Búast við að De Bruyne skrifi undir - Chelsea vill kaupa Trafford - Thiago spilandi aðstoðarþjálfari Barca - PSG býður 100 milljónir fyrir...
Stjarnan
0
1
Þróttur R.
0-1 Mikenna McManus '90
06.10.2023  -  19:15
Samsungvöllurinn
Besta-deild kvenna - Efri hluti
Aðstæður: Logn en kuldi
Dómari: Twana Khalid Ahmed
Áhorfendur: 233
Maður leiksins: Betsy Doon Hassett
Byrjunarlið:
83. Erin Katrina Mcleod (m)
3. Arna Dís Arnþórsdóttir
8. Ingibjörg Lúcía Ragnarsdóttir
10. Anna María Baldursdóttir (f)
11. Betsy Doon Hassett ('74)
16. Sædís Rún Heiðarsdóttir
18. Jasmín Erla Ingadóttir
21. Heiða Ragney Viðarsdóttir
23. Gyða Kristín Gunnarsdóttir ('46)
24. Málfríður Erna Sigurðardóttir
26. Andrea Mist Pálsdóttir

Varamenn:
1. Auður Sveinbjörnsdóttir Scheving (m)
2. Sóley Guðmundsdóttir
5. Gunnhildur Yrsa Jónsdóttir
5. Eyrún Embla Hjartardóttir
15. Hulda Hrund Arnarsdóttir ('46)
17. María Sól Jakobsdóttir
19. Hrefna Jónsdóttir ('74)

Liðsstjórn:
Kristján Guðmundsson (Þ)
Þórdís Ólafsdóttir
Andri Freyr Hafsteinsson
Rajko Stanisic
Benjamín Orri Hulduson
Hulda Björk Brynjarsdóttir
Perry John James Mclachlan

Gul spjöld:
Heiða Ragney Viðarsdóttir ('87)

