Gunnar Jarl flautar til leiksloka. Jafntefli staðreynd. Í ágætum fótboltaleik en þó er ljóst að bæði lið eiga meira inni. Skýrsla og viðtöl væntanleg á síðuna innan skamms.

Önnur hornspyrna en í þetta skipti brýtur Tonci af sér.

Tonci með skalla og Gulli blakar boltanum yfir!!!!!!! STÓRHÆTTULEGT

Hornspyrna sem Fylkir fá, kannski síðasti séns?

Liðin virðast vera búin að sættast á skiptan hlut, uppbótartími hafinn og það lítur ekki út fyrir það að við fáum sigurmark.

Jóhannes Karl reynir skot af 45 metra færi úr aukaspyrnu. Ekki galin hugmynd með þennan fót en boltinn fer framhjá.

Þjálfararnir skipta mikið á sama tíma. Samstilltir þessir menn.

Fylkir með hornspyrnu sem Ellert skallar í átt að eigin marki en fer rétt yfir!

Ekkert kemur upp úr horninu, mjög bragðdauft þessa stundina.

Blikar með álitlega sókn sem endar með skoti í varnarmann Fylkis og Blikar fá horn.

Ekkert að gerast þessa stundina hér á Fylkisvelli.

Arnór staðinn upp ferskari en nokkru sinni fyrr.

Arnór Sveinn liggur eftir í teignum eftir langt innkast frá Fylki. Sjúkraþjálfari Blika mættur, vonandi getur Arnór haldið áfram leik.

Blikar mun meira með boltann þessa stundina, án þess þó að skapa sér eitthvað afgerandi.

Arnór Sveinn með hættulega fyrirgjöf sem Fylkismenn skalla í horn.

Andri staðinn upp eftir að sjúkraþjálfarinn hugaði að meiðslum hans og hann heldur leik áfram.

Hörkuárekstur, Kristján Hauks og Andri Yeoman lenda saman og Andri liggur eftir.

Kiddi Jóns tekur aukaspyrnuna sem fer hátt yfir markið!

VÍTII!!!!!!! Fylkir fær víti! Gunnlaugur brýtur á Albert

Stefán Ragnar með nokkur löng innköst í þessum leik en Blikar hafa náð að verjast þeim, án mikilla vandræða.

VÁÁÁ Höskuldur með skalla í slá eftir frábæra hornspyrnu Kidda Jóns. BLIKAR ERU VAKNAÐIR!

Fylkismenn virðast halda áfram í 4-4-2 Oddur kemur bara beint uppá topp.

Guðjón Pétur er kominn á miðjuna við hlið Gunnlaugs og Andri Yeoman fyrir framan þá.

VÍTASPYRNA!!! Davíð Kristján fellur í teignum eftir viðskipti við Tonci og Gunnar Jarl bendir umsvifalaust á punktinn, Fylkismenn brjálaðir en þeir vilja meina að það hafi verið brotið á Ásgeiri Berki rétt áður.

Tvær skiptingar í hálfleik, ein hjá hvoru liði. Vonandi mun Guðjón Pétur vekja sóknarlínu Blika sem hefur verið sofandi fram að þessu.

Gunnlaugur tekur hornspyrnu sem fer í gegnum allan pakkann og útaf hinu megin. Þegar boltinn siglir útaf þá flautar Gunnar til hálfleiks í mjög rólegum leik.

Blikar reyna fyrirgjöf sem Bjarni grípur. Slakur fyrri hálfleikur hjá þeim enn sem komið er.

Blikar færa sig framar á völlinn en það er EKKERT í gangi sóknarlega hjá þeim.

Fylkismenn halda áfram að sækja, Albert leikur á Damir og setur hann fyrir markið þar sem varnarmaður Blika setur hann í horn.

Liðin skiptast á að gefa á hvort annað í mesta bróðerni.

Hættuleg hornspyrna frá Kristni Jóns, klafst í teignum en Fylkismenn ná að hreinsa fram þar sem að Hákon var nálægt því að sleppa í gegn. Leikmenn eru að vakna.

Bjarni Þórður liggur eftir árekstur við Ellert. Sjúkraþjálfari Fylkis hugar að markmanninum, sem er staðinn upp og uppsker lófaklapp.

Jóhannes Karl að reyna að æsa aðeins upp í þessu, brýtur á Arnþóri og sparkar svo boltanum létt í bringuna á honum. Þessi leikur má alveg við smá látum.

Þarna skall hurð nærri hælum hjá Blikum! Albert Brynjar fer út að endamörkum með boltann og setur hann fyrir en Arnór kemst í boltann rétt á undan Ingimundi og ekkert varð því úr þessu.

Jóhannes Karl búinn að reyna tvo langa bolta sem hafa ekkert heimilisfang. Bæði lið að reyna að fóta sig.

