Þróttur R.
3
0
Þór
Jorgen Pettersen '42 1-0
Aron Snær Ingason '48 2-0
Aron Snær Ingason '76 3-0
10.06.2023  -  14:00
AVIS völlurinn
Lengjudeild karla
Aðstæður: Frábærar, sól og smá gola.
Dómari: Aðalbjörn Heiðar Þorsteinsson
Maður leiksins: Aron Snær Ingason
Byrjunarlið:
Sveinn Óli Guðnason
2. Eiríkur Þorsteinsson Blöndal
3. Stefán Þórður Stefánsson ('88)
5. Jorgen Pettersen
7. Aron Snær Ingason ('88)
8. Baldur Hannes Stefánsson
9. Hinrik Harðarson
10. Guðmundur Axel Hilmarsson ('74)
11. Ágúst Karel Magnússon ('83)
33. Kostiantyn Pikul
99. Kostiantyn Iaroshenko ('83)

Varamenn:
12. Hilmar Örn Pétursson (m)
25. Óskar Sigþórsson (m)
10. Ernest Slupski ('74)
17. Izaro Abella Sanchez ('88)
18. Hlynur Þórhallsson
22. Kári Kristjánsson ('83)
26. Emil Skúli Einarsson ('83)
28. Ólafur Fjalar Freysson ('88)

Liðsstjórn:
Ian David Jeffs (Þ)
Jóhann Gunnar Baldvinsson
Angelos Barmpas
Marek Golembowski
Ben Chapman
Bára Kristbjörg Rúnarsdóttir

Gul spjöld:

Rauð spjöld:
Leik lokið!
Þróttarar vinna sannfærandi 3-0 sigur gegn Þórsurum.
94. mín
Ernest Slupski vinnur hornspyrnu. Það getur ekki verið mikið eftir.
93. mín
Kristófer Kristjánsson reynir skot fyrir utan teig Þróttara, gott skot en það fer rétt framhjá.
92. mín
Fannar Daði í álitlegri stöðu, reynir að þræða boltann inn á teignum en Baldur Hannes hreinsar upp.
91. mín
Ernest Slupski í góðri stöðu en finnur engan samherja inn á vítateig Þórsara.
89. mín
Skalli eftir hornspyrnu sem Alexander á. Baldur Hannes hárrétt staðsettur og stöðvar boltann á leiðinni að markinu.
88. mín
Inn:Ólafur Fjalar Freysson (Þróttur R.) Út:Stefán Þórður Stefánsson (Þróttur R.)
88. mín
Inn:Izaro Abella Sanchez (Þróttur R.) Út:Aron Snær Ingason (Þróttur R.)
Izaro kemur inn á gegnum sínum fyrrum félögum.
85. mín Gult spjald: Nikola Kristinn Stojanovic (Þór )
Brýtur á Aroni Snæ á sprettinum.
83. mín
Inn:Emil Skúli Einarsson (Þróttur R.) Út:Ágúst Karel Magnússon (Þróttur R.)
83. mín
Inn:Kári Kristjánsson (Þróttur R.) Út:Kostiantyn Iaroshenko (Þróttur R.)
83. mín
Baldur Hannes vinnur aukaspyrnu í baráttu við Kristófer og Aðalbjörn þarf að róa Svein Leó á bekknum eftir þessa ákvörðun.
81. mín
Inn:Rafnar Máni Gunnarsson (Þór ) Út:Vilhelm Ottó Biering Ottósson (Þór )
Síðasta skipting Þórsara.
80. mín
Þórsarar fá hornspyrnu. Föst fyrirgjöf frá Ragnari sem skölluð er aftur fyrir.

Bjarni á svo hornspyrnuna, finnur Ragnar í teignum en skallinn er framhjá.
78. mín
Sveinn Óli! Fyrsta skot Þórsara á mark Þróttara. Bjarni Guðjón með skot utarlega úr teignum sem snýst upp í hornið en Sveinn Óli er vel staðsettur og nær að slá boltann yfir.
76. mín MARK!
Aron Snær Ingason (Þróttur R.)
Stoðsending: Baldur Hannes Stefánsson
Frábært mark Geggjuð sending frá Baldri inn á Aron Snæ sem tekur frábærlega við boltanum og leggur hann á milli fóta Arons Birkis í markinu.

