Byrjunarliðin Ómar Ingi Guðmundsson, þjálfari HK gerir fjórar breytingar frá jafnteflinu gegn FH. Birkir Valur Jónsson, Sigurbergur Áki Jörundsson, Ívar Örn Jónsson og Marciano Aziz fara út úr liðinu og Brynjar Snær Pálsson, Atli Hrafn Andrason, Hassan Jalloh og Ahmad Faqa koma inn.

Hermann Hreiðarsson, þjálfari ÍBV gerir einnig fjórar breytingar frá tapinu gegn Fylki. Guðjón Ernir Hrafnkelsson, Arnar Breki Gunnarsson, Oliver Heiðarsson og Breki Ómarsson fara út úr liðinu. Kevin Bru, Michael Jordan, Richard King og Halldór Jón Sigurður Þórðarson koma inn í liðið í þeirra stað.

HK HK er auðvitað spútnik lið tímabilsins eftir að hafa verið spáð falli fyrir tímabilið. Liðið er nú í 8. sæti og á ekki lengur möguleika á því að leika í efri hlutanum eftir tvískiptingu. Ansi mikilvægt er fyrir liðið að vinna í dag til að halda andrýminu sem liðið hefur á liðin í fallbaráttunni. Til þess þarf liðið að skora mörk og þá er gott að hafa leikmann fram á við eins og Anton Sojberg sem hefur farið vel af stað í Röndóttu treyjunni.

ÍBV ÍBV kom inn í mótið sem eitt allra mest spennandi lið deildarinnar. Liðið stóð sig frábærlega í Lengjubikarnum fyrir mót og miklar vonir voru bundnar við liðið. Þeir hafa þó verið mikil vonbrigði á tímabilinu og sitja nú í 11. sæti deildarinnar eftir hræðilegt gengi í seinustu leikjum. Liðir hefur tapað fimm leikjum í röð og vann seinast leik 8. júlí. Pressan er orðinn mikil á Hemma Hreiðars að koma liðinu aftur á beinu brautina. Leikurinn í kvöld er tilvalinn til þess.

Velkominn í Kórinn Hér fer fram leikur HK og ÍBV í Bestu Deild Karla. Leikurinn er liður í 21. umferð deildarinnar.