Mjög góður sigur Fylkismanna staðreynd!

Fjórum mínútum bætt við.

Blikar reyna hvað þeir geta, fá lítið meira út úr því en hornspyrnur.

Arnór Sveinn á skot á fjærstönginni eftir fyrirgjöf frá vinstri. Það fer af varnarmanni aftur fyrir.

Atli Sigurjónsson með skemmtilega tilraun úr þröngu færi eftir álitlega sókn Blika. Skot hans á lofti fór framhjá.

Ásgeir Börkur virðist eitthvað hnjaskaður en Hermann hvetur hann til að halda áfram.

Fylkismenn voru búnir að hóta þessu. Blikar allt of framarlega með varnarlínuna og Fylkismenn með vindinn í bakið náðu að nota sér svæðið á bakvið þá.

Dauðafæri Fylkis!
Blikar misstu boltann á miðjunni sem virtist þó vera brot. Ekkert dæmt og Fylkismenn upp í skyndisókn. Albert fékk boltann upp hægri kantinn, gaf hann fyrir þar sem Hákon Ingi hafði tíma en klúðraði fyrstu snertingunni og missti boltann áður en hann gat komið skoti að marki.

Frábær björgun! Guðjón Pétur átti frábæra fyrirgjöf frá hægri sem virtist stefna beint á hausinn á Ellert Hreinsson á markteignum. Tonci Radovinkovic komst hins vegar á milli og skallaði frá.

Arnþór Ari með skalla yfir markið eftir fyrirgjöf frá vinstri.

Gott færi Fylkis!
Albert Brynjar á góða sendingu inn fyrir á Ragnar Braga sem nær ekki skoti á markið. Elfar hljóp hann uppi og tók hann úr jafnvægi áður en hann skaut.

Fylkir eru komnir í 4-4-2 núna með Ásgeir Örn á hægri kanti, Ragnar Braga á vinstri og Jóa Kalla og Börk á miðjunni.

Fylkismenn komast aðeins framar á völlinn í síðari hálfleik en það vantar engu að síður gæði í þeirra leik. Vindurinn grípur allar spyrnur Gulla í markinu fram á við, sem gerir Fylkismönnum kleift að hafa liðið ofar á vellinum.

Ingimundur Níels á skot utan teigs sem fyrir yfir markið, aldrei hætta.

Guðjón Pétur í ágætis færi, hittir boltann illa.

Síðari hálfleikur hafinn!
Fylkismenn hefja síðari hálfleik og eru með vindinn í bakið. Spurning hvort þeir hætti sér þá aðeins framar á völlinn í síðari hálfleik.

Fyrri hálfleikur hefur runnið sitt skeið. Blikar verið töluvert betri en Fylkismenn hafa hins vegar fengið besta færið. Vonandi fáum við mörk í þetta í síðari hálfleiknum.

Guðjón Pétur á skot rétt utan teigs sem fer framhjá markinu.

Það styttist í að Hermann Hreiðarsson fái áminningu á Fylkisbekkinn. Er búinn að taka tvö heiftarleg köst á Vilhjálm Alvar.

Ekki gríðarlega mikið að gerast þessa stundina. Blikar eru enn hættulegri en vantar að klára sóknirnar með skoti.

Dauðafæri hjá Fylki!
Tonci á skalla að marki eftir fyrirgjöf frá Andrési sem fékk hann stutt úr horni. Gunnleifur ver frábærlega í slá og boltinn fer svo aftur fyrir af Fylkismanni.

Ingimundir Níels ógnar marki Blika. Fær boltann við miðjubogann eftir hronspyrnu Blika. Á skot sem fer af varnarmanni og í horn.

Ef ég ætti að giska myndi ég segja að Fylkismenn séu búnir að brjóta af sér u.þ.b. 10 sinnum á fyrstu 24 mínútunum.

Arnór Sveinn kemst í ágætis stöðu rétt utan teigs Fylkis, á svo skot eða sendingu sem Ellert Hreinsson lætur í friði þar sem hann var rangstæður.

Albert Brynjar dettur inn fyrir vörn Blika en Elfar nær að stoppa hann. Hermann Hreiðarsson vill meina að það hafi verið ólöglega. Er brjálaður við Vilhjálm Alvar, 4. dómara. Fylkismenn hefðu getað nýtt þetta betur.

Blikar ógna áfram. Komast í ágætis sóknarstöður en ná ekki að binda endahnútinn. Guðjón Pétur á góða fyrirgjöf frá hægri sem Höskuldur nær ekki að setja hausinn í.

Fylkismenn virðast eiga töluvert erfitt með að halda boltanum. Blikar eru þéttir og pressa þá vel á miðjunni.

