Þorvaldur flautar til leiksloka!

Viðtöl og skýrsla á leiðinni...

Davíð Atla með fyrirgjöf sem Örvar skallar í átt að markinu en laflaust af löngu færi.

Blikar fá horn.

Guðjón og Willum fara að reyna að halda boltanum en Víkingar vinna hann, boltinn berst þó út á Hendrickx sem reynir skot en Doddi ver.

3 mínútur í uppbótartíma.

Leikurinn dottið svolítið niður, mikið um stöðubaráttu og innköst...

DAUÐAFÆRI!!!

Hvernig Thomas Mikkelsen skoraði ekki þarna er hreinlega rannsóknarefni.

Andri Yeoman datt í gegn á virkilega furðulegan hátt, Doddi mætir Andra sem leggur boltann á Thomas með galopið mark fyrir framan sig en hann setur boltann yfir!

1057 áhorfendur á Wurth vellinum í dag.

Nú fá Blikar aukaspyrnu á nákvæmlega sama stað og áðan, en taka stutt meðan ég er að skrifa þetta...

Bjóst við öðrum draumabolta frá Gauja.

Andri Yeoman með flotta fyrirgjöf frá hægri og Viktor Karl potar tánni í boltann sem fer í slánna og yfir!

Viktor Karl með frábæran snúning á miðjum vellinum og keyrir á vörnina, finnur Thomas í lappir vinstra megin og hann setur boltann á hægri löppina og smellir honum svona 3cm frá stönginni!

Víkingar setja pressu á Blikana og reyna að koma inn marki, Nikolaj nær að snúa við vítateiginn en fær svo hreinsunina í smettið.

Hann er staðinn upp og leikurinn heldur áfram.

Uppúr hornspyrnunni fær Elli Helga dauðafæri á fjær en setur boltann hátt upp í loftið og ofan á þakið á Árbæjarþreki.

Þarna hefði Elli getað gengið endanlega frá leiknum.

GUÐJÓN PÉTUR MEÐ HÖRKUSKOT! - Boltinn dettur útúr teignum og Gauji bombar í fyrsta og Doddi með svakalega vörslu!

Blikar fá horn.

Víkingar svara með geggjuðu færi!

Fyrirgjöf frá hægri beint á kollinn á Atla sem skallar rétt framhjá. Hefði átt að hitta markið þarna.

Blikar fá aukaspyrnu á miðjum vallarhelming Víkinga, Guðjón tekur.

Hendrickx með ágætis skottilraun eftir að hafa keyrt inn á völlinn með boltann en Doddi ver.

Höskuldur með fínt langskot en hittir ekki rammann.

Alexander rennir frábærum bolta í hlaupið hjá Thomasi en skotið beint á Dodda! - Þetta var flott færi.

Spyrnan slök og Víkingar koma boltanum út, önnur fyrirgjöf frá Blikum en boltinn endar í fanginu á Dodda.

Ágúst tekur hornspyrnu fyrir Víkinga sem Blikar skalla frá, Momo skallar aftur inn í pakkann en boltinn berst á Gulla.

Gulli er fljótur að koma boltanum í leik og skyndilega er Kolbeinn kominn í góða stöðu í teig Víkinga en skotið í varnarmann og afturfyrir.

Sölvi Geir full rólegur á boltanum í vörninni og Kolbeinn næstum búinn að hirða hann af honum en boltinn berst á Halla.

Sölvi mjög heppinn!

Rikki T með geggjaðan snúning á miðjum vellinum og fíflar Damir, keyrir af stað og leggur boltann svo á Ágúst sem hamrar boltanum rétt yfir og stúkan tók andköf! - Þetta hefði verið fallegt mark.

Þetta er komið af stað aftur, í þetta sinn byrja Víkingar með boltann og sækja á móti vindinum.

Þorvaldur bætir ekki sekúndu við þetta.

Blikar skalla frá, boltinn berst á Luigi sem fær pressuna á móti sér og ég sá hvað honum langaði að skjóta, en spilar boltanum til baka.

Luigi með takta hérna, sparkar boltanum hægra megin við Arnar Svein og hleypur vinstra megin, stúkan tekur við sér!

Víkingar eiga núna innkast uppi vinstra megin og Davíð Atla skokkar að taka.

Blikar vinnan boltann núna ofarlega á vellinum eftir góða pressu og Kolbeinn reynir skot sem reyndar fór örugglega í Árbæjarskóla.

Flott pressa hjá báðum liðum og nóg af marktækifærum hérna.

Blikar reyna að spila út úr markspyrnu en Víkingar eru aggressívir, endar með glórulausri sendingu frá Arnari Svein beint á Atla Hrafn en Elli Helga bjargar í horn.

Hornið tekið stutt á Luigi sem reynir fyrirgjöf en Gulli grípur.

Tilraunin slök og Doddi ekki í neinu veseni með að grípa þetta.

Blikar fá aukaspyrnu á hættulegum stað.

Alexander Helgi stillir sér upp, hefði haldið að þetta væri skotfæri fyrir Gauja.

Elfar brýtur hér á Ágústi á miðjum vellinum, Elli Helga er ekki þekktur fyrir að hleypa bæði bolta og manni framhjá sér.

