Sæmi Sven með þrennu? Sæmundur Sven Schepsky mun skora þrennu fyrir ÍR-inga skyldi spá Má Ægissonar rætast. Már er spámaður 15. umferðar Lengjudeildarinnar. Svona spáie hann nýlliðaslagnum.

Dalvík/Reynir 0 - 3 ÍR (18:00 í kvöld)
ÍR-ingar á miklu flugi þessa dagana og Sæmi Sven ákveður fyrir leik að setja þrennu og stendur við það.

Fyrri leikur liðanna Fyrri leikur liðanna fór 1-1 en það var fyrsti heimaleikur ÍR á árinu. ÍR-ingar voru 1-0 yfir og manni fleiri í hálfleik en glötuðu forystunni niður í seinni hálfleik.

Dómari leiksins fékk hita frá báðum liða eftir leik en hann dæmdi víti í stöðunni 1-1 fyrir ÍR en tók það síðan í burtu. Dalvíkingar vildu svo meina að þeir hefðu skorað löglegt mark alveg undir lok leiks þegar þeir sluppu einir í gegn. Flaggið fór hins vegar á loft og gestirnir að norðan ekki sáttir.

Þriðja liðið Sigurður Hjörtur Þrastarson stýrir flautukonsertinu í kvöld en honum til aðstoðar verða þeir Patrik Freyr Guðmundsson og Sigurjón Þór Vignisson. Eftirlitsmaður KSÍ er Sverrir Gunnar Pálmason.

ÍR-ingar komið á óvart Breiðhyltingar hafa komið mörgum spámönnum á óvart í sumar. Í spá þjálfara og fyrirliða fyrir mót voru þeim spáð falli en þeir eru í 4. sæti deildarinnar með 22 stig eftir 14 leiki. ÍR hefur unnið núna 5 leiki í seinustu 7 leikjum.

ÍR-ingar unnu granna sína í Leikni Reykjavík í seinustu umferð 1-0. Mark ÍR skoraði hin funheiti Guðjón Máni en Hákon Dagur (á myndinni) lagði upp markið.

Dalvíkingar á botninum Dalvíkingar hafa ekki unnið frá því í fyrstu umferð en náðu sterku stigi í seinustu umferð gegn toppliði Fjölnis í Grafarvoginum. Liðið hefur gert mörg jafntefli í sumar, alls 6 jafntefli og 7 töp. Þeir sitja á botni deildarinnar með 9 stig, 6 stigum frá Leikni sem eru í öruggu sæti.

Dallas heilsar! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Dalvíkur/Reynis og ÍR fyrir norðan. Nýlliðaslagur!