Glæsilegt mark hjá Þrótturum.
75. mín
Bjarni Guðjón tapar boltanum og brýtur svo á Ernest. Hlutirnir ekki alveg að ganga með Bjarna í dag.
74. mín
Inn:Ernest Slupski (Þróttur R.) Út:Guðmundur Axel Hilmarsson (Þróttur R.)
72. mín Gult spjald: Alexander Már Þorláksson (Þór )
Alexander virðist fara í Pikul þegar boltinn er ekki nálægt. Aðalbjörn tekur sér smá tíma til að taka ákvörðun og lyftir svo gulu spjaldi.

Hann hefur fengið einhverja aðstoð frá aðstoðardómurum sínum þarna því hann dæmdi ekki brot í fyrstu.
69. mín
Fannar Daði fær boltann í fínni stöðu inn á teig Þróttara, á tvær tilraunir en heimamenn verjast vel. Baldur Hannes öflugur í hjarta varnarinnar.
68. mín
Ion með skottilraun en hún fer í varnarmann. Þórsarar eiga held ég ennþá eftir að eiga tilraun sem ratar á mark Þróttara í leiknum.
65. mín
Bjarki Þór með tilraun en hún fer langt framhjá marki Þróttara.

Baldur Hannes fær í kjölfarið tiltal, Aðalbjörn búinn að fá nóg af tuði út í dóma síðustu mínútur.
64. mín
Bjarni Guðjón vinnur aukaspyrnu við vítateig Þróttara. Tók boltann með höndinni virtist vera en Aðalbjörn dæmir hrindingu í aðdragandanum.
64. mín
Álitleg sókn hjá Þrótturum en Guðmundur Axel með of fasta fyrirgjöf. Guðmundur verið mikilvægt vopn í þessum leik en sendingarnar aðeins verið að stríða honum.
61. mín
Hinrik reynir að finna Ágúst á fjærstönginni en Ágúst kemst ekki í boltann. Þessi hefði sennilega legið í netinu ef Ágúst hefði náð til boltans.
60. mín
Inn:Kristófer Kristjánsson (Þór ) Út:Aron Ingi Magnússon (Þór )
59. mín
Töframaður Iaroshenko með geggjaðar sendingar út til vinstri.

Eftir sinni sendinguna á Stefán fyrirgjöf sem Aron Snær kemst í á fjærstönginni en slúttið hjá Aroni mislukkað og fór ekki á markið.
56. mín
Ágúst Karel með gjörsamlega mislukkaða fyrirgjöf, kemur fyrir á bestu bæjum að hitta ekki teiginn en þessi fór yfir grindverkið og út á göngustíg.
54. mín
Bjarni Guðjón tekur aukaspyrnuna en boltinn af Þróttara og aftur fyrir.

Hornspyrnan tekin stutt og Bjarni á svo fyrirgjöf sem Guðmundur skallar í burtu og boltinn endar svo í höndunum á Sveini skömmu síðar.
53. mín
Fannar með skottilraun í varnarmann, stígur svo sinn mann út í frákastinu og vinnur aukaspyrnu. Klókur.
52. mín
Fannar Daði vinnur aftur aukaspyrnu, núna hinu megin við vítateig Þróttara. Besti leikmaður deildarinnar í því að vinna aukaspyrnur.
50. mín
Fannar Daði vinnur aukaspyrnu, Ágúst Karel brotlegur.

Ion með spyrnuna inn á teiginn og Sveinn Óli er hugaður að koma út og kýla boltann í burtu. Þórsarar dæmdir brotlegir.
48. mín MARK!
Aron Snær Ingason (Þróttur R.)
Stoðsending: Hinrik Harðarson
Forystan tvöfölduð! Hinrik Harðarson með skemmtilega sendingu inn fyrir vörn Þórsara. Aron Snær lúrði í öftustu línu, var á undan Elmari í boltanum og lagði boltann með vinstri fæti framhjá Aroni Birki í markinu.

Virkilega vel klárað hjá Aroni.
46. mín
Seinni hálfleikur hafinn Þórsarar byrjar með boltann í seinni.
46. mín
Inn:Fannar Daði Malmquist Gíslason (Þór ) Út:Valdimar Daði Sævarsson (Þór )
Tvöföld breyting hjá Þór. Bæði Valdimar og Ingimar voru líflegir í fyrri hálfleik.
46. mín
Inn:Nikola Kristinn Stojanovic (Þór ) Út:Ingimar Arnar Kristjánsson (Þór )
Bjarni Guðjón færist framar.
45. mín
Hálfleikur
Fyrir gula spjaldið setti Þór talsverða pressu á heimamenn an náðu ekki að ógna af alvöru.

