Liðin eru að ganga út á völl þessa stundina og því styttist í upphafsflautið.

Aron Jóhannsson leikmaður Fram spáir í spilinn Afturelding 3 - 2 Þór (19:30 á morgun)

Ef þig langar að horfa á fallegan fótbolta þá mætirðu á þennan leik eða stillir inn á YouTube. Afturelding verður 70% með boltann og skorar Arnór Gauti fullkomna þrennu. Þór nær að bíta aðeins frá sér í lokin en ná samt ekki að gera þetta spennandi, sorry Orri.

Hvernig fór í fyrra? Liðin voru auðvitað bæði í Lengjudeildinni í fyrra. Þau mættust því tvívegis á seinasta tímabili. Fyrri leikur liðanna fór fram í Mosfellsbænum og lauk með 4-1 sigri Aftureldingar. Seinni leikurinn fór fram á Akureyri og þar var annað uppi á teningnum en sá leikur lauk með 0-0 jafntefli.

Báratta í Boganum Þór hóf tímabilið einnig á þremur stigum. Liðið mætti liði Vestra inni í Boganum og sótti þar dýrmætan 2-1 sigur. Leikurinn vakti ekki síst athygli fyrir þær sakir að hann fór ekki fram á Þórsvellinum. Mörk Þórs skoruðu Marc Rochester og Bjarni Guðjón Brynjólfsson

Sigur á Selfossi Afturelding hóf tímabilið sitt á Selfossi fyrir viku síðan. Þar sótti Afturelding sterkan útisigur og fengu því strax fyrstu þrjú stigin á töfluna. Mörk Aftureldingar skoruðu Arnór Gauti Ragnarsson, Aron Elí Sævarsson og Sævar Atli Hugason.

Mosfellingar í Úlfarsárdal. Leikurinn í kvöld er vissulega heimaleikur Aftureldingar en þrátt fyrir það fer leikurinn fram í Úlfarsárdalnum á heimavelli Framara. Verið er að taka upp gervigrasið á Malbiksstöðinni við Varmá og því þurfti að færa leikinn upp í Úlfarsárdal.

Sæl og Blessuð og verið velkominn í beina textalýsingu frá leik Aftureldingar og Þórs í Lengjudeild Karla. Önnur umferðin heldur áfram í kvöld en auk þessa leiks fer fram leikur Leiknis og Selfoss sem og leikur Grindavíkur og Gróttu. Önnur umferðin klárast svo á morgun með leik Vestra og ÍA