Lítið að gerast þessa stundina. Fylkir þó meira með boltann, en ná ekki að skapa sér nein tækifæri.

Fylkismenn fá hornspyrnu. Sem ekkert kemur upp úr.

Albert Brynjar kemst í ákjósanlegt færi en slakt skot sem Gunnleifur á í engum vandræðum með.

Damir tekur skot af 40 metra færi sem fer 10 metra yfir markið.

Blikar fá aukaspyrnu sem Kristinn snýr fyrir markið. Bjarni kýlir boltann í burtu.

Enn röð fyrir utan völlinn. Góð mæting í Árbæinn.

Þetta fer hægt af stað. Blikar aðeins meira með boltann. Kristinn Jóns reynir sendingu á Ellert sem nær aumum skalla framhjá.

Blikar spila 4-2-3-1
Gulli
Arnór-Elfar-Damir-Kristinn
Andri-Gunnlaugur
Davíð- Arnþór - Höskuldur
Ellert

Fylkismenn taka hornspyrnu sem Gunnleifur grípur.

Fylkismenn virðast vera að spila 4-4-2
Bjarni
Stefán-Tonci-Kristján-Ásgeir Eyþórs.
Ásgeir Örn-Ásgeir Börkur-Jói Kalli-Ingimundur
Albert-Hákon

Blikar fá aukaspyrnu utan teigs Gunnlaugur tekur hana, snýr boltanum inn á teiginn en of föst sending og boltinn fer aftur fyrir.

Leikur hafinn - Blikar sækja í átt að sundlauginni og byrja með boltann.

Einnar mínútu klappi nýlokið til minningar um Benjamín Nökkva sem lést langt fyrir aldur fram. Hér á Fylkisvellinum stóðu allir upp og klöppuðu.

Liðin eru að ganga inn á völlinn. Ásgeir Börkur og Arnar Sveinn fremstir í flokki hjá sínum liðum. Veislan er að byrja.

5 mínútur í leik. Stúkan er að fyllast, hér stefnir allt í frábært kvöld.

Hér er verið að flytja nýtt Fylkislag \"Við erum Fylkir\" eftir Björn Braga. Kristján Sturla var honum til halds og trausts. Flottir.

Vallarþulurinn auglýsir hamborgaratilboð í gríð og erg. Eðal borgarar örugglega.

Gunnar Jarl Jónsson dæmir þennan leik. Honum til aðstoðar eru Leiknir Ágústsson og Bryngeir Valmdimarsson. Þeir eru byrjaðir að hita upp. Mjög samhæfð upphitun hjá þeim.

Fylkismenn mættir út að hita. Rétt á eftir þeim mæta Blikar.

Oliver Sigurjónsson er meiddur og því ekki með í dag.

Magnús Valur Böðvarsson er mættur og tekur nú út völlinn ásamt vallarstarfsmanni Fylkis.

Byrjunarliðin eru klár og ekkert kemur á óvart í liði Blika.
En hinu megin er Andrés Már á bekknum og það kemur eilítið á óvart.

Völlurinn lítur vel út. Hitamælirinn sýnir 9° og tónlistin er komin af stað. Byrjunarliðin fara að detta inn.

Blikum hefur gengið vel á undirbúningstímabilinu og unnu bæði Fótbolta.net mótið og Lengjubikarinn en Arnar Grétarsson tók við liðinu á liðnum vetri. Fylkismenn binda miklar vonir við árangur í sumar enda leikmannahópurinn orðinn nánast fullmótaður mun fyrr en venjan er í Árbænum.

Byrjunarliðin verða tilkynnt klukkutíma fyrir leik en Bjarni Þórður Halldórsson verður í rammanum hjá Árbæjarliðinu samkvæmt okkar heimildum. Hann hefur í vetur verið að berjast um stöðuna við hinn unga Ólaf Íshólm Ólafsson.

Markmenn beggja liða áttu ekki nægilega gott tímabil í fyrra en eru ákveðnir í að sýna sínar bestu hliðar í sumar.

Elís Rafn Björnsson kom Fylki yfir þegar þessi lið áttust við í Lautinni í fyrra en Guðjón Pétur Lýðsson jafnaði í 1-1 og urðu það lokatölur.

Gunnar Jarl Jónsson sér um að dæma þennan leik í kvöld.

Góðan og gleðilegan dag og velkomin í Lautina. Fyrstu umferð Pepsi-deildarinnar lýkur í kvöld þegar Fylkir og Breiðablik eigast við. Ljóst er að vallaraðstæður verða ekki upp á sitt besta í kvöld en Fylkisvöllurinn er mjög viðkvæmur og var leikurinn færður um nokkra daga til að hann yrði eitthvað betri.