Að Þróttur leiði í leikhléi finnst mér verðskuldað.
45. mín Gult spjald: Valdimar Daði Sævarsson (Þór )
45+4

Rífur í Hinrik á sprettinum og fær réttilega gula spjaldið.
45. mín
45+1

Pikul haltrar aðeins en heldur leik áfram.

Veit ekki hversu miklu var bætt við fyrri hálfleikinn.
42. mín MARK!
Jorgen Pettersen (Þróttur R.)
Stoðsending: Hinrik Harðarson
Fyrsta markið!! Eftir langt innkast inn á vítateig Þórsara.

Þórsarar skölluðu fyrsta bolta frá marki en Þróttarar komu boltanum aftur inn á teiginn og mér sýndist það vera Hinrik sem nær að koma boltanum inn á Jörgen sem klárar af stuttu færi.
42. mín
Ágúst með fína fyrirgjöf sem Hinrik reynir að ráðast á en Þórsarar hreinsa. Iaroshenko reynir svo skot fyrir utan teig en það fer í varnarmann.
40. mín
Hendi víti? Hornspyrnan tekin stutt og Bjarni finnur Valdimar. Valdimar á fyrirgjöf sem fer í Iaroshenko og inn á teiginn. Valdimar kallar eftir vítaspyrnu - hefði verið grimmt fannst mér.
40. mín
Bjarni lætur vaða en skotið í vegginn og þaðan aftur fyrir - hornspyrna.
38. mín
Aron Ingi vinnur aukaspyrnu með liprum töktum rétt fyrir utan vítateig heimamanna.

Bæði Pikul og Iaroshenko eru allt annað en sáttir og Iaroshenko fer meira að segja aðeins utan í Aðalbjörn dómara.

Þetta er fínn staður fyrir Ion eða Bjarna Guðjón.
37. mín
Bjarni Guðjón með skot úr vítateig Þróttara sem fer af varnarmanni og aftur fyrir. Þórsarar fá horn.

Valdimar vinnur svo annað horn í kjölfarið.
36. mín
Fínt spil úti vinstra megin hjá Þrótti, Stefán og Aron spiluðu saman.

Stefán á svo fyrirgjöf sem Aron reynir að komast í en Bjarki er vel staðsettur inn á vítateignum og hreinsar.
35. mín
Verið svolítið kaflaskipt. Þórsarar byrjuðu fannst mér betur en svo síðustu tuttugu mínútur hafa heimamenn í Þrótti verið talsvert líklegri.
32. mín
Rétt framhjá! Pikul með langt innkast inn á teiginn Alexander Már skallar boltann aftur fyrir.

Iaroshenko kemur með flottan bolta inn á teiginn em Baldur Hannes kemst í en sneiðir boltann rétt framhjá.
31. mín
Vel spilað úti hægra meginn hjá Þrótti og Ágúst sýndist mér með mjög álitlega fyrirgjöf sem Bjarki verst vel og kemur boltanum í burtu.
30. mín
Stefán Þórður reynir að taka Ragnar á en Ragnar verst vel og Þórsarar fá markspyrnu.
28. mín
Vilhelm vinnur hornspyrnu fyrir Þórsara. Föst fyrirgjöf sem er hreinsuð aftur fyrir.

Þróttarar koma svo í veg fyrir að boltinn komist inn á teiginn, illa framkvæmt hjá gestunum.
27. mín
Atgangur inn á vítateig Þórsara eftir langt innkast. Boltinn inn á markteignum en heimamenn ná ekki tilraun á markið. Hinrik vinnur svo hornspyrnu.

