Þá flautar Einar Ingi til leiksloka hér á Kópavogsvelli. Blikar skella sér í toppsætið eftir að hafa gjörsamlega burstað FH.

Þremur mínútum bætt við.

VEL VARIÐ VIGNIR!!!!

Höskuldur með fasta fyrirgjöf beint á kollin á Viktori Karli en Vignir með stórkostlega markvörslu.

Þórir Jóhann hér með kraftlítið skot sem að Gulli á ekki í neinum vandræðum með.

FH-ingar fá hér aukaspyrnu við vítateigslínuna. Ná þeir að klóra í bakkann?

Höskuldur hér með skemmtilega sendingu ætlaða Thomasi en Vignir er fljótur útúr markinu og handsamar knöttinn.

Björn Daníel reynir hér skot lengst utan af velli en það fer hátt yfir.

Blikar gjörsamlega búnir að taka öll völd á vellinum með þessu áframhaldi eiga þeir bara eftir að bæta við.

Vignir hér með arfaslaka hreinsun sem að Andri Rafn kemst inní en varnarmenn FH eru á tánum og ná að bægja hættuni frá. Stuttu síðar nær Aron Bjarna góðu skoti með hægri en það fer framhjá markinu.

45 mínútur komnar á klukkuna og Einar Ingi flautar til hálfleiks í þessum tíðindalitla leik.

Thomas Mikkelsen fær hér boltann inná teignum frá Kolbeini og sér ekkert nema markið. Skot hans er hins vegar langt framhjá.

Nú er það Jónatan Ingi sem að er sloppinn í gegn en Gulli er vel á verði og ver skot hans.

Brynjar Ásgeir reynir hér skot eftir góðan undirbúning Jónatans en það er beint á Gulla í markinu.

Björn Daníel með frábæra sendingu innfyrir á Jákup sem að skýtur framhjá markinu.

Aron Bjarnason köttar hér inn og á fast skot en Guðmann nær að planta sér fyrir og skalla boltann afturfyrir. Ekkert verður svo úr hornspyrnunni.

Guðjón Pétur tekur spyrnuna en hún fer í vegginn og yfir markið.

Kolbeinn Þórðarson fær hér aukaspyrnu á hættulegum stað eftir að Brynjar Ásgeir brýtur á honum.

Björn tekur spyrnuna sjálfur og neglir boltanum beint í vegginn.

FH fær aukaspyrnu á hættulegum stað eftir að brotið er á Birni Daníel. Hann stendur sjálfur ásamt Brandi yfir boltanum.

Thomas Mikkelsen með fína tilraun en Vignir er vel á verði í markinu og handsamar knöttinn.

Davíð Þór Viðarsson er hér allt í einu sloppinn í gegn en virðist ekki alveg vita hvað hann eigi að gera og sendir hann fyrir. Þar er Kolbeinn Þórðarson sem að kemur boltanum frá.

Arnar Sveinn með langt innkast sem að endar með skoti frá Damir en það fer vel framhjá markinu.

Guðmann skallar hornspyrnuna frá og fellur í teignum og fær aukaspyrnu.

Johnathan Hnedrickx með fínt skot sem að Vignir ver. Blikar eiga hornspyrnu.

Thomas Mikkelsen með skot af vítateigshorninu en það fer beint á Vigni í markinu.

Brandur með góða sendingu inná Jákup í teignum en Viktor Örn nær að tækla fyrir skot hans.

Lítið í gangi fyrstu mínúturnar. FH búið að vera meira með boltann.

Jónatan reynir skot í kjölfar hornspyrnunar en Viktor kemst fyrir það.

FH-ingar fá hornspyrnu sem að Brandur ætlar að taka.

Þá er leikurinn hafinn. FH byrjar með boltann og sækja í átt að Fífunni.

Sjöunda umferðin hófst í gær með leik Grindavíkur og Víkings og endaði hann með markalausu jafntefli. Núna klukkan 16:00 hófust svo tveir leikir, ÍBV-ÍA og KR-KA. Þessi leikur hefst klukkan 17:00 og svo lýkur henni klukkan 19:15 með tveimur leikjum, HK-Fylkir og stórleikur Stjörnunnar og Vals. Það er því alvöru umferð hér rétt fyrir landsleikjahlé.

Þá eru byrjunarliðin klár.

Blikar gera fjórar breytingar frá síðasta leik þeirra gegn HK í bikarnum. Þeir Guðmundur Böðvar, Höskuldur Gunnlaugsson, Byrnjólfur Darri og Kwame Quee koma út og inn koma Elfar Freyr, Aron Bjarnason, Thomas Mikkelsen og Andri Rafn Yeoman.

FH-ingar gera tvær breytingar eftir sigurinn gegn Skagamönnum í bikarnum. Þeir Guðmann Þórisson og Cédric D'Ulivo koma inn í stað þeirra Péturs Viðarssonar og Hjartar Loga Valgarðssonar sem að eru hvorugir í hóp í dag.

Bæði lið unnu góða sigra í 16-liða úrslitum Mjólkurbikarsins í vikunnu. Breiðablik tók á móti grönnum sínum í HK og endaði sá leikur 3-1 fyrir Blikum. Kwame Quee, Guðjón Pétur Lýðsson og Höskuldur Gunnlaugsson skoruðu mörkin.

Þá tóks FH-ingum að stöðva Skagalestina með 2-1 sigri í Kaplakrika þar sem að Steven Lennon og Jákup Thomsen skoruðu mörkin. Þetta var fyrsta tap Skagamanna í sumar.

Breiðablik heimsóttu Íslandsmeistara Vals í síðustu umferð og lauk þeim leik með 1-0 sigri Blika. Andri Rafn Yeoman skoraði markið.

FH-ingar heimsóttu Fylkismenn í Árbæjinn og lauk þeim leik með 2-2 jafntefli. Hjörtur Logi Valgarðsson og Brandur Olsen sáu um að skora mörk Hafnfirðinga.

Heimamenn í Breiðablik sitja í öðru sæti deildarinnar með 13 stig á meðan að FH-ingar sitja í því fjórða með 11 stig. Hér er því um að ræða alvöru sex stiga leik.

Komiði sæl og blessuð og veriði hjartanlega velkomin í þessa beinu textalýsingu á leik Breiðabliks og FH í 7.umferð Pepsi Max-deildar karla.