Styttist í þetta! Þá ganga liðin til vallar og gera sig klár í slaginn!

Þetta verður veisla!

Litla mætingin! Ég skal segja ykkur það. Það er korter í leik og stúkan er strax orðin stútfull! Það kæmi mér ekki á óvart ef vallarmetið væri slegið í kvöld. Vonandi næ ég að sjá eitthvað út um gluggan bara!

Skagamenn ætla að skemmta sér í kvöld

Eðlilega hittast skagamenn á bankanum með 600 milljónir+ á reikningnum. https://t.co/5Y20JC6ZWA

— Hrafnkell Freyr Àgústsson (@hrafnkellfreyr) July 28, 2023

Þú hefur ekkert betra að ger í kvöld en að kíkja í Mosó á leik helgarinnar!

???? LEIKDAGUR!

?Afturelding - @Skagamenn
?19:15
???? Malbikstöðin að Varmá
???? Steikarveisla frá Kjötbúðinni
???? Upphitun í vallarhúsi frá 17:45
???? Hamborgarar til sölu
???? Tippleikur Domino's fyrir leik
???? Krónuskotið í hálfleik

???? Áfram Afturelding! pic.twitter.com/CRbH9FDNXN

— Afturelding (@umfafturelding) July 28, 2023

Þú breytir ekki sigurliði - Albert og Marteinn á bekknum Þá eru liðin komin í hús og Afturelding gerir enga breytingu frá hinum ágæta 9-0 sigri gegn Selfossi á dögunum. Skagamenn gera einnig enga breytingu á liðinu sem vann Grindavík fyrir viku.

Ná Skagamennirnir í úrslit í kvöld?

Skaginn ekki enn búnir að tapa á útivelli á tímabilinu. 4 sigrar og 1 jafntefli, breytist það í kvöld? #fotboltinet

— Rikki #COYG ???????????????? (@RikkiArna1809) July 28, 2023

ÍA að styrkja sig Skagamenn hafa verið að styrkja liðið sitt eftir að þeir misstu Hauk Andra út til Frakklands en í gær bárust þær fréttir að Marteinn Theodórsson hefur verið kallaður til ÍA frá Kára eftir að hafa spilað 13 leiki með Káramönnum í sumar. Einnig sóttu Skagamenn Albert Hafsteinsson frá Fram. Það kæmi mér ekki á óvart ef við myndum sjá Albert í byrjunarliðinu í kvöld.

Vinnur Afturelding gegn ÍA í kvöld í fyrsta sinn í sögunni? Samkvæmt KSÍ hafa liðin mæst 7 sinnum og ÍA hefur unnið fjóra af þeim leikjum og þrír leikir hafa endað í jafntefli. Afturelding hefur þ.a.l. aldrei unnið gegn ÍA í leikjum á vegum KSÍ. Núna eru þeir þó mun sigurstranglegri. Markatalan er 15-6 ÍA í vil.



Fyrri viðureignir liðanna
ÍA sigrar: 4
Jaftntefli: 3
Afturelding sigrar: 0
Markatalan: ÍA 15 - 6 Afturelding

Dómaratríóið Það var farið í efstu hillu þegar það var valið hver ætti að dæma þennan leik. Enda er þetta líklega einn stærsti leikur helgarinnar og það er föstudagskvöld!

Dómari leiksins í dag er Pétur Guðmundsson en aðstoðarmenn hans í kvöld eru þeir Tomasz Piotr Zietal og Smári Stefánsson. Alvöru dómaratríó en eftirlitsmaður KSÍ er Viðar Helgason. Dómgæsla ætti ekki að vera eitthvað vandamál í kvöld.

Pétur Guðmundsson í Lengjudeildinni í sumar:
Leikir: 3
Gul spjöld: 12
Rauð spjöld: 0
Vítaspyrnur: 1

Afturelding á leiðinni í efstu deild Hvað er hægt að segja? Ef Mosfellingar vinna í kvöld er óhætt að segja það að Afturelding séu nánast komnir í Bestu deildina. En fótbolti er mögnuð íþrótt og allt getur gerst. Seinasti leikur Aftureldingar var ágætur 9-0 sigur á Selfossi. Afturelding eru með bestu vörnina og bestu sóknina í deildinni í dag. Maður sér ekki mörg lið í þessari deild sem geta stoppað þessa vél sem Afturelding er í dag. En ÍA er klárlega eitt af þeim liðum. Afturelding hefur unnið alla leikina í sumar nema tvo. Einn af þeim tveimur leikjum var einmitt jafntefli Aftureldingar og ÍA.



Í 9-0 sigrinum skoraði markahæsti leikmaður Lengjudeildarinnar, Elmar Kári, 5 mörk. Það eru t.a.m. jafn mörg mörk og Grindavík hefur skorað í seinustu 6 leikjum.

Skagamenn sjóðandi heitir Eftir erfiða byrjun á tímabilinu hjá Skaganum hafa þeir heldur betur vaknað og stigið upp. ÍA hefur unnið 6 leiki og gert einu sinni jafntefli í seinustu 7 leikjum. Þeir sitja í þriðja sætinu, aðeins tvemur stigum á eftir Fjölni og þeir eiga leik til góða á þá. Seinasti leikur Skagamanna fór 2-0 fyrir ÍA gegn Grindavík í Grindavík. Í þeim leik voru Skagamenn heilt yfir betri en mörk ÍA í þeim leik skoruðu Indriði Áki og Hlynur Sævar.



Markahæsti leikmðaur Skaganns er enginn annar en Viktor Jónsson sem er búinn að skora 9 mörk í 13 leikjum. Viktor elskar að skora mörk í Lengjudeildinni en hann skoraði einmitt 22 mörk í 21 leik með Þrótti sumarið 2018. Skorar Viktor í kvöld?

Leikurinn í beinni:

Toppslagur á Malbikstöðinni Heilir og sælir ágætu lesendur og verið hjartanlega velkomin í þráðbeina textalýsingu frá leik Aftureldingar og ÍA. Þótt að Mosfellingar séu komnir með annan fótinn í Bestu deildina að þá má alveg kalla þennan leik toppslag þar sem Skagamenn eru í þriðja sæti, 11 stigum á eftir Aftureldingu.