Þróttarar vilja svo fá aðra hornspyrnu, á því að fyrirgjöf Pikul hafi farið af Þórsara, en Aðalbjörn dæmir markspyrnu.
25. mín
Inn:Elmar Þór Jónsson (Þór ) Út:Akseli Matias Kalermo (Þór )
Akseli getur ekki haldið leik áfram.
23. mín
Akseli liggur eftir, fór upp í bolta sem Aron Snær hætti við að fara upp í. Akseli þarf á aðhlynningu að halda. Ég held að þarna hefði Aðalbjörn átt að dæma aukaspyrnu þar sem Akseli var í fullum rétti til að fara upp í boltann og komst í hann. Aðalbjörn stöðvaði svo leikinn.
21. mín
Jörgen með skot framhjá, tilraun rétt við vítateig Þórsara. Aftur virkilega góð sókn hjá Þrótturum sem hefst á því að Guðmundur Axel vinnur skallaeinvígi á miðsvæðinu. Iaroshenko átti fyrirgjöf sem Aron Snær reyndi að koma aftur fyrir markið en boltinn endaði fyrir utan teig hjá Jörgen sem lét vaða.
18. mín
Auðvelt skotmark til að miða á Þróttarar taka langt innkast inn á vítateig Þórsara og auðvitað er miðað á hinn stóra og stæðilega Guðmund Axel sem gnæfir yfir aðra inn á teignum. Guðmundur kemst í fyrsta bolta en áttaði sig ekki á hvar seinni boltinn myndi lenda og Þórsarar fá markspyrnu.
16. mín
Þróttarar vilja víti Aðeins stuggað við Guðmundi eftir fyrirgjöf frá hægri. Lítið í þessu og Þróttarar fá horn.

Baldur Hannes á svo skalla eftir hornið en hann er máttlítill og Þórsarar vinna boltann.
14. mín
Vel gert hjá heimamönnum Lagleg sókn hjá Þrótti sem Baldur Hannes hóf í eigin vítateig. Guðmundur Axel gerði frábærlega á miðju vallarins, hélt vel í boltann og fann Hinrik í hlaupið utan á varnarlínu Þórsara.

Hinrik á svo tilraun úr nokkuð þröngri stöðu sem Vilhelm hreinsar aftur fyrir.

Ekkert kom upp úr horninu.
13. mín
Vilhelm með fyrirgjöf frá vinstri sem flikkuð er áfram og svo á Ingimar skalla yfir mark Þróttara. Ingimar gert sig líklegan í byrjun leiks.
12. mín
Ingimar reynir skot fyrir utan teig en boltinn fer í Jörgen.

Hinu megin var Aron Birkir í annað skiptið í leiknum tæpur að fá Guðmund í sig í pressuna en Aron hefur leyst vel úr þessu í bæði skiptin til þessa.
11. mín
Hinrik fær enga aukaspyrnu og Ragnar Óli ögrar honum aðeins. Þróttarar kalla eftir aukaspyrnu en niðurstaðan er ekkert brot en kapparnir fá báðir tiltal.
10. mín
Ion með boltann inn á teiginn, Ragnar vinnur fyrsta bolta en Guðmundur skallar svo frá. Þróttarar náðu ekki að koma boltanum almennilega í burtu og sóknin endar á skoti frá Ingimar úti vinstra megin en tilraun hans fer talsvert framhjá marki Þróttara.
9. mín
Aron Ingi tekur á rás við miðlínu og tekur tvo á. Fellur svo við og fær aukaspyrnu. Fín staða fyrir Ion til að teikna boltann inn á teiginn.
7. mín
Bras á Bjarka eftir háan bolta inn fyrir vörn Þórsara sem Guðmundur Axel nýtir sér, fínt samspil við Aron Snæ sem á skot hægra megin úr teignum sem fer hátt yfir. Spurning hvort að þarna hafi verið fyrirgjafarstaða fyrir Aron.
5. mín
Ragnar Óli með flottan skalla upp kantinn eftir langa skiptingu út til hægri. Valdimar í fínni stöðu en tekst ekki að finna samherja við vítateiginn.
4. mín
Lið Þórs Aron
Ragnar - Bjarki - Akseli - Vilhelm
Bjarni - Ion
Valdimar - Aron - Ingimar
Alexander
1. mín
Lið Þróttar Sveinn
Eiríkur - Pikul - Baldur - Stefán
Ágúst - Jörgen - Iaroshenko
Aron - Guðmundur - Hinrik
1. mín
Ion seinn í Hinrik og er alveg smá heppinn að sleppa við að gula spjaldið. Fær stutt tiltal frá Aðalbirni, fyrsta brot.
1. mín
Leikur hafinn
Þróttur byrjar með boltann
Fyrir leik
Þróttarar í hefðbundnu röndóttu; rauðu og hvítu. Þórsarar í svörtu með rauðri rönd á ská frá öxl og yfir búkinn. Nýr búningur hjá Þórsurum.
Fyrir leik
Smá töf Leikmenn að gera sig líklega núna á slaginu að labba inn á völlinn.
Fyrir leik
Sam Hewson veikur Ég heyri að Sam Hewson sé fjarri góðu gamni í dag vegna veikinda.
Fyrir leik
Ein breyting hjá Þrótturum frá leiknum gegn Selfossi Ian Jeffs, þjáfari Þróttar, gerir eina breytingu frá leiknum gegn Selfossi.

