Fyrir leik
Það er ansi flottur leikur á boðstólnum á Kópavogsvelli í kvöld! HK og Breiðablik leika til þrautar um að vera í pottinum þegar dregið verður ú 16-liða úrslit bikarkeppninnar.

Maggi Bö og félagar hafa unnið hörðum höndum að því að hafa völlinn í eins góðu standi og hægt er og vonandi fáum við skemmtilegan leik.

Blikar eru í Pepsi-deildinni eins og allir vita en HK-ingar leika í 2. deild. Þjálfari þeirra er hinn geðþekki Gunnlaugur Jónsson.

Það vill oft vera hiti innan vallar sem utan þegar þessi tvö lið eigast við enda erkifjendur sem því miður hafa ekki mæst oft síðustu ár, sökum slakrar stöðu HK á Íslandsmótinu.

Bæjarstjórinn heiðursgestur
Bæjarstjórinn í Kópavogi, Ármann Kr. Ólafsson, er heiðursgestur á leiknum.

Stuðningsmenn HK eru í norðurenda stúkunnar og stuðningsmenn Breiðabliks í suðurendanum. Leikmenn úr 6. flokkum HK og Breiðabliks, bæði drengir og stúlkur, munu leiða leikmenn liðanna inná völlinn.

Gunnlaugur Jónsson í viðtali við vefsíðu HK:
Auðvitað er Breiðablik stóra liðið í augnablikinu með sinn stöðugleika í efstu deild en við komum óhræddir til leiks og erum tilbúnir að gefa þeim alvöruleik.

Gunnleifur Gunnleifsson, markvörður Breiðabliks og fyrrum leikmaður HK:
Sumir eru kokhraustir hinu megin í bænum fyrir leikinn. HK-ingarnir ætla sér að sjálfsögðu að reyna að vinna okkur en við mætum af fullum krafti og ætlum að fara áfram í keppninni.

Blikar voru með húllumhæ
Stuðningsmenn Breiðabliks hittust fyrir leikinn í Smáranum þar sem hamborgarar voru grillaðir, krakkar andlitsmálaðir og Óli Kristjáns þjálfari heilsaði upp á fólkið.
Eyða Breyta

Fyrir leik
Það styttist í leikinn og fólk farið að tínast á völlinn. Græna pandan, stuðningsmannahópur Blika, lætur í sér heyra. Byrjunarliðin má sjá hér til hliðar.
Eyða Breyta

Fyrir leik
HK-ingar eru með fjögur stig í 2. deildinni en byrjun liðsins hefur verið aðeins undir væntingum.
Eyða Breyta