Ágúst búinn að vera virkilega sprækur hingað til!

Hendrickx með fyrirgjöf og Doddi misreiknar hana eitthvað í sólinni en Halldór bjargar í horn.

Gauji með flottan bolta fyrir og Damir var aleinn og tekur svona negluskalla, yfir.

Víkingar taka núna eitt langt innkast frá vinstri beint úr smiðju Davíðs Atla, Blikar skalla boltann útúr teignum en þar bíður Momo sem reynir skotið í fyrsta á lofti, ekki langt framhjá! - Ágætis tilraun...

Blikar svolítið búnir að vera að prófa boltann síðustu mínútur og hleypa Víkingum ekki langt upp völlinn.

Guðjón Pétur reynir fyrirgjöf sem mér sýnist fara í höndina á Rikka T innan teigs og Gauji heimtar víti en Þorvaldur er ekki sammála og sveiflar höndum!

Fyrstu hornspyrnu leiksins fá Blikar, þeir taka hana stutt og svo tekur Hendrickx slakt skot af löngu færi, beint á Dodda.

Blikar með virkilega skemmtilega og flotta pressu en Víkingar spila sig hrikalega vel í gegnum hana! - Endar þó með að Logi nær ekki sendingunni sem hefði splúndrað Blikum endanlega og Blikar fá innkast við miðju.

Blikar með flott færi!

Arnar Sveinn fær boltann úti hægra megin og bombaði boltanum lágt inn á teiginn og Thomas nær skotinu en það fer yfir! - Hefði getað skorað þarna...

Virkilega vel gert hjá Ágústi! - Vann boltann á miðjunni og keyrði á Blikavörnina sem var ofarlega, potaði boltanum á Nikolaj en það er brotið á Ágústi og þeir fá aukaspyrnu.

Ágúst tekur spyrnuna sjálfur og hamrar á nær en Gulli ekki í miklu veseni.

Fyrsta færið er Blika!

Halli með vonda sendingu úr vörninni inn á miðjuna sem Höggi vinnur, Blikar spila skemmtilega upp vinstra megin og fyrirgjöfin kemur svo á Höskuld sem tekur lélegt touch og boltinn afturfyrir.

Höggi hefði getað skotið í fyrsta.

Víkingar byrja með látum og setja mikla pressu á Blika, endar með að Gulli setur boltann í innkast.

Þetta er komið af stað!

Blikar byrja með boltann og sækja í átt að Grafarvogi.

Liðin ganga hér inn á Wurth völlinn á eftir Þorvaldi Árnasyni og félögum, þetta fer að fara af stað!

Fólk er að týnast í stúkuna.

Að sama skapi ætla ég að giska á Víkingana svona:

Doddi
Davíð, Halldór, Sölvi, Luigi.
Ágúst, Júlli, Momo, Atli.
Nikolaj, Rikki T.

Ég ætla að tippa á að Blikar stilli liðinu upp svona:

Gulli
Viktor, Damir, Elfar, Hendrickx.
Kolbeinn, Alexander.
Arnar, Guðjón, Höskuldur.
Thomas.

Byrjunarliðin eru klár hér til hliðar.

Þau má einnig sjá hér.

Blikar gera tvær breytingar frá leiknum gegn HK og Víkingur gerir eina breytingu frá leiknum gegn FH.

Liðin eru komin út að hita!

Metallica ómar í græjunum og skýin eru að loka á sólina, það kólnar hrikalega hratt þegar sólin fer!

Það er sól og blíða hérna, ég hvet fólk endilega til að fjölmenna á völlinn!

Í síðustu umferð voru flestir áhorfendur hérna á þessum velli á leik Fylkis og ÍA, ég vona að það verði önnur geggjuð mæting í kvöld enda skín sólin í stúkuna og tvö skemmtileg fótboltalið að mætast.

Ég ætla að tippa á að við fáum skemmtilegan leik hér í Lautinni í kvöld, en Blikarnir eru með ansi skemmtilegt lið og gerðu vel í að sækja Arnar Svein, Gauja Lýðs og Höskuld korter í mót.

Víkingar eru með unga og spræka stráka í bland við reynslubolta eins og Sölva Geir sem gerir skemmtilega blöndu og gott jafnvægi af leikmönnum sem stjórna umferðinni og svo gröðum strákum sem eru komnir til að sanna sig. Þeir munu eflaust pressa hátt og reyna að koma Blikum í vandræði og ég sé fram á nokkur mörk í þessum leik.

Þetta er þriðja umferð Pepsi Max-deildarinnar og hefur deildin komið heldur betur á óvart hingað til.

Blikum var spáð mjög góðu gengi og byrjuðu á að vinna Grindvíkinga áður en að þeir fóru svo í hinn hluta Kópavogs og rændu stigi gegn HK um hábjartan dag!

Víkingum var aftur á móti spáð miklu veseni en þeir hafa bókstaflega verið rændir fjórum stigum gegn Val og FH sem verður að teljast ansi pirrandi fyrir Víkinga en það ert bjart í Víkinni ef þessi spilamennska þeirra er það sem koma skal, sigrarnir hljóta að fara að falla með þeim!

Góða kvöldið gott fólk og verið velkomin í Lautina! - tímabundinn ''heimavöll'' Blika.