Hrafnkell Freyr spáir í 4. umferð Bestu kvenna Keli fékk það verkefni að vera spámaður 4.umferðar Bestu deildar kvenna og hann spáir því að við fáum markaleik.

Stjarnan 2 - 3 Valur
Stjörnukonur hafa verið hypeaðar upp fyrir mót og eðlilega, þær voru góðar í fyrra og áttu gott undirbúningstímabil. En Valskonur elska stórleiki, þær lifa fyrir þá. Þetta verður markaleikur og Valur vinnur 3-2. Bryndís Arna setur þrennu, Jasmín og Aníta Ýr skipta þessu milli sín hjá Stjörnunni.

Dómararteymið! Aðalbjörn Heiðar Þorsteinsson fær það verkefni að halda utan um flautuna hér í kvöld og honum til aðstoðar verða Guðni Freyr Ingvason og Ragnar Arelíus Sveinsson.
Magnús Már Jónsson verður á hliðarlínunni með skiltið góða og til taks ef eitthvað skildi koma uppá.
Sigurður Hannesson fær það hlutverk að sjá um eftirlit með störfum dómara.

Innbyrðis viðureignir Stjarnan og Valur hafa spilað 118 leiki í keppnisleikjum á vegum KSÍ í sögunni kvennameginn.

Stjarnan hefur sigrað 28 leiki (24%) og skorað í þessum leikjum 129 mörk.
Valur hefur sigrað 79 leiki (67%) og skorað í þeim 324 mörk.
Liðin hafa þá skilið jöfn í 11 (9%) leikjum.

Stjarnan Stjörnukonur hafa farið heldur brösulega af stað miðað við spá fyrir mót. Stjörnunni var spáð toppsætunum í spá fyrir mót og eftir gott undirbúningstímabil þar sem þær sigruðu Lengjubikarinn og Svanfríðarbikarinn (Meistarar meistarana).
Stjarnan byrjaði tímabilið á ósigri í fyrstu umferð gegn Þór/KA en bættu þó upp fyrir það í næsta leik gegn ÍBV þar sem þær fóru með sigur af hólmi.
Í síðustu umferð mættu þær Þrótti R. í stórleik 3.umferðar og komust yfir í þeim leik með marki frá Jasmín Erlu Ingadóttur en Sæunn Björnsdóttir jafnaði leikinn fyrir Þróttara og þar við sat.

Stjörnukonur hafa skorað 2 mörk til þessa í Bestu deild kvenna og hafa mörkin raðast svona:

Gunnhildur Yrsa Jónsdóttir - 1 Mark
Jasmín Erla Ingadóttir - 1 Mark

Valur Valskonur hafa byrjað tímabilið af krafti og sitja fyrir þessa umferð jafnar á toppnum með Þrótti R. sem bæði hafa 7 stig.
Valskonur byrjuðu tímabilið með sterkum sigri á Breiðablik og fylgdu þeim sigri svo eftir með öðrum sigri gegn FH.
Í síðustu umferð kom þó smá hökkt á Valsvélina þegar Selfoss mætti í heimsókn og náðu sterku stigi gegn Valskonum. Bryndís Arna Níelsdóttir kom Val yfir í leiknum en Áslaug Dóra Sigurbjörnsdóttir jafnaði fyrir Selfoss og þar við sat.

Valskonur hafa skorað 4 mörk í Bestu deild kvenna til þessa og hafa mörkin raðast svona:

Ásdís Karen Halldórsdóttir - 2 Mörk
Bryndís Arna Níelsdóttir - 1 Mark
Anna Rakel Pétursdóttir - 1 Mark

Staðan í deildinni til þessa! Besta deild kvenna hefur farið vel af stað og eftir þrjár umferðir eru öll lið kominn með stig á töfluna.

1.Þróttur R. - 7 stig
2.Valur - 7 stig
3.Breiðablik - 6 stig
4.Þór/KA - 6 stig
5.Stjarnan - 4 stig
6.Keflavík - 4 stig
-------------------
7.ÍBV - 3 stig
8.Tindastóll - 2 stig
9.Selfoss - 1 stig
10.FH - 1 stig

Heil og sæl! Verið hjartanlega velkominn í þessa þráðbeinu textalýsingu frá leik Stjörnunnar og Vals sem fram fer á Samsungvellinum í Garðabæ.
Sannkallaður stórslagur framundan í 4.umferð Bestu deild kvenna!