Þessu er lokið í Elbasan. 4-2 svekkjandi tap gegn Albaníu. Íslenska liðið kom til baka tvisvar en það dugði ekki.

Skýrsla og viðtöl eru á leiðinni!

GYLFIIIII!! Dansar með boltann fyrir utan teiginn, reynir skotið en boltinn fer rétt framhjá markinu. Hefði verið notalegt að fá mark þarna.

Kominn pirringur í menn. Rúnar Már með tæklingu af gamla skólanum.

Sex mínútum bætt við venjulegan leiktíma.

Gylfi reynir skot fyrir utan teig en þessi bolti fer hátt yfir markið. Maður sér svekkelsið í augunum á leikmönnum.

Þessi leikur er að fjara út. Kári Árna virkar eitthvað tæpur og þarf aðhlynningu.

Tyrkland er að vinna Moldóva 3-0 á meðan Frakkar eru að leggja Andorra að velli, 2-0.

Íslenska liðið þarf að svara þessu. Liðið hefur gert það hingað til og nægur tími. Fáum við einhverjar sprengjur í lokin?

Heimamenn að sækjast eftir því að fá vítaspyrnu eftir þessa hornspyrnu. Kári kemur boltanum frá og gat ekki betur séð en að þetta hafi verið löglegt þegar hann hreinsaði frá. Cikalleshi sem féll í teignum.

Albanir fá aðra hornspyrnu. Vörn Ísland afar þétt og fjölmenn.

Memushaj skýtur í varnarvegginn og Albanir fá hornspyrnu.

Ari Freyr brýtur af sér rétt fyrir utan teig. Albanir fá aukaspyrnu á STÓRhættulegum stað.

JÓN DAÐI!!! Kolbeinn fær boltann hægra megin, flengir boltanum á nærstöngina en Jón Daði þrumar knettinum yfir markið!

Aron Einar að kveinka sér. Ekki góð tíðindi. Vonandi að hann harki þetta af sér, eins og flest annað.

Íslendingar að skapa sér hættulegar stöður. Vantar bara upp á síðustu sendinguna.

Hætta í markteig Albaníu, en Jón Daði nær ekki nægilega góðri snertingu og missir boltann. Þarna hefði getað skapast hættulegt færi.

Ísland að sækja stíft að marki Albaníu. Boltinn dansaði þarna í markteig Albaníu, en fór að lokum yfir markið. Það liggur eitthvað í loftinu.

What a turn, what a finish, 30 seconds on the pitch. Get in there Kolli

— Lucas Arnold (@FotboltiLucas) September 10, 2019

Jón Daði með skalla fram hjá markinu eftir fyrirgjöf Ara.

K O L B E I N N #gæði #fotboltinet

— Jakob Leó Bjarnason (@jakoblb17) September 10, 2019

Hysaj upp um sig buxurnar takk.

— Rikki G (@RikkiGje) September 10, 2019

Albanía með gott tækifæri til að bæta við þriðja markinu. Varnarmenn okkar koma til bjargar.

Strákarnir okkar byrja seinni hálfleikinn vel. Virðast hungraðari í þetta en í fyrri hálfleiknum. Góðs viti.

Þaddna!! G.Sig!!!#Fotboltinet

— Matti Matt (@mattimatt) September 10, 2019

Byrjað aftur. Engar breytingar

Í riðlinum okkar eru tveir aðrir leikir í gangi. Frakkland er að vinna Andorra 1-0 og er Tyrkland sömuleiðis að vinna Moldóvu 1-0. Við erum að missa Frakka og Tyrki fram úr okkur eins og staðan er núna.

Dapur fyrri hálfleikur heilt yfir hjá okkar mönnum. Eru nokkuð frá sínu besta og eru sanngjarnt 1-0 undir. Spurning hvort Hamren og Freysi breyti einhverju fyrir seinni hálfleikinn. Mögulega fáum við að sjá skiptingu hjá Íslandi. Við þurfum að snúa þessu við í seinni hálfleiknum.

+1 í uppbótartíma.

Byrjað að rigna. Hitaskúrir.

Stórkostlega gert hjá Gylfa að koma sér í skotfæri stuttu fyrir utan teig. Hann leikur á varnarmann Albaníu og á skot sem er rétt fram hjá markinu. Gylfi sá eini í íslenska liðinu sem hefur verið að ógna marki Albaníu.

Lítið að frétta hjá Íslendingum eftir markið. Albanía verið sterkari síðustu mínúturnar, eins og mestallan fyrri hálfleikinn.

Aron tekur langt innkast. Það væri gott að ná jöfnunarmarki fyrir leikhlé. Boltinn endar í lúkunum á markverði Albaníu...

Hlaut að koma að þessu. Hvar er landsliðið okkar? Við erum ekkert búinn að sína okkar bestu hliðar.... Koma svooo strákar!!! #fotboltinet

— Friðgeir Bergsteinss (@fridgeirb85) September 10, 2019

Þetta mark hefur gefið Albönum byr undir báða vængi. Fín sókn hjá þeim og eiga þeir skot sem fer fram hjá markinu.

Hysaj, fyrirliði Albaníu, í hættulegri stöðu en er dæmdur rangstæður.

Hættulegt færi hjá Albaníu! Hysaj, sem er utarlega hægra megin í teignum, leggur boltann út á Keidi Bare. Skot hans er hins vegar ekki gott.

Langur bolti yfir á hægri kantinn þar sem Hysaj skallar hann niður. Emil á undan leikmanni Albana í boltann, sem betur fer.

Í stúkunni heyrist ,,áfram Ísland" sem er vel gert miðað við að það eru ekki margir Íslendingar hérna.

Gott spil hjá Íslandi og boltinn endar hjá Ara Frey. Hann lætur auðvitað vaða nokkrum metrum fyrir utan teig. Á endanum frekar einfaldur bolti fyrir Strakosha.

Watching Iceland Over England 🤭

— Gaz Martin (@G9bov) September 10, 2019

Langt innkast frá Aroni. Kári nær skallanum, en boltinn endar hjá markverði Albaníu.

Okei, þetta var besta færi Íslands! Rúnar Már kemur boltanum upp hægri kantinn á Jón Daða. Selfyssingurinn hleypur upp og á frábæra sendingu fyrir markið. Þar er Gylfi, en skot hans er fram hjá markinu. Þetta var dauðafæri!

Ísland aðeins að komast meira inn í leikinn. Jákvætt!

Besta tilraun Íslands! Gylfi með mjög góða tilraun fyrir utan teig. Skotið rétt fram hjá markinu. Þessi hefði mátt detta!

Think the team lacks some width when set up like this sometimes, Rúnar Már and Birkir both naturally drift to central areas and they've not had enough of the ball for the full-backs to overlap. Emil looking understandably rusty #fotboltinet

— Lucas Arnold (@FotboltiLucas) September 10, 2019

Ray Manaj er hættulegasti leikmaður Albana. Hann fær boltann, snýr Kára af sér, en Kári nær á endanum að stöðva hann. Ekkert verður úr hornspyrnunni sem Albanía fær. Þrumur og eldingar hér í Albaníu.

Ísland fær aukaspyrnu á vinstri kantinum. Gylfi tekur. Há spyrna sem fer yfir allan pakkann og út fyrir endamörk...

Ekki sérstakar 15 mínútur hjá Íslandi. Albanir verið sterkari.

Memushaj fer þarna full auðveldlega í gegnum leikmenn Íslands og uppsker aukaspyrnu á hættulegum stað. Rey Manaj tekur spyrnuna og hún fer beint í vegginn. Frákastið fer líka í vegginn, en í kjölfarið fær Albanía besta færi leiksins hingað til. Manaj á skot úr þröngu færi sem fer í utanverða stöngina

Hvenær spiluðum við síðast í bláum treyjum og hvítum buxum? Everton fílingur í þessu.

— Kolbeinn Tumi (@kolbeinntumi) September 10, 2019

Löngu innköst Arons ekki að virka hingað til. Þrjú innköst og í öll skiptin hafa Albanir verið fyrstir í boltann.

Albanir eru að byrja þetta aðeins betur en við. Ekkert gott færi, enn sem komið er.

Örlítil hætta þarna. Memushaj tekur aukaspyrnu sem ratar á kollinn á Manaj. Engin gríðarleg vandræði fyrir Hannes. Albanir komast stuttu eftir það í sókn, en aftur frekar einfalt fyrir Hannes að eiga við.

Byrjum þennan leik á því að fá langt innkast. Aron tekur það auðvitað, en Albanir bægja hættunni frá.

Flautað til leiks í Elbasan!

Þjóðsöngvarnir búnir. Get staðfest að þetta var hárréttur íslenskur þjóðsöngur.

Liðin ganga út á völlinn. Ísland leikur í dag í hvítum buxum og hvítum sokkum.

Það er ekki hægt að segja að það sé þéttsetið á þessum rúmlega 12 þúsund manna velli. Fullt af auðum sætum.

Bekim Balaj er markahæstur í landsliðshópi Albana. Hann byrjar á bekknum í dag. Hann á sex landsliðsmörk í 34 landsleikjum.

Hef lúmska trú á því að @RunarSigurjons skori í kvöld #fotboltinet

— magnus bodvarsson (@zicknut) September 10, 2019

Það eru tæpar 40 mínútur í leik. Bæði lið komin út á völl að hita upp. Gríðarlega mikilvægur leikur framundan.

Albanarnir eru í stuði hér fyrir leik, vallarþulurinn þá sérstaklega. Hann er búinn að vera að æfa sig síðustu mínúturnar, hann ætlar að vera með allt á hreinu í kvöld.

Albanir lentu í því um helgina að vitlaus þjóðsöngur var spilaður fyrir leik liðsins gegn Frakklandi. Þjóðsöngur Andorra var spilaður, en Frakkar báðu síðan Armeni afsökunar. Allt saman hið furðulegasta.