Rauð spjöld:
Leik lokið!
Þróttarar hrifsa 3. sætið af Stjörnunni og Blikar taka Evrópusætið.
90. mín MARK!
Mikenna McManus (Þróttur R.)
+1
Ef það var að fara að koma mark í þetta var það að fara að vera eitthvað svona. Mikenna með fyrirgjöf sem engin fer á og hún fer í gegn um allt og í netið.
90. mín
+1
Fáum að minnsta kosti tvær mínútur í uppbót.
88. mín
Inn:Brynja Rán Knudsen (Þróttur R.) Út:Sæunn Björnsdóttir (Þróttur R.)
87. mín Gult spjald: Heiða Ragney Viðarsdóttir (Stjarnan)
Straujar Leu Björt. Stúkan tryllist og vill rautt spjald, hefði líklega verið hægt að réttlæta það.
87. mín
USS Aftur er bras í uppspili hjá Þrótti og Ingibjörg Lúcía á skot í slánna.
85. mín Gult spjald: Ísabella Anna Húbertsdóttir (Þróttur R.)
Reif Jasmín niður og fær réttilega spjald, einhverjir brandarakallar í stúkunni að biðja um rautt en Twana er með þetta í teskeið.
82. mín
Jasmín með fínan sprett upp hægri kantinn og kemur með fyrirgjöf sem Íris grípur.
80. mín
Inn:Lea Björt Kristjánsdóttir (Þróttur R.) Út:Freyja Karín Þorvarðardóttir (Þróttur R.)
79. mín
Góður bolti frá Sædísi sem lendir á enninu á Andreu sem hittir ekki markið.
79. mín
Hrefna gerir vel og vinnur horn fyrir Stjörnuna.
75. mín
Aftur eru Þróttarar að fá fína bolta inn í teig og annað hvort ekki hitta boltann eða markið.
74. mín
Inn:Hrefna Jónsdóttir (Stjarnan) Út:Betsy Doon Hassett (Stjarnan)
Betsy verið mjög spræk í dag.
73. mín
Boltinn kemur inn í en Andrea skallar frá.
72. mín
Sædís svo nálgæt því að setja boltann í eigið mark eftir að Þróttari, ég bara sá ekki hver, missti af fyrirgjöfinni.
Þróttur á horn.
68. mín
Inn:Ísabella Anna Húbertsdóttir (Þróttur R.) Út:Elín Metta Jensen (Þróttur R.)
65. mín
Sædís með aukaspyrnu inn í teiginn sem enginn ræðst á og boltinn lekur í gegn um allt í hendurnar á Írisi.
63. mín
Elín Metta reynir að finna Kötlu í gegn en Sædís gerir vel og kemur boltanum frá.
61. mín
Aftur er Betsy nálægt því að vinna boltann í uppspili Þróttara en nær ekki stjórn á boltanum.
57. mín
Þróttarastúkan missir það út af nokkrum aukaskrefum hjá Sædísi í innkasti, gaman að sjá að fólk hafi passion!
54. mín
Þróttarar í stórsókn sem byrjar á að Tanya er þrædd í gegn og á skot ein á móti Erin sem hin síðarnefnda ver mjög vel. Boltinn berst þá til Freyju sem nær ekki almennilegu skoti á markið en í varnarmann. Af varnarmanninum fær Elín Metta boltann og á skot fram hjá. Það á greinilega ekki að skora í þessum leik.
52. mín
Slakt uppspil hjá Þrótti og Betsy kemst inn í sendingu og lætur vaða en skotið er fram hjá.
51. mín
Blikar komnir yfir á Hlíðarenda sem eru ekki góðar fréttir fyrir Stjörnuna.
49. mín
Katla með fyrirgjöf sem Heiða Ragney hreinsar.
48. mín
Núna þræðir Katla Elínu Mettu í gegn en hún nær ekki heldur að koma boltanum í netið.
48. mín
HVERNIG? Katla fer illa með varnarmenn Stjörnunnar og kemur með boltann fyrir á Sæunni sem er ein á Erin en á einhver ótrúlegan hátt hittir hún ekki boltann og setur hann fram hjá.
47. mín
Ingibjörg Lúcía með skot fyrir utan teiginn en það er beint á Írisi.
46. mín
Andrea Mist sparkar seinni hálfleiknum af stað.
46. mín
Inn:Hulda Hrund Arnarsdóttir (Stjarnan) Út:Gyða Kristín Gunnarsdóttir (Stjarnan)
Ein skipting í hálfleik, getur Hulda haft áhrif eins og í síðasta leik?
45. mín
Hálfleikur
Einhver vandamál í samskiptabúnaðinum hjá dómurunum virðist vera þannig það verður smá töf á þessum seinni hálfleik
45. mín
Hálfleikur
Stjarnan á að fá annað horn en Twana flautar til hálfleiks. Bæði lið fengið færi til að komast yfir en líklega nokkuð sanngjarnt heilt yfir. Stjarnan haldið meira í boltann en Þróttarar fljótar á brakeinu.
45. mín
+1
Aftur tekur Sædís spyrnuna en núna fer hún yfir allan pakkann.
45. mín
+1
Sædís tekur spyrnuna sem að er skölluð aftur fyrir hinum megin og Stjarnan á annað horn.
45. mín
+1
Stjarnan fær horn.
45. mín
Einni mínútu bætt við fyrri hálfleikinn.
43. mín
Sædís með skot fyrir utan teig sem fer yfir.
42. mín
Stjarnan fær horn sem Þróttarar skalla frá.
41. mín
Betsy keyrir inn á teiginn og nær skoti eftir mikla baráttu við Mikenna sem Mikenna virðist ná að koma eftir fína tæklingu í horn en Twana dæmir markspyrnu. Stúkan vildi víti en það var lítið til í því.
34. mín
Frábær tækling hjá Málfríði Ernu sem stoppar fína sókn Þróttar.
33. mín
Ping pong inn í teig Stjörnunnar sem endar með hreinsun.
32. mín
Þróttur fær aukaspyrnu á fyrirgjafarstað sem Sæunn tekur. Hún kemur með boltann fyrir markið þar sem Ingunn nær til hans en Erin er ekki í miklum vandræðum með að verja frá henni.
30. mín
SÆUNN Fyrirgjöf frá, að mér sýnist, Freyju Karín fyrir markið sem endar hjá Sæunni sem virðist ekki hafa búist við að fá boltann og setur hann framhjá. Þetta var alvöru deddari.
28. mín
Mikenna vinnur boltann af Örnu Dís og ætlar að keyra af stað en það er enginn samherji sem fylgir henni og hún er fljót að tapa boltanum.
26. mín
Frábær sókn hjá Stjörnunni þar sem við fengum Zidane snúning frá Andreu Mist og fleira en Þróttarar komast fyrir boltann á seinustu sekúndu og koma í veg fyrir skot á mark.
25. mín
Sædís með góðan bolta fyrir markið á Andreu sem er ein á Írisi en hittir boltann ekki nægilega vel.
24. mín
Anna María stálheppin Katla vinnur boltann af Önnu Maríu rétt fyrir utan vítateig Stjörnunnar og finnur samherja inn á teignum en Ingibjörg Lúcia er vel vakandi og vinnur boltann af henni.
23. mín
Freyja Karín með fyrirgjöf sem ratar beint í hendurnar á Erin.
18. mín
BETSY Fær boltann úti hægra megin og keyrir upp völlinn. Tekur gabbhreyfingu á Jelenu áður en hún lætur vaða en boltinn rúllar fram hjá og sleikir stöngina í leiðinni.
16. mín
Gyða Kristín með tilraun rétt fyrir utan teig sem fer yfir.
15. mín
Gyða Kristín með bolta út í teiginn sem Andrea virðist ætla að taka en lætur hann fara og virðist halda að það sé samherji fyrir aftan hana en þar eru einungis Þróttarar og þær hreinsa.
12. mín
Andrea Mist með skemmtilega tilraun á miðjum vallarhelmingi Þróttar. Leit upp og sá að Íris var framarlega og lét bara vaða en hittir ekki markið.
10. mín
Betsy með fyrirgjöf en Jelena kemur hausnum fyrir hana og skallar boltann frá.
8. mín
Vandræðagangur í uppspilinu hjá Þrótti en þær sleppa þó.
8. mín
Frábær skipting frá Örnu Dís yfir á Gyðu en boltinn frá henni fyrir markið er svo ekki nægilega góður.
5. mín
Fínasti bolti fyrir markið frá Sædísi á Betsy sem nær skallanum en hann er fram hjá.
4. mín
Andrea Mist á fyrsta skot Stjörnunnar en það fer beint á Írisi
2. mín
SLÁIN Spyrnan kemur inn í teiginn en Stjörnukonur ná að hreinsa. Boltinn endar hjá Ingunni fyrir utan teiginn sem á hörkuskot í slána.
1. mín
Nauðvörn hjá Stjörnunni hér strax í byrjun og Anna María með brösulega hreinsun aftur fyrir í horn.
1. mín
Þetta er farið í gang!
Fyrir leik
Katla Tryggvadóttir valin efnilegust af leikmönnum deildarinnar Steini landsliðsþjálfari mættur og afhendir henni verðlaunagripinn.
Mynd: Jónína Guðbjörg Guðbjartsdóttir