Inn kemur Guðmundur Axel Hilmarsson fyrir Sam Hewson sem er ekki á skýrslu í dag.

Guðmundur Axel byrjar
Fyrir leik
Þrjár breytingar frá Ægisleiknum hjá Þór Frá sigrinum gegn Ægi gerir Þorlákur Árnason, þjálfari Þórs, þrjár breytingar.

Inn koma Bjarki Þór Viðarsson (fyrirliði), Ingimar Arnar Kristjánsson og Valdimar Daði Sævarsson. Nikola Kristinn og Fannar Daði taka sér sæti á bekknum en Birgir Ómar Hlynsson er ekki í hóp.
Ingimar skoraði gegn Víkingi
Fyrir leik
Dómarateymið
Aðalbjörn Heiðar Þorsteinsson er með flautuna og honum til aðstoðar eru Daníel Ingi Þórisson og Smári Stefánsson. Halldór Breiðfjörð Jóhannsson er eftirlitsmaður KSÍ.
Fyrir leik
Sævar spáir jafntefli Leiknismaðurinn og landsliðsmaðurinn, Sævar Atli Magnússon, spáir jafntefli í þessum leik.

2-2
Lifi Þróttur vs Deyja fyrir klúbbinn. Ekki hægt að gera upp á milli þessara setninga. Fjörugt jafntefli. Kemur rautt spjald í þessum leik.
Sævar Atli
Fyrir leik
Liðin í 5. og 10. sæti Þórsarar eru í 5. sæti deildarinnar fyrir leikinn með níu stig úr fyrstu fimm leikjunum. Þróttarar eru í 10. sæti með fjögur stig.

Þór vann Ægi í síðasta deildarleik, 3-1, en Þróttur tapaði 2-1 á Selfossi. Í millitíðinni lék svo Þór gegn bikarmeisturunum í Víkingi og töpuðu Þórsarar 1-2 í hörkuleik í 8-liða úrslitum Mjókurbikarsins.
Úr leik Þórs og Víkings
Fyrir leik
Góðan daginn lesendur góðir og veriði velkomnir í beina textalýsingu frá Lifi Þróttur og Þór.

Það er heldur betur rjómablíða í Laugardalnum og engin ástæða til að mæta ekki á leikinn.
Úr leik í Þróttheimum í sumar
Fyrir leik
Leikurinn er sýndur beint á Youtube
Elvar Geir Magnússon
Byrjunarlið:
1. Aron Birkir Stefánsson (m)
5. Akseli Matias Kalermo ('25)
7. Bjarni Guðjón Brynjólfsson
9. Alexander Már Þorláksson
10. Aron Ingi Magnússon ('60)
10. Ion Perelló
16. Valdimar Daði Sævarsson ('46)
19. Ragnar Óli Ragnarsson
20. Vilhelm Ottó Biering Ottósson ('81)
23. Ingimar Arnar Kristjánsson ('46)
30. Bjarki Þór Viðarsson

Varamenn:
12. Ómar Castaldo Einarsson (m)
2. Elmar Þór Jónsson ('25)
6. Kristján Atli Marteinsson
8. Nikola Kristinn Stojanovic ('46)
15. Kristófer Kristjánsson ('60)
17. Fannar Daði Malmquist Gíslason ('46)
18. Rafnar Máni Gunnarsson ('81)

Liðsstjórn:
Þorlákur Már Árnason (Þ)
Sveinn Leó Bogason
Jónas Leifur Sigursteinsson
Sævar Eðvarðsson
Unnar Arnarsson

Gul spjöld:
Valdimar Daði Sævarsson ('45)
Alexander Már Þorláksson ('72)
Nikola Kristinn Stojanovic ('85)

Rauð spjöld: