SKÝRSLAN: Leiknir tapaði ekki í uppbótartíma
Hvað réði úrslitum?
Arfaslök vítaspyrna Jonathan Glenn réði því að Blikar fóru ekki heim með stigin þrjú í dag. Einnig vörðust Leiknismenn gríðarlega vel.
Bestu leikmenn
1. Eyjólfur Tómasson
Varði mjög vel í fyrri hálfleik en hafði minna að gera í seinni. Var mjög örugggur í öllum sínum aðgerðum og hélt Leikni inn í leiknum á löngum köflum í leiknum. Einnig ber að hrósa Eiríki Inga og Óla Hrannari sem að lokuðu vel á vinstri kant Blika í dag.
2. Atli Sigurjónsson
Það er ekki honum að kenna að hann er ekki með 2-3 stoðsendingar í dag. Klikkaði á einni sendingu í dag og var heilt yfir frábær.
Atvikið
Vítaspyrnan undir lok leiks var atvik leiksins. Það verður að segja það þar sem að Glenn hefði getað unnið þennan leik fyrir Breiðablik þar en því miður fyrir Blika þá skaut hann framhjá/yfir.
Hvað þýða úrslitin?
Breiðablik eru núna sex stigum á eftir FH en allt getur gerst í þessu ennþá. Blikar tryggðu sér síðan Evrópusæti með þessu jafntefli en þetta stig gæti reynst Leiknismönnum dýrmætt.
Vondur dagur
Jonathan kallinn Glenn klikkaði á dauðafæri í fyrri hálfleik og brenndi síðan af vítaspyrnu á 93\'mín. Hann hefur átt betri daga.
Dómarinn - 6,5
Var ágætur í dag, veit ekki með þessa vítaspyrnu. Ef að það var réttur dómur þá hækkar einkunnin í 7,5 ef að hann var rangur þá fer einkunnin niður í 4,5. Verður gaman að sjá þetta atvik aftur.