Fyrir leik
Liðin ganga inn á völlinn Bæði lið í sínum hefðbundu búningum.
Fyrir leik
Byrjunarliðin Kristján og Nik eru ekki að flækja hlutina og halda sér báðir við sömu byrjunarlið og í síðustu umferð.
Fyrir leik
Fyrri viðureignir liðanna í sumar Stjarnan fór í heimsókn í Laugardalinn í 3. umferð og endaði sá leikur 1-1. Þar kom Jasmín Erla þeim bláklæddu í forystu rétt fyrir hálfleik og Sæunn jafnaði svo fyrir Þrótt í upphafi seinni.

Í seinni leiknum, sem var spilaður á Samsung í 12. umferð, skoraði Katla Tryggvadóttir fyrir Þrótt á 16. mínútu og Sierra Marie Lelii kom svo inn af bekknum og tvöfaldaði forystuna. Stjörnukonur náðu ekki að koma boltanum í netið í þeim leik en þetta var einmitt síðasti leikurinn sem Stjarnan tapaði þangað til þær heimsóttu Blika núna um daginn.
Mynd: Fótbolti.net - Hafliði Breiðfjörð

Fyrir leik
Pétur les í kúluna Pétur Rögnvalds, fyrrverandi þjálfari Gróttu, spáði fyrir umferðinni, sjáum hvað hann hafði að segja um þennan leik.
Stjarnan 2 - 0 Þróttur
Hér er mikla meira undir en ég held að fólk átti sig á...
Þróttur getur náð þriðja sætinu með sigri á Stjörnunni og Stjarnan getur náð öðru sæti með sigri og hagstæðum úrslitum í leik Vals og Blika. Ég á því von á baráttuleik þar sem bæði mörk Stjörnunnar koma seint í leiknum. Það verða senur seinustu 15 og þrátt fyrir að Kristján Guðmunds sé með focusinn á sitt lið og sinn leik, verður allur bekkurinn með símann á lofti og flestir í stúkunni, að fylgjast með stöðunni vestur í bæ. Því miður dugar það ekki fyrir Stjörnuna þar sem Blikar ná jafntefli á Origo vellinum, og enda því fyrir ofan Stjörnuna á markatölu.
Mynd: Fótbolti.net - Eyjólfur Garðarsson

