Mjög öruggur sigur hjá Blikum. Lyfta sér uppfyrir Víkinga með þessum sigri. Viðtöl og skýrsla koma innan skamms

Sveinn Aron sloppinn einn í gegn. Cristian kom langt út í teiginn og varði

Nýbúinn að skrifa þetta þegar Aron kemst í ákjósanlegt færi en skotið hans varið af Cristian

Þessi síðari hálfleikur fer mjög seint í sögubækurnar fyrir einhverja skemmtun. Blikar kláruðu þetta gjörsamlega með þriðja markinu

Nú liggur Davíð Kristján eftir. Í þriðja skipti sem einhver sest niður þrátt fyrir að enginn sé í kring. Guðmundur Steinn og Damir gerðu það báðir og fóru báðir af velli. Sýnist Davíð getað haldið áfram

Ég er að elska þetta look á Þórði Steinari. Fyrir utan hárið og skeggið sem er on point þá er hann að spila í skóm sem hann virðist hafa fundið inní skáp heima hjá sér sem hafa ekki verið notaðir síðan hann var í 2. flokk

Við í skýlinu erum búnir að vera reyna finna einhverja ljósa punkta hjá Ólafsvík. Mjög erfitt verkefni. Mikil barátta í Þorsteini sem og Pape

Víkingar halda áfram að klikka á þessum einföldu sendingum. Voðalega lítið að smella hjá lærisveinum Ejub í dag

Ef svo vill til að Aleix Egea eða Pape fá gult spjald í dag þá eru Víkingar án Nacho, Aleix, Guðmunds, Pape og Kwame. Ef ég skil rétt þá ætti Kwame að vera í tveggja leikja banni vegna þess að hann var að fá sitt annað rauða spjald. Gulli er kominn í bann vegna gulra spjalda, Nacho og Steini eru meiddir og Pape og Aleix eru á hættusvæði

Strax eftir færi Ólsara er Gísli við það að sleppa í gegn. Cristian gerði vel og varði í horn

Pape með skot framhjá markinu. Ólsarar gefast ekki upp

Þetta gæti verið mjög crucial leikur uppá framhaldið í fallbaráttunni. Nacho og Guðmundur Steinn báðir farnir af velli meiddir hjá Víkingum. Steini hefur verið gríðarlega mikilvægur fyrir markaskorun liðsins og með bæði Þorstein og Pape að ströggla fyrir framan markið þá gæti Víkingur verið í basli

Löng pása vegna meiðsla Steina. Pape er að gera sig klárann að koma inná

Þetta lítur mjög illa út fyrir Víking. Guðmundur Steinn skyndilega snarstoppar og grípur um bakið á sér áður en hann legst niður. Sá ekki hvað gerðist en það var ekki maður í kringum hann. Hann virðist hafa fengið eitthvern hnikk. Þorsteinn Már er tekinn við bandinu sem þýðir að Steini mun ekki halda leik sínum áfram

Áhorfendatölur í Ólafsvík í dag eru 478

Það var smá töf á að leikurinn gæti hafist aftur. Aðstoðardómarinn gerði einhverja athugasemd við markið

Blikar mjög sanngjarnt 2-0 yfir í hálfleik

+3 Tomasz Luba með sannkallað miðvarðarskot fyrir utan teig! Sneri baki í markið, náði að halda mönnum frá sér og ætlaði svo að snúa og fara í skotið. Skelfilegt skot hins vegar. Vel framhjá

víkingar hafa alls ekki verið að spila vel í dag. Alltof fáar sendingar að heppnast hjá þeim

Uppbótartíminn er 3 mínútur

Alexis Egea er byrjaður að hita upp en Nacho Heras liggur niðri. Sá ekki hvað gerðist en hann þarf aðhlynningu

Til þess að komast hjá öllum misskilning þá kalla ég Gunnlaug Hlyn Gulla og Gunnleif Gulla Gull

Spontaníus taktísk breyting hjá Ejub. Alltíeinu er Víkingur að spila 4 manna vörn með Gabrielius og Emir eru í bakvörðunum með Luba og Nacho sín á milli. Alfreð er kominn á hægri kantinn og Gulli á vinstri kantinn. Kenan og Eivinas eru djúpir með Þorstein fyrir framan sig og Steini er á toppnum

Gísli ákveður að reyna við annað skot af svipuðu færi og áðan þegar hann gerði markið. Yfir markið í þetta sinn

