Byrjunarliðin komin Ísak Andri Sigurgeirsson einn besti leikmaður deildarinnar er utan hóps í dag en samkvæmt heimildum fréttamanns er Ísak tæpur og enginn séns tekinn með hann í dag. Jökull Elísabetarson gerir tvær breytingar á sínu liði frá 2-2 jafnteflinu gegn Fylki en Ísak Andri og Adolf Daði koma út fyrir Joey Gibbs og Baldur Loga. Rúnar Kristinsson gerir tvær breytingar frá 1-2 sigrinum gegn Fram en Aron Snær kemur inn í markið fyrir Simen Kjellevold og Kristján Flóki kemur inn fyrir Sigurð Bjart Hallsson.

Dómari leiksins Jóhann Ingi Jónsson fær það verðuga verkefni að dæma þennan leik í dag og trúi ég ekki öðru en það verður mjög krefjandi verkefni í þessum aðstæðum! Honum til aðstoðar verða Andri Vigfússon og Bergur Daði Ágústsson

Spámaðurinn Máni Austmann Hilmarsson, skólabróðir minn og meistari, er næstur til þess að reyna fyrir sér. Máni er leikmaður Fjölnis sem situr á toppi Lengjudeildarinnar. Máni samdi við Fjölni í lok félagaskiptagluggans eftir að hafa leikið með FH árið á undan. Hann er jafnmarkahæsti leikmaður Lengjudeildarinnar með fjögur mörk skoruð í fjórum leikjum. Svona spáir hann leiknum.
" Kristján Flóki samstarfsmaður og kynlífsfíkill skorar 2 og Grétar Snær ákveður að loka búrinu hjá KR. Ísak Andri mun samt eiga stórkostlegan leik eins og alltaf. Eggert er líka nettur. Leikurinn endar 2-0 KR"

Jölli á heimaslóðum Þjálfari Stjörnunnar stýrir sínu liði í fyrsta sinn sem aðalþjálfari gegn uppeldisfélaginu sínu en Jökull lék með KR frá 2001 - 2005.

Bæði lið á ágætis róli KR-ingar koma fullir sjálfstrausts inn í leikinn en þeir hafa unnið síðustu tvo leiki en þeir unnu Fylki 4-3 í bikarnum svo unnu þeir Fram 1-2 í Úlfarsárdalnum í síðustu umferð. Stjörnumenn eru hins vegar taplausir undir stjórn Jökuls Elísabetarsonar en þeir eru með tvo sigra og eitt jafntefli undir hans stjórn með markatöluna 10-2

Veðrið og aðstæður... Það stefnir allt í að klukkan 19:15 þegar leikurinn verði flautaður á verði grenandi rigning og rok þannig það verður mjög áhuagvert að sjá hvernig þessi leikur spilast. KR spilaði síðast á heimavelli gegn Breiðablik þann 13.maí og völlurinn fékk ekki mikið lof á samfélagsmiðlum þannig verður spennandi að sjá hvað Maggi Bö er búinn að gera við völlinn síðan þá

Gott og blessað kvöldið kæra fólk og verið hjartanlega velkomin í beina textalýsingu frá Meistaravöllum þar sem að KR og Stjarnan mætast í 9.umferð Bestu deildar karla.