Fyrir leik
Dómarateymið Twana Khalid Ahmed verður með flautuna í kvöld og honum til aðstoðar á sitthvorri línunni verða Hreinn Magnússon og Magdalena Anna Reimus. Einar Örn Daníelsson er eftirlitsmaður og varadómari er Óli Njáll Ingólfsson.
Mynd: Fótbolti.net - Hafliði Breiðfjörð

Fyrir leik
Þróttur Þróttarar eru á svipuðum stað og spáð var fyrir um fyrir mót þrátt fyrir að hafa sjálfar líklega ætlað sér að sitja ofar í töflunni. Þær hafa verið klaufar í sumar og stigasöfnunin þeirra heldur áhugaverð. Ef að útreikningar mínir reynast réttir þá sóttu þær 10 stig af 24 mögulegum gegn liðunum sem lentu í neðri hlutanum sem verður að teljast ansi blóðugt fyrir lið sem ætlar sér að vera að berjast um Evrópusæti í það minnsta. Þær fengu Valsara í heimsókn í síðasta leik og endaði sá leikur með 1-1 jafntefli. Þróttarar eru ekki að spila upp á neitt nema stoltið hér í kvöld en geta komið sér upp fyrir Stjörnuna með sigri og endað þannig í 3. sæti.
Mynd: Fótbolti.net - Hafliði Breiðfjörð

Fyrir leik
Stjarnan Stjörnunni var af mörgum spáð titlinum í vor eftir gott undirbúningstímabilið. Tímabilið byrjaði svo nokkuð brösulega og voru Stjörnukonur farnar að dragast aftur úr. Þær fóru svo að gefa í þegar mótið fyrir tvískiptingu var hálfnað og töpuðu varla leik. Þær komu á þvílíku flugi inn í úrslitakeppnina þangað til að þær fóru á Kópavogsvöll í þarsíðustu umferð og töpuðu þar 2-0. Þær létu það þó ekki á sig fá og fóru norður í síðasta leik og unnu þar endurkomusigur 1-3 þar sem Hulda Hrund átti frábæra innkomu og skoraði tvö mörk og tryggði sigurinn. Sigurinn fyrir norðan þýðir að Stjarnan er ennþá í Evrópubaráttu fyrir þessa lokaumferð en þurfa þó að treysta á að Valur vinni Breiðablik.
Mynd: Fótbolti.net - J.L.

Fyrir leik
Heil og sæl Verið velkomið í þessa beinu textalýsingu frá leik Stjörnunnar og Þróttar í lokaumferð Bestu deildarinnar. Flautað er til leiks á slaginu 19:15 á Samsungvellinum.
Mynd: Fótbolti.net - Hafliði Breiðfjörð

Byrjunarlið:
1. Íris Dögg Gunnarsdóttir (m)
Ingunn Haraldsdóttir
5. Jelena Tinna Kujundzic
8. Álfhildur Rósa Kjartansdóttir (f)
9. Freyja Karín Þorvarðardóttir ('80)
12. Tanya Laryssa Boychuk
16. María Eva Eyjólfsdóttir
17. Katla Tryggvadóttir
22. Mikenna McManus
23. Sæunn Björnsdóttir ('88)
28. Elín Metta Jensen ('68)

Varamenn:
20. Hafdís Hafsteinsdóttir (m)
Margrét Ellertsdóttir
Þórdís Nanna Ágústsdóttir
2. Sóley María Steinarsdóttir
4. Hildur Laila Hákonardóttir
7. Brynja Rán Knudsen ('88)
11. Lea Björt Kristjánsdóttir ('80)
15. Ísabella Anna Húbertsdóttir ('68)

Liðsstjórn:
Nik Chamberlain (Þ)
Þórkatla María Halldórsdóttir
Edda Garðarsdóttir
Kate Cousins
Angelos Barmpas
Sveinn Óli Guðnason

Gul spjöld:
Ísabella Anna Húbertsdóttir ('85)

Rauð spjöld: