Liðin ganga hér út á völl. Þróttur í sínum hefðbundnu röndóttu búningum og Valur í svörtum varabúningum.

Styttist í leik Liðin voru hér að klára upphitun og ganga inn í hús. Styttist í leikinn.

Markmaður og kennari Íris Dögg byrjar í markinu hjá Þrótti að vana, enda frábær markmaður. Ekki nóg með það þá er hún einnig frábær kennari og kenndi undirrituðum ensku í grunnskóla. Ég var reyndar ósáttur með lokaeinkunn sem ég fékk hjá henni, en ætli maður þurfi ekki að grafa þá stríðsexi.

Byrjunarliðin klár Þróttur gerir tvær breytingar á liðinu sínu frá bikarleiknum. Freyja Karín og Ísabella Anna koma inn í liðið en Olla tekur sér sæti á bekknum á meðan Katla er fjarri góðu gamni vegna meiðsla.

Valur gerir þrjár breytingar á liðinu sínu frá bikarleiknum. Lára Kristín Ásdís Karen og Bryndís Arna koma inn í byrjunarliðið en Ída Marín, Jamia Fields og Ísabella Sara taka sér sæti á bekknum.

Bekkurinn hjá Val í dag er fullskipaður ólíkt bikarleiknum, Þróttarar eru hins vegar með eitt laust sæti á bekknum sínum.

Toppslagur Hér í kvöld fáum við að sjá toppslag í Bestu deildinni og því hvet ég alla til að leggja leið sína á völlinn. Bæði liðin eru með tíu stig eftir fimm umferðir og eru í efstu tveimur sætum deildarinnar. Valur er þó á toppnum um þessar mundir með einu marki betra í markatölu.

View this post on Instagram

A post shared by Svipmyndir úr Valsfótboltanum (@valurfotbolti)

View this post on Instagram

A post shared by Knattspyrnufe?lagið Þro?ttur (@throttur)

Fámennur bekkur Það vakti athygli í bikarleiknum hversu fámennur bekkurinn hjá Valskonum var. Meiðsli og veikindi hrjáðu hópinn ásamt því sem stelpur í 2. og 3. flokki spila fyrir KH, venslafélag Vals, og eru því ekki með leikheimild fyrir Val. Pétur nýtti viðtalið í gagnrýna reglur KSÍ hvað þetta varðar. Ég hvet alla til þess að hlusta á viðtalið hér.

Besta lið sem hann hefur þjálfað Nik Chamberlain, þjálfari Þróttar, var að vonum hæstánægður með sitt lið eftir sigurinn í Mjólkurbikarnum gegn Val. Eftir leik sagði hann að liðið sem hann væri með í ár væri „Líklega besta lið sem ég hef nokkurn tímann verið með“

Spá umferðarinnar Selma Dögg Björgvinsdóttir, leikmaður Víkings, spáir í leiki umferðarinnar. Hún spáir Þrótti 3-1 sigri í kvöld og hafði hún þetta að segja um leikinn: „Valskonur munu reyna að hefna fyrir tapið í bikarnum. Þær mæta sterkar til leiks og skora fyrsta markið, en framherjar Þróttara munu sýna gæði sín þegar líður á leikinn og skora þrjú mörk. Ingunn verður eins og klettur í vörn Þróttara.“

Selma Dögg er til vinstri á myndinni.