Svona stilla liðin upp í dag:
Breiðablik
Ellert
Höskuldur-Andri-Arnþór-Guðjón
Oliver
Kristinn-Damir-Elfar-Arnór
Gulli

Fylkir
Ingimundur-Albert
Ragnar Bragi
Jói Kalli-Ásgeir Örn
Börkur
Tómas-Ásgeir-Tonci-Andrés
Ólafur

Ellert Hreinsson á góðan skalla eftir aukaspyrnu utan af veli. Ólafur Íshólm blakar boltanum yfir.

Blikar stjórna ferðinni á meðan Fylkir reynir að sækja hratt á þá, eins og við var að búast. Fátt um færi.

Fylkismenn virðast vera að spila með tígulmiðju. Ingimundur og Albert Brynjar eru fremstir og Ragnar Bragi fyrir aftan þá.

Garðar Örn flautar til leiks. Blikar byrja og sækja í átt að Fífunni, með vindinn í bakið.

Ásgeir Börkur vann uppkastið virðist vera og liðin skipta um vallarhelming.

Leikmenn og dómarar ganga inn á völlin í gulum bolum vegna átaksins Útmeða. Útmeða varðar sjálfsvíg ungra karlmanna en það er algengasta dánarorsök karlmanna á aldrinum 18-25 ára. Flott framtak!

Virðist ágætlega mætt í Kópavoginn í kvöld - stemming hjá Blikunum.

Þá halda liðin til búningsherbergja þegar 10 mínútur eru til leiks. Þetta er að bresta á!

Arnór Sveinn Aðalsteinsson, Gunnleifur Gunnleifsson, Kristinn Jónsson og Oliver Sigurjónsson, leikmenn Breiðabliks, fá hér verðlaun fyrir leik þar sem að þeir voru í úrvalsliði fyrri umferðar deildarinnar hjá Pepsi-mörkunum.

Kjartan er Fylkismönnum auðvitað ekki ókunnur en hann lék 175 deildarleiki með félaginu á sínum tíma og var með þeim frá 2. deild upp í þá efstu á árunum 1994-2003.

Kjartan Sturluson, markmannsþjálfari Fylkis, er að hita Ólaf Íshólm upp ásamt Bjarna Þórði sem missti sæti sitt til Ólafs fyrir tæpum mánuði.

Fylkismenn hafa verið að hita upp síðastu 10-15 mínútur en ekkert bólar á Blikum enn sem komið er.

Þetta er annar leikur Hermanns Hreiðarssonar við stjórnvölin hjá Fylki en sá fyrsti var heldur betur dramatískur. Staðan var 1-1 í Kaplakrika þegar FH-ingar skora mark á 91. mínútu en Fylkismenn jöfnuðu svo leikinn mínútu síðar þegar Kjartan Ágúst Breiðdal skoraði.

Hermann tók sig svo til og fagnaði vel og innilega fyrir framan aðdáendur FH, þeim til mikillar gremju.

Blikar gera tvær breytingar á liði sínu frá 2-0 sigrinum gegn Fjölni á dögunum en Atli Sigurjónsson fer á bekkinn og inn í hans stað kemur Ellert Hreinsson. Arnþór Ari verður þá líklega á miðjunni í stað Atla en hann var fremstur gegn Fjölni. Þá kemur Guðjón Pétur Lýðsson inn í stað Davíðs Kristjáns Ólafssonar.

Það hefur mikið vatn runnið til sjávar frá þessum fyrsta leik en gengi Blika hefur verið heldur betra en gengi Fylkismanna.

Breiðablik getur með sigri í dag farið yfir FH-inga í 2. sæti deildarinnar, stigi frá efsta liði KR-inga. Blikar hafa fengið á sig lang fæst mörk í sumar eða átta talsins.

Fylkir hefur aftur á móti ekki gengið eins og kröfur voru gerðar til í upphafi sumars en þeir stefndu á Evrópusæti. Hermann Hreiðarsson er tekinn við þjálfun liðsins af Ásmundi Arnarssyni í von um að snúa genginu við.

Gott kvöld og velkomin í beina textalýsingu frá Kópavogsvelli. Þar fer fram leikur Breiðabliks og Fylkis í 12. umferð Pepsi-deildar karla.

Liðin mættust í 1. umferð í Lautinni í Árbæ en þeim leik lauk með 1-1 jafntefli í heldur bragðdaufum leik þar sem Albert Brynjar Ingason kom heimamönnum yfir í fyrri hálfleik en Guðjón Pétur Lýðsson jafnaði úr vítaspyrnu fyrir Blika.