Byrjunarlið Jökull Elísabetarson, þjálfari Stjörnunnar, gerir sjö breytingar frá tapinu gegn Paide. Heiðar Ægisson, Daníel Laxdal, Adolf Daði Birgisson, Daníel Finns Matthíasson, Sigurður Gunnar Jónsson, Árni Freyr Ólafsson og Haukur Örn Brink koma inn fyrir SIndra Þór Ingimarsson, Örvar Eggertsson, Hilmar Árna Halldórsson, Þórarinn Inga Valdimarsson, Kjartan Má Kjartansson ogHelga Fróða Ingason.

Rúnar Kristinsson, þjálfari Fram, gerir tvær breytingar á liðinu sínu frá því að liðið gerði jafntefli við Fylki. Guðmundur Magnússon og Djenairo Daniels koma inn fyrir Alex Freyr Elísson og Magnús Þórðarson, þetta er fyrsti byrjunarliðsleikur Djenairo.

Spáin Birkir Karl Sigurðsson einn af tveimur stjórnendum Chess after Dark spáði í spilin.

Fram 1 - 2 Stjarnan
Stjörnumenn biðu afhroð í Eistlandi á fimmtudaginn og munu mæta dýrvitlausir til leiks. Framrar eru oft öflugir á heimavelli en stúkan mun bera þess merki að fólk sé að koma undan verslunarmannahelgi - Ekki nema 2 á Richter fyrir Rúnar Kristins. Stjarnan klárar þetta, Emil Atla með bæði fyrir Stjörnumenn.

Fram Fram kemur inn í þennan leik sem huggsanlega sigurstranglegra liðið þó að um sé að ræða nokkuð jafnan leik. Stigasöfnunin hefur verið flott upp á síðkastið eftir smá niðursveiflum. Seinast gerði liðið steindautt 0-0 jafntefli við Fylkismenn. Fram er í bullandi baráttu um að vera í efri hlutanum og mun þessi leikur eflaust skipta sköpum í þeirri baráttu enda eru liðin jöfn að stigum í 6. og 7. sæti.

Stjarnan Gestirnir koma særðir inn í þennan leik en liðið tapaði stórt 4-0 gegn liði Paide Linnameeskond frá Eistlandi. Umtalið hefur verið á þá vegu að um hafi verið að ræða ein verstu úrslit íslensks félagslið í Evrópu frá upphafi. Garðbæingar munu eflaust vilja koma sterkir inn í þennan leik og bæta strax fyrir þetta afhroð.

Velkominn! Hér fer fram bein textalýsing frá Lambhagavellinum frá leik Fram og Stjörnunnar í Bestu deild karla.