SKÝRSLAN: Léku sér að Armenum á heimavelli hamingjunnar
Hvað réði úrslitum?
Ísland stjórnaði leiknum algjörlega og sýndi mikla yfirburði. Fyrir utan smá kæruleysi í upphafi seinni hálfleiksins var frammistaða íslenska liðsins meiriháttar góð. Strákarnir okkar skemmtu áhorfendum í kvöld.
Bestu leikmenn
1. Willum Þór Willumsson
Án nokkurs vafa besti leikmaður Íslands í þessum tveimur leikjum. Er orðinn enn sterkari líkamlega og býr yfir gríðarlega miklum gæðum. Hlýtur að hafa færst ofar á blað hjá Hamren.
2. Ísak Óli Ólafsson
Virkilega flottur í vörn Íslands og splæsti auk þess í mark og stoðsendingu.
Atvikið
German Kurbashyan, leikmaður Armeníu, fékk sitt annað gula spjald og þar með rautt á 71. mínútu. Strax í kjölfarið skoraði Ísland tvívegis. Þetta fór algjörlega með leikinn.
Hvað þýða úrslitin?
Ísland kláraði skyldusigrana tvo í þessum glugga af miklu öryggi. Í báðum leikjum komu menn ákveðnir og flottir af bekknum og ljóst að íslenska liðið er með jafnan og fínan hóp. En þau verkefni sem bíða í riðlinum eru af allt öðrum toga en Lúxemborg og Armenía.
Vondur dagur
Vondur dagur? Nei. Þetta var svo sannarlega ekki vondur dagur á heimavelli hamingjunnar.
Dómarinn - 10
Króatíska dómaratríóið var með allt á hreinu.