika enduðu leikar 2-3 þar sem Kjartan Henry skoraði tvö marka KR og Finnur Orri Margeirsson setti sjálfsmark.

Seinni leikurinn endaði svo 0-0 í Vesturbænum.

Konsertmeistari dagsins og aðstoðarfólk Helgi Mikael heldur utan um flautuna í dag.

Bryngeir Valdimarsson er AD1

Rúna Kristín Stefánsdóttir er AD2

Mögulegar sögulínur Eins og allir vita að þá er Kjartan Henry leikmaður FH í dag en er uppalinn KR-ingur. Hvað mun Kjartan Henry gera gegn sínum gömlu félögum?

Kristján Flóki leikmaður KR er svo uppalinn FH-ingur.

Rúnar Kri með eina breytingu KR tapaði fyrir Víkingum í síðasta deildarleik og gerir Rúnar Kristinsson eina breytingu frá þeim leik. Kristján Flóki kemur inn í stað Sigurðar Bjarts.

Tvær breytingar hjá FH Heimir Guðjónsson gerir tvær breytingar á liði sínu frá leiknum á móti Fylki. Finnur Orri og Eetu Mömmö setjast á bekkinn og Kjartan Kári og Úlfur Ágúst koma inn í liðið.

Stjórn FH sendir KSÍ tóninn Stjórn FH sendi svo frá sér yfirlýsingu í gær þar sem þeir skjóta föstum skotum á KSÍ
Íslenskri knattspyrnu ekki til heilla

Formaður FH ekki heldur sáttur Valdimar Svavarsson formaður FH var einnig til viðtals hjá Fótbolti.net í gær og var heldur ekki sáttur við þessa niðurstöðu.
Þetta er engum til sóma

Rúnar Kristinsson ekki kátur Rúnar Kristinsson þjálfari KR svaraði svo spurningum Fótbolti.net í gær varðandi þessi tíðindi um að leikurinn yrði spilaður á Miðvellinum.
Þetta er búið að vera algjört rugl

Saga hinna mörgu frétta Þær hafa verið skrifaðar nokkrar fréttirnar síðustu daga um tilurð þess að leikurinn fari fram á Miðvellinum.

Það byrjaði allt á Miðvikudaginn síðasta þegar FH óskaði eftir frestun vegna erfiðra vallaskilyrða á Kaplakrikavelli.
KSÍ virðist ekki vera til í það

Síðan bárust fregnir í hádeginu í gær að aðalstjórn FH hefði ákveðið að loka aðgengi að völlum FH, bæði Kaplakrika sem og Miðvellinum. KSÍ sendi því frá sér tilkynningu þess efnis að leikurinn færi fram á WURTH vellinum í Árbæ.
FH mætir KR í Árbænum

Þá komu FH-ingar með krók á móti bragði og tilkynntu að Miðvöllurinn væri klár til notkunar.
Leikstaðnum aftur breytt

Miðvöllur heilsar Komiði sæl og blessuð og verið velkomin í beina textalýsingu frá leik FH og KR í fjórðu umferð Bestu deildar karla í knattspyrnu.

Ég er ekki alveg viss hvar leikurinn muni fara fram, það er búið að vera hringlandaháttur á þessu síðustu daga. Allt frá því að spila eigi í Kaplakrika yfir í Árbænum yfir í Hafnarfjörð aftur og niðurstaða gærdagsins var sú að leikurinn muni fara fram á Miðvelli FH, frjálsíþróttavelli þeirra. Sem gárungarnir eru farnir að kalla Nývang.