Styttist í þetta! Liðin ganga þá til búningsherbergja og gera sig klár í slaginn sem framundan er!

Góða skemmtun!

Þá geta leikmennirnir farið út að hita upp!

Það er verið að laga völlinn samt!

Leikurinn fer fram 14:30!

Verður leiknum frestað?!?! Núna fara allir leikmenn Dalvíkur og ÍR sem voru að hita upp af vellinum. Skipun frá dómaranum. Hvað er í gangi og mun leikurinn fara fram?!?!?!

Það er núna verið að festa það sem hefur losnað undan vellinum. Eins og ég segji það er löngu kominn tími á að Reykjavíkurborg gefi ÍR-ingum nýtt gervigras en skv þeirr plani á ekki að gera það fyrr en 2025 sem er náttúrulega bara galið!

Völlurinn ekki leikhæfur! Mjög áhugavert atvik að eiga sér stað þegar það er tæpur klukkutími í leik. Dómararnir taka þjálfara liðanna og stjórn ÍR með sér út á gervigrasið og fara yfir hann. Niðurstaðan er sú að hann er ekki leikhæfur er mér skilst að þjálfararnir hafi komist að þeirri niðurstöðu að leikurinn skyldi samt fara fram. Völlurinn er tættur og rifinn hér og þar og það mætti segja að það væri löngu kominn tími á það að Reykjavíkurborg gefi ÍR-ingum nýtt gervigras.

En leikurinn fer samt fram skilst mér!

Dómaratríóið Það er enginn annar en Ásmundur Þór Sveinsson sem mun stýra flautukonsertinu í dag. Honum til halds og trausts verða þeir Bjarni Víðir Pálmason og Sigurður Þór Sveinsson. Eftirlitsmaður KSÍ er Garðar Örn Hinriksson.
Ásmundur dæmir leikinn

Bjarni veður með fánann í dag


Garðar punktar eitthvað skemmtilegt niður í stílabókina sína

Seinasti leikur liðanna Liðin mættust í 9. umferð á Dalvík fyrr í sumar þar sem Dalvík hafði betur 3-1. Staðan var 1-0 fyrir heimamönnum í hálfleik eftir að Borja hafði skorað úr vítaspyrnu. Sigfús Fannar tvöfaldaði þá forystuna áður en títtnefndur Bragi Karl minnkaði muninn þegar það voru 20 mínútur eftir. Það var þá Jóhann Örn sem kláraði leikinn fyrir Dalvík og 3-1 sigur þeirra staðreynd.

Hvernig leik munum við fá í dag?
Borja skoraði gegn ÍR seinast

19 mörk í 19 leikjum! ÍR-ingarnir eru án efa með einn heitasta leikmann landsins. Bragi Karl er búinn að skora 19 mörk í 19 leikjum í sumar og búinn að leggja upp heilan helling af mörkum einnig. Hann og Ágúst Unnar eru að tengja mjög vel saman á hægri vængnum.

ÍR-ingarnir funheitir þessa daganna Eftir ótrúlega góða byrjuna á tímabilinu hallaði þetta aðeins undan fæti hjá ÍR eftir tapið gegn Þrótti V í 5. umferð. Þá fóru þeir í gegnum 8 leiki og unnu tvo og töpuðu 6. En Breiðhyltingarnir náðu að snúa þessu við með sigri á Sindra í 13. umferð. Það var einmitt fyrsti leikur Ívans Óla fyrir ÍR í sumar en síðan þá hafa þeir unnið 6 af 7. Þess má geta að Ívan Óli er með 7 mörk í 7 leikjum eftir komu hans frá Gróttu.Menn hafa heillast verulega af því sem Árni Guðna og Jóhann Birnir eru að gera í Breiðholtinu. Þetta er í fyrsta skipti síðan mögulega 2016 að ÍR sé í svona góðum möguleika að komast upp. ÍR á Dalvík/Reyni heima, KFA heima og Hött/Huginn úti eftir en ef allir þessir leikir enda með ÍR-sigri fara þeir upp í Lengjudeildina góðu.

Dalvíkingar ganga í draumalandi Dragans Dalvík/Reynir eru á toppnum í deildinni en þeir eru einmitt einnig nýliðar í deildinni. Dalvík/Reynir komu upp úr 3. deildinni í fyrra og hafa svo sannarlega stimplað sig inn í 2. deildina með stæl. Dragan tók við liðinu fyrir þetta tímabil en aðstoðarmaður hans er Sinisa Pavlica.
Eftir nokkuð erfiða byrjun á tímabilinu náðu þeir að detta á mjög gott skrið eftir sigurinn á KV í 8. umferð. Markahæsti leikmaður þeirra er enginn annar en hann Áki Sölvason sem er búinn að skora 10 mörk í 14 leikjum í sumar. Seinasti leikur Dalvíkinga var í Vesturbænum þegar þeir unnu KV 4-1 eftir að staðan hafi verið 0-0 í hálfleik. Með sigri Dalvíkinga í dag eru þeir svo gott sem komnir upp.

Stórslagur í Breiðholtinu! Heilir og sælir ágætu lesendur og veriði hjartanlega velkomin í þráðbeina textalýsingu frá leik ÍR og Dalvík/Reyni í 2. deildinni. Leikurinn verður spilaður á Gimla-vellinum í Breiðholti.