Baldvin Már Borgarsson spáir í leikinn:



ÍH 1 - 5 KFG
KFG mætir í Skessuna og klárar þennan leik nokkuð þægilega, Lalli Gumm er með þýskan heraga á sínum mönnum enda málmurinn í augsýn og Lalli Gumm elskar góðan málm, sérstaklega eitthvað sem hann hefur aldrei unnið áður.

ÍH liðið hinsvegar tók helgina af fullum krafti og það mun koma í bakið á þeim, þeir byrja þó betur og komast yfir snemma. Svo fer helgin að segja til sín og lappirnar þyngjast, KFG jafnar um miðjan fyrri hálfleik og Hafnfirðingar lifa á lyginni einni út hálfleikinn, Davíð Örvar ÓlaJóson reynir að hrista slenið af sínum mönnum í hálfleik en það gengur ekkert, í seinni hálfleik leika Garðbæingar á als oddi og ganga frá Hafnfirðingum sem verða fegnir við 0 mínútur í uppbótartíma.

Jonni Barðdal skorar tvö og leggur upp tvö, Ólafur Bjarni sýnir listir sínar og Dagur GaddaJóson tekur tvo ef ekki þrjá klobba ásamt því að skora. Hápunktur leiksins verður samt þegar Arnar Sigþórs klobbar Tómas Orra sem bregst illa við og brýtur á honum, fær gult spjald að launum og stúkan fagnar, við það tryllist Tómas og segir vel valin orð við stúkuna, tvíbbarnir lesa í leikinn og kippa Tómasi útaf svo hann fái ekki reisupassann.

Óhefbundin textalýsing Þessum leik verður textalýst í gegnum síma og segjum við aðeins frá því helsta sem gerist í Skessunni í kvöld.

Dómari: Helgi Ólafsson

Aðstoðardómarar eru Ragnar Þór Bender og Helgi Hrannar Briem.

Dregið í undanúrslit á morgun

Sigurliðið fer í pottinn en dregið verður í undanúrslitin í höfuðstöðvum KSÍ klukkan 13:00 á morgun, fimmtudag. Arnar Laufdal dregur ásamt fulltrúa KSÍ.

Í gær komust KFA, Víðir og KFK í undanúrslitin.

Í pottinum:
ÍH eða KFG
KFA
Víðir
KFK

Um er að ræða bikarkeppni neðri deilda. Undanúrslitin verða leikin laugardaginn 23. september og úrslitaleikurinn verður svo föstudagskvöldið 29. september á Laugardalsvelli.

Sæti í undanúrslitum í boði!

Einn leikur er eftir í 8-liða úrslitum Fótbolti.net bikarsins, leikur ÍH og KFG sem fram fer í Skessunni í kvöld klukkan 20:00.

Hafnarfjarðarliðið ÍH tekur á móti grönnum sínum í KFG úr Garðabæ.

ÍH er í næst neðsta sæti 3. deildar en í Fótbolti.net bikarnum hefur liðið slegið út Álftanes og Árborg.



KFG er sigurstranglegra liðið og situr í þriðja sæti 2. deildar. En það getur allt gerst í bikarnum. KFG hefur slegið út Sindra og Augnablik í keppninni.

ÍH býður upp á upphitun fyrir vallargesti frá klukkan 19:15.

„Í Skessunni fyrir leik verða glóðheitir hamborgarar á grillinu, bakkelsi frá Gulla Arnari, ÍH treyjusala og almenn hamingja. Við hvetjum allt stuðningsfólk ÍH að mæta í stemninguna og styðja lið ÍH til sigurs," segir í viðburði ÍH á Facebook.