Fylkir leikur til úrslita gegn KR eða Val á mánudaginn. Hér í Egilshöll.

Valgeir Lunddal skapar hættu en Ólafur Ingi bjargar með frábærri tæklingu! Biður svo um skiptingu beint í kjölfarið.

Ragnar Bragi í Fylki með lausa skottilraun. Auðvelt fyrir Atla í marki Fjölnis.

Fjölnismenn rembast við að reyna að minnka muninn. Valgeir Lunddal með skot vel yfir markið.

Fylkir með hörkuskot. Varið í horn.

Jóhann Árni með skot hjá Fjölni. Yfir.

Fylkir verið töluvert betra liðið í leiknum hingað til. Staðan algjörlega í takt við gang leiksins.

FYLKIR FÆR VÍTI! Bergsveinn Ólafsson brýtur á Ragnari Braga! Held að þetta hafi verið hárréttur dómur.

Ástæðan fyrir því að það hefur ekki komið færsla lengi er einfaldlega sú að það hefur ekkert gerst! Ekki flókið!

Fylkir þó talsvert meira með boltann.

Ingibergur Kort með lipran sprett og ógnar við mark Fylkis. Hann er sprækastur Fjölnismanna.

Ingibergur Kort fellur í teignum og Fjölnismenn vilja vítaspyrnu. Vilhjálmur Alvar gerir rétt með því að dæma ekkert.

Daði Ólafsson í flottu skotfæri fyrir Fylki, lætur vaða en Atli Gunnar í marki Fjplnis tekur "De Gea" vörslu með fótunum.

Fylkismenn hafa byrjað talsvert betur og sækja mun meira. Voru að vinna hornspyrnu í þessum skrifuðu orðum.

Ari Leifsson, leikmaður Fylkis, fær flott skallafæri eftir hornspyrnu en hittir ekki markið.

Leikurinn er hafinn. Fylkismenn eru hvítklæddir í leiknum í kvöld.

Þrír leikmenn í byrjunarlið Fjölnis í kvöld eru fæddir 2001.

Það eru Viktor Andri Hafþórsson, Valgeir Lunddal Friðriksson og Jóhann Árni Gunnarsson sem skipa hvolpasveitina.

Vinir okkar á SportTv sýna leiki kvöldsins í beinni en hægt er að sjá netútsendinguna með því að smella hérna.

Markvörðurinn Atli Gunnar Guðmundsson sem kom frá Fram í vetur er í rammanum hjá Fjölni í kvöld en Þórður Ingason gekk á dögunum í raðir Víkings R.

Almarr Ormarsson, Birnir Snær Ingason, Þórir Guðjónsson og Ægir Jarl Jónasson eru meðal leikmanna sem fóru frá Fjölni eftir fallið úr Pepsi-deildinni.

Fylkismenn hafa krækt í Sam Hewson frá Grindavík fyrir átökin á komandi tímabili. Hann er þó ekki með í kvöld.

Ásgeir Börkur Ásgeirsson er farinn í HK, Ásgeir Örn Arnþórsson í Aftureldingu, Elís Rafn Björnsson í Stjörnuna og Jonathan Glenn í ÍBV.

Þá segir sagan að Albert Brynjar Ingason sé á leið frá Fylki og stefni á að leika í Inkasso-deildinni á komandi tímabili. Albert er ekki með Fylkismönnum í kvöld.

Byrjunarliðin eru komin inn. Reynsluboltarnir Ólafur Ingi Skúlason og Helgi Valur Daníelsson í byrjunarliði Fylkis.

Fjölnismenn eru ríkjandi Reykjavíkurmeistarar. Þeir unnu titilinn í fyrsta og eina skipti í fyrra eftir sigur á einmitt Fylki í úrslitaleik, 3-2.

Í Pepsi-deildinni gekk liðinu svo mjög illa og féll niður í Inkasso-deildina. Fylkir hafnaði í 8. sæti sem nýliði í deildinni.

Helgi Sigurðsson er að fara í sitt þriðja tímabil sem þjálfari Fylkis. Ásmundur Arnarsson tók aftur við Fjölnisliðinu eftir að það féll.

Heil og sæl! Undanúrslitaleikir framundan í Reykjavíkurmótinu og þeir verða báðir í textalýsingum hjá okkur.

Fjölnir og Fylkir mætast kl. 19:00 og KR og Valur kl. 21:00. Báðir leikirnir fara fram í Egilshöll.

Athygli er vakin á því að ef jafnt verður eftir venjulegan leiktíma í leikjunum þá verður strax gripið til vítaspyrnukeppni til að knýja fram úrslit.

Úrslitaleikurinn fer svo fram mánudaginn 4. febrúar kl. 20:00, einnig í Egilshöll.