Byrjunarliðin komin inn! Pétur Pétursson gerir 4 breytingar á liði sínu frá síðasta leik. Fyrirliðinn Elísa Viðarsdóttir kemur aftur inn í byrjunarliðið ásamt þeim Jamia Fields, Ídu Marínu og Haley Berg.

Todor Hristov gerir engar breytingar á liði sínu frá síðasta leik sem ÍBV vann 3-0, enda engin ástæða til að breyta.

Sandra Sigurðar spáir í spilin
Valur 3 - 0 ÍBV

Held að mitt lið Valur komi snælduvitlausar til leiks eftir tap í siðasta leik. Þó svo að ÍBV komi með sjálfstraust eftir þeirra seinasta leik þá held ég að þetta verði erfiður róður fyrir þær. Byrjar með mikilli baráttu og jafnræði fyrst um sinn en svo held ég að Valur taki þetta 3-0.

ÍBV Eyjakonur hafa farið vel af stað í deildinni með 6 stig eftir 4 umferðir. Í síðustu umferð unnu þær frábæran 3-0 sigur á Þrótturum þar sem Þóra Björg Stefánsdóttir skoraði tvö mörk.
ÍBV leka ekki mikið af mörkum en báðir tapleikir þeirra enduðu með 1-0 tapi ÍBV þeir voru gegn toppliði Þór/KA og sterku liði Stjörnunnar.

Valur Gestgjafarnir í Val hófu tímabilið sterkt með 6 stig eftir tvo leiki. Þær hafa þó aðeins hökkt í síðustu leikjum en liðið gerði jafntefli við Selfoss og töpuðu síðan gegn Stjörnunni.
Valur er nú í 4. sæti deildarinnar með 7 stig, tveimur stigum frá Þór/KA sem tróna á toppi deildarinnar.

Gleðilegan mánudag! Góðan og blessaðan daginn og veriði hjartanlega velkomin í þráðbeina textalýsingu frá Origo vellinum. Hér klukkan 18:00 mun Valur taka á móti ÍBV í fimmtu umferð Bestu-deildar kvenna.