Jæja þá ganga liðin til vallar og klappa fyrir áhorfendunum

Styttist í þetta! Fólkið er byrjað að tínast inn í stúkuna og liðin ganga til búningsherbergja. Þetta er að fara í gang!

Byrjunarliðin! Liðin eru klár og Fjölnismenn halda sig við sama byrjunarlið og vann Ægi í fyrstu umferð. Þróttarar gera eina breytingu frá tapleiknum gegn Leiknismönnum, Hinrik Harðarson kemur inn í liðið fyrir Guðmundur Axel.

Dómaratríóið Vilhjálmur Alvar Þórarinsson sér um flaututónleikana í kvöld en aðstoðarmenn hans eru Egill Guðvarður Guðlaugsson og Jakub Marcin Róg. Vilhjálmur er með mikla reynslu sem dómari. Hans fyrsti leikur í B deildinni sem hann dæmdi var árið 2010 en svona lítur út tölfræðin hans í B deildinni:

Leikir: 47
Gul spjöld: 204
Rauðspjöld: 19
Vítaspyrnur dæmdar: 23

Fyrrum viðureignir Fjölnis og Þróttar Fjölnir og Þróttur hafa spilað samtals 37 leiki innbyrðis á vegum KSÍ. Fjölnismenn hafa verið sigurstrangari í þeim viðureignum en þeir hafa unnið allt að tuttugu og tvo sigra gegn Þrótti á meðan Þróttur hefur unnið Fjölni 12 sinnum. Leikirnir milli þessara liða hafa sjaldan endað í jafnteflum eða þrisvar sinnum. Markatalan í þessum 37 leikjum er 94-61 Fjölni í vil.

Seinasti sigur Fjölnis gegn Þrótti kom í Lengjubikarnum í ár en þar fóru leikar 4-1 fyrir Fjölnismönnum.
Seinasta jafnteflið kom í B deildinni árið 2013, sá leikur fór 0-0. Í þeim leik byrjaði einmitt Guðmundur Karl sem er lykileikmaður Fjölnis í dag.
Seinasti Sigur Þróttara gegn Fjölnismönnum kom í Lengjubikarnum árið 2021. Þróttur vann þá 4-3 sigur í Laugardalnum.

Fjölnismenn með 2-1 sigur? Spámaður umferðarinnar er Aron Jóhannsson, miðjumaður Fram, en hann heldur að Fjölnismenn muni hafa betur í kvöld. Hann spáir því að Sam Hewson muni skora eina mark Þróttara í kvöld sem mun ekki duga til úrslita. Aron krossar einnig putta að það muni engin krossbandaslit eiga sér stað í Egilshöllinni í kvöld. En hafði þetta að segja um leikinn:

Fjölnir 2-1 Þróttur R.
„Gæðin í leiknum munu aukast töluvert eftir hann var færður í Egilshöllina og við skulum vona að það kosti ekki krossband þetta kvöldið. Sam Hewson skorar eftir geggjaðan undirbúning frá Aroni Snæ en það mun ekki duga fyrir Þróttara.“

Brekka í fyrstu umferð Þróttarar töpuðu fyrsta leiknum í deildinni gegn Leikni Reykjavík 3-1 á heimavelli. Leikurinn var kaflaskiptur en á endanum var það færanýting Þróttara sem veldur því að þeir tapa gegn Leikni. Þróttarar höfnuðu í öðru sæti í 2. deildinni í fyrra og koma upp með bara ágætis lið. Þeir hafa styrkt sig vel í vetur og eru með spennandi og skemmtilegt lið. Það verður mjög áhugavert að fylgjast með Þrótti í sumar en fólk sem heldur að þetta verður göngutúr í garðinum fyrir Fjölni hafa rangt fyrir sér. Þetta verður hörkuleikur.

Fjölnismenn byrja vel Fjölnismenn sóttu þrjú stig í fyrstu umferð gegn Ægismönnum. Staðan var 0-0 í hálfleik en Fjölnismenn voru í miklu veseni í allan seinni hálfleik. Síðan fengu þeir vítaspyrnu á 95. mínútu sem Bjarni Gunnarsson tók og tryggði sigur Fjölnismanna. Sterk þrjú stig sem Fjölnismenn sóttu í fyrstu umferð en þeir eiga aftur leik gegn nýliðum í kvöld. Fjölnismenn hafa staðið sig vel í gegnum tíðina inni í Egilshöllinni en seinasti leikur þeirra þar var í bikarnum gegn Breiðablik. Þeir töpuðu 2-0 gegn Íslandsmeisturunum en fengu fullt af færum til þess að koma sér inn í leikinn. Fyrirliðar og þjálfarar spá Fjölnismönnum í 3. sæti í sumar sem kemur ekkert á óvart.

Leikurinn er sýndur beint á Youtube

Heil og Sæl! Heil og sæl ágætu lesendur og verið hjartanlega velkomin í þráðbeina textalýsingu úr Egilshöllinni þar sem Fjölnismenn bjóða Þrótturum í heimsókn. Önnur umferð Lengjudeildarinnar fer af stað í kvöld með tveimur leikjum. En það verður annar leikur í gangi á sama tíma í kvöld þar sem Njarðvík og Ægir mætast í Njarðvík.