Stórhættulegt færi! Sending frá Davíð mjög góð frá vinstri og alltíeinu 3 lausir í teignum. Gísli fyrstur í boltann en skot hans í hliðarnetið

Mjög rólegar síðustu mínútur hérna

ÞVÍLÍK GULLSENDING! Eivinas Zagurskas með ruuuglaða sendingu innfyrir vörn Blika frá sínum vallarhelming. Þorsteinn tók boltann vel niður en önnur snertingin brást honum og hann kom ekki skoti frá sér

Martin Lund með skelfilegt skot vol. 2 Aftur fær Martin boltann innfyrir í sömu stöðu og áðan. Núna eftir að Alfreð Már rann. Skotið hjá Martin himinhátt yfir aftur.

Í þetta sinnið eru það Víkingar sem fá aukaspyrnu á góðum stað. Eivinas með fyrirgjöfina og Gunnlaugur og Nacho hoppa saman í boltann. Hvorugur hittir boltann almennilega en Gulli var fyrir innan og því dæmd rangstaða. Hefði Gulli farið frá hefði Nacho verið í mjög góðri stöðu

Aftur kemur Kenan við sögu. Kominn aftur inná og fer í 50/50 bolta við Andra Rafn. Báðir sparka í boltann á nákvæmlega sma tíma og Andri liggur eftir. Kenan fer útúr þessu heill

Elfar Freyr í smá skógarferð með boltann. Missti hann aðeins frá sér og þurfti að renna sér í boltann. Tók Kenan niður í leiðinni og var dæmdur brotlegur. Kenan hins vegar liggur sárþjáður eftir og þarfnast aðhlynningar

Ég viðurkenni það fúslega að ég missti algjörlega af þessu marki! Ég var í þann mund að skrifa færslu þegar ég heyrði læti. Kolleggar mínir í blaðamannaskýlinu lýsa þessu sem einu af mörkum sumarsins

Martin Lund með skelfilegt skot Fyrsta ákjósanlega færið úr opnu spili. Vel spilað hjá Blikum og Gísli kom með góðan bolta innfyrir á Martin Lund sem skyndilega var einn á móti Cristian en skotið himinhátt yfir

Gott skot. Skrúfaði boltann framhjá veggnum en Cristian sá við honum

Aftur fá Blikar aukaspyrnu. Nú rétt fyrir utan teigin eftir vægt brot. Sveinn Aron stillir sér upp til að taka spyrnuna

Leikurinn fer mjög rólega af stað. Hvorugt liðið taka einhverja sénsa til að byrja með. Blikar reyna mikið af sendingum innfyrir vörnina

Víkingar spila svipaða taktík og í síðustu leikjum. Leyfa andstæðingum sínum að halda boltanum mikið og liggja þétt til baka og beita hröðum sóknum

Ekkert varð úr aukaspyrnunni en Víkingar fengu aukaspyrnu

Blikar eiga aukaspyrnu ca 35 metrum frá markinu

Uppstilling Milosar á Blikaliðinu Gunnleifur Dino-Elfar-Damir-Davíð Willum-Gísli-Andri Aron-Martin-Sveinn Aron

Víkingar stilla upp hefðbundnu liði Cristian Gabrielius-Emir-Luba-Nacho-Alfreð Eivinas Kenan-Þorsteinn-Gulli G.Steinn

Það eru Víkingar sem byrja með boltann og byrja þeir að sækja í átt að Sundlaug Ólafsvíkur í fyrri hálfleik

Það eru tveir fyrrum leikmenn Víkings í byrjunarliði Breiðabliks en það eru þeir Damir Muminovic sem lék eitt tímabil með liðinu árið 2013 og svo er það Gísli Eyjólfsson sem lék hálft tímabil á síðasta ári á láni áður en hann var kallaður til baka

Það vekur athygli að Einar Hjörleifsson er kominn á bekkinn hjá Víkingum en þrátt fyrir að vera búinn að leggja hanskana á hilluna þá er hann alltaf reiðubúinn að koma á bekkinn og hjálpa til ef varamarkvörður Víkings, Konráð Ragnarsson er víðs fjarri

Góðann og margblessaðan daginn kæru lesendur Fótbolta.net. Ármann heiti ég og býð ykkur öllum hjartanlega velkomin í þráðbeina textalýsingu á leik Víkings Ólafsvíkur og Breiðabliks í 16 umferð Pepsi-deildar karla í knattspyrnu