SKÝRSLAN: Á einu augabragði er orðið bjart yfir Kaplakrika
Hvað réði úrslitum?
Þó KR-ingar hafi verið meira með boltann þá var mikið bit í sóknaraðgerðum FH. Brandur var í banastuði á meðan lykilmenn KR náðu ekki að stíga upp.
Bestu leikmenn
1. Brandur Olsen - FH
Skorar mark, á stoðsendingu og krækir í vítaspyrnu. Brandur var aðalgæinn í kvöld.
2. Guðmundur Kristjánsson - FH
Frábær í vörn FH. Eins og svo oft áður.
Atvikið
Fyrsta mark leiksins kemur eftir vítaspyrnu sem Brandur Olsen nær að krækja í. Arnþór Ingi var dæmdur brotlegur. Í besta falli rosalega ódýr vítaspyrna... að mínu viti rangur dómur.
Hvað þýða úrslitin?
KR-ingar geta lagt alla einbeitingu á að landa Íslandsmeistaratitlinum. FH-ingar eru mættir í sjálfan bikarúrslitaleikinn. Það var mjög neikvæð umræða í kringum Fimleikafélagið fyrir nokkrum vikum en það er fljótt að breytast. Liðið hefur verið að sýna flottan karakter og ná góðum úrslitum og stuðningsmennirnir dansa með.
Vondur dagur
Pálmi Rafn Pálmason var mjög langt frá sínu besta í kvöld. Þessi frábæri leikmaður var ekki eini lykilmaðurinn sem ekki náði sér á strik, maður bjóst við meiru frá Óskari Erni og fleirum.
Dómarinn - 4,5
Helgi var lengi að ná tökum á leiknum og ég er algjörlega ósammála þessum vítaspyrnudómi hjá honum. Dómaratríóið hefur náð að halda vel heppnaðan krísufund í hálfleik því dómgæslan var mun betri eftir hlé.