Liðin eru að ganga út á völlinn Sammi kynnir liðin inn og laxinn kraumar á grillinu í boði Arctic Fish. Áhorfendur eru að tínast í stúkuna, nokkrir skagamenn mættir en þeir eru yfirleitt þeir einu sem sjá sér fært um að mæta vestur.

Haukur Andri byrjar hjá ÍA - Tveir í banni
ÍA gerir þrjár breytingar, frá tapi gegn Stjörnunni. Árni Salvar Heimisson, Arnleifur Hjörleifsson og Haukur Andri Haraldsson koma inn en hinn átján ára gamli Haukur er kominn á láni frá Lille.

Johannes Vall og Jón Gísli Eyland eru í leikbanni hjá ÍA. Guðfinnur Þór Leósson fær sér sæti á varamannabekknum.

Byrjunarliðstíðindi - Fjórar breytingar hjá Vestra

Vestri gerir fjórar breytingar á byrjunarliðinu frá síðasta leik, 0-2 tapi gegn FH. Vladimir Tufegdzic, Silas Songani, Guðmundur Arnar Svavarsson og Gunnar Jónas Hauksson koma inn í liðið.

Elvar Baldvinsson sest á bekkinn, Tarik Ibrahimagic er farinn í Víking, Ibrahima Balde er í banni og Andri Rúnar Bjarnason meiddur.

Dómarinn Dómarinn í dag er Elías Ingi Árnason, ÍR-ingur og Arsenalmaður. Hans aðstoðardómarar eru Ragnar Þór Bender og Antoníus Bjarki Halldórsson. Twana Khalid er svo á fjórði dómari.

Fyrri viðureignir ÍA unnu sannfærandi 3-0 sigur á Vestra fyrr á tímabilinu. Viktor Jóns, Jóhannes Vall og Guðfinnur með mörkin.

Liðin komu saman upp úr Lengjudeildinni og í fyrra gerðu þau 2-2 jafntefli fyrir vestan og 1-1 jafntefli á Skaganum.

Þar áður var síðasta heimsókn hér frá Skagamönnum í deild árið 2014, en þá unnu ÍA BÍ/Bolungarvík 6-0. Þar áður mættust þau hér árið 2011 og þar unnu ÍA líka 6-0. Þannig að þeir gulu hafa reynst Vestfirðinum erfiður andstæðingur í gegnum árin.

Síðasti deildarsigur heimamanna á Ísafirði gegn ÍA kom árið 1983, árið sem ÍA varð meistari en lið Vestfirðinga hét þá ÍBÍ féll.
ÍBÍ vann 1-0 með marki Jóhanns Torfasonar. Jóhann hefur síðan lagt skóna á hilluna.

Balde í banni Miðjumaðurinn sterki, Ibrahima Balde er í banni í dag. Tímasetningin ekki góð eftir brottför Tarik Ibrahimagic.

ÍA Jón Þór Hauksson snýr aftur vestur en hann yfirgaf Vestra til að taka við ÍA á sínum tíma. Hann hefur gert afar góða hluti með Skagamenn og eru þeir í efri hlutanum og hafa skorað 34 mörk, en einungis 3 efstu liðin státa af betri árangri fyrir framan markið. Viktor Jónsson er markahæsti maður deildarinnar með 13 mörk.

Þeir hafa hins vegar hikstað upp á síðkastið þar sem þeir töpuðu 1-3 heima fyrir Stjörnunni, gerðu jafntefli við FH og töpuðu illa fyrir Fylki. Með sigri í dag fara þeir upp fyrir Fram í fimmta sætið og blanda sér rækilega í baráttu um Evrópusæti.

Glugginn hjá ÍA hefur verið öllu byrlegri en þeir fengu Hauk Andra Haraldsson aftur á láni frá Lille ásamt Marvin Darra.

Vestri Heimamenn eru orðnir langeygir eftir fyrsta heimasigrinum en þeir hafa tapað fyrir Fram, Val, KA og FH á nýja gervigrasinu og gert jafntefli við Breiðablik. Þar að auki hafa þeir gert jafntefli við HK í Kórnum og töpuðu fyrir Fylki. Þannig að þeir hafa leikið 7 leiki í röð án sigurs en síðasti sigur kom á varaheimavellinum í Laugardal gegn Stjörnunni þann 6.júní.

Vestri er í neðsta sætinu með 12 stig

Vestramenn urðu fyrir mikilli blóðtöku fyrir þennan leik þar sem Víkingur virkjuðu klásúlu í samningi Tarik Ibrahimagic og er hann nú farinn í Fossvoginn. Þar áður fór Nacho Gil á láni til Bjarna Jó á Selfoss og Toby King fór til Gíbraltar þannig að Vestri hafa misst 3 miðjumenn í sama glugganum.

Þá lauk Johannes Selvén kantmaður lánssamningi sínum og Marvin Darri varamarkvörður er kominn í raðir mótherja dagsins, Skagamanna. Í hans stað kom Sveinn Sigurður Jóhannesson. Tímabil Sveins tók fljótt enda þar sem hann sleit hásin og í hans stað er kominn Daninn Benjamin Schubert Þannig að þetta eru 2 markverðir inn en 5 leikmenn út.

Síðast en ekki síst þá er Andri Rúnar Bjarnason fjarverandi vegna meiðsla. Lenti illa á öxlinni í síðasta leik og verður frá í 6 vikur í það minnsta. Blóðtaka fyrir heimamenn en hann var að komast aftur af stað eftir veikindi og meiðsli.

Mikilvægur leikur fyrir bæði lið Leikurinn er gríðarlega mikilvægur fyrir heimamenn. Þeir leita að fyrsta sigrinum síðan 2. júní þegar þeir sigruðu Stjörnuna 4-2 á gamla "heimavellinum" í Laugardalnum. Þeir sitja á botni deildarinnar með 12 stig en geta lyft sér upp af honum með sigri í dag.

Gestirnir eru í allt öðrum málum. Hafa verið virkilega þéttir í sumar og eru í baráttu um evrópusæti. Eru hinsvegar sigurlausir í síðustu þremur leikjum og mæta því líklega grimmir og hungraðir til leiks í dag.

Komiði sæl og verið velkomin í beina textalýsingu frá leik Vestra og ÍA í 17.umferð Bestu deildarinnar.