Menn voru því stressaðir hér áðan hvort þjóðsöngurinn sem yrði spilaður fyrir leik væri ekki örugglega réttur þjóðsöngur Íslands. Siggi Dúlla, búningastjóri landsliðsins, var fenginn til að staðfesta það.

Vitlaust lið í leikskránni eins og sjá má hér að neðan. Hvaða hópur er þetta eiginlega, veit það einhver?

Íslenski hópurinn í leikskrá albana fyrir leikinn. Eitt stig fyrir hvert rétt nafn á myndinni. #fotboltinet pic.twitter.com/R1onzR3WZr

— Hafliði Breiðfjörð (@haflidib) September 10, 2019

Byrjunarliðin hafa skilað sér. Erik Hamren og Freysi gera tvær breytingar. Rúnar Már og Emil inn fyrir Kolbein og Arnór Ingva. Leikkerfið 4-5-1.

Albanir gera sex breytingar frá tapinu gegn Frakklandi í síðasta leik, já sex breytingar!

Ermir Lenjani og Kastriot Dermaku koma inn í vörnina fyrir þá Mergim Mavraj og Odise Roshi. Klaus Gjasula kemur þá inn á miðjuna fyrir Amir Abrashi og þá er sóknarlínunni gjörsamlega breytt. Ledian Memushaj, Sokol Cikalleshi og Rey Manaj koma allir inn í liðið en Bekim Balaj, Myrto Uzuni og Ylber Ramadani koma úr liðinu. Liðið mun spila 4-3-3.

Vil óska Ragnari Sigurðssyni með 90. A-landsleikinn. Hann er í byrjunarliðinu í kvöld og verður þar með næst leikjahæsti landsliðsmaður Íslandssögunnar. Birkir Már Sævarsson á einnig 90 landsleiki, en Rúnar Kristinsson er leikjahæstur með 104 leiki.

Fallegt kvöld í Elbasan #fotboltinet pic.twitter.com/jBULGFznT8

— Guðmundur Aðalsteinn Ásgeirsson (@gummi_aa) September 10, 2019

Það verður spennandi að sjá byrjunarlið Íslands og hvort einhverjar breytingar verði á því frá leiknum gegn Moldóvu um liðna helgi. Það má gera ráð fyrir 1-2 breytingum.

Ég hvet alla til að taka þátt í umræðunni á Twitter með kassamerkinu #fotboltinet

Þetta er í sjöunda skipti sem Ísland og Albanía eigast við í A-landsliðum karla. Ísland hefur unnið fjóra leiki og Albanía tvo. Ísland hefur unnið þrjá síðustu leiki liðanna.

Haukur nefnir niðurlæginguna á Stade de France. Albanir töpuðu þar 4-1 gegn Frakklandi - langt frá því að vera niðurlæging. Það sem var niðurlæging var það sem gerðist fyrir leik. Frakkar spiluðu þjóðsöng Andorra og báðu svo Armeníu afsökunar. Það fór gríðarlega í taugarnar á Albönum.

Haukur Harðarson, íþróttafréttamaður á RÚV:
Albanía er mjög öflugt lið, þetta er allt annað en Moldóva. Fyrir utan það að þeir eru 110 sætum, eða hvað það er, fyrir ofan Moldóvu á heimslistanum, þá er enginn að spila í albönsku deildinni, en hjá Moldóvu var meira en helmingurinn af leikmannahópnum í deildinni í Moldóvu. Þeir eru með sex leikmenn úr Serie A, þeir eru grimmir og baráttuglaðir. Þeir eru mjög særðir bæði eftir tapið í Laugardal og eftir niðurlægingu á Stade de France.

Dómarinn í dag heitir Ivan Kruzliak og er frá Slóvakíu. Hann hefur meðal annars dæmt leiki í Evrópudeildinni og Meistaradeildinni.

Erik Hamren, landsliðsþjálfari:
Þú veist aldrei fyrir leik hvaða úrslit þú verður ánægður með. Stundum ertu sáttur með eitt stig, stundum ertu svekktur með eitt stig. Við ætlum okkur að ná í þrjú stig í þessum leik. Við verðum að sýna Albaníu virðingu, þeir eru með sterkt lið. Við þurfum á góðri frammistöðu að halda.

Hjörtur Hermannsson:
Þetta er gott lið sem við erum að fara að mæta. Það er fínt að vera búnir að mæta þeim á heimavelli, en þetta verður annar leikur. Ég er spenntur fyrir því sem koma skal. Við erum í þannig stöðu að við verðum að sækja öll þau stig sem við getum fengið og við erum komnir hingað til að gera það.

Jón Daði Böðvarsson:
Þeir eru sterkir á heimavelli og þeir nokkuð öflugir á móti okkur á Laugardalsvelli. Þetta verður öðruvísi leikur en gegn Moldóvu og ræðst örugglega á einhverjum smáatriðum. Við gerum okkar besta til að það verði okkur í vil.

Arnór Ingvi Traustason:
Albanir eru aðeins sterkari en Moldóva tel ég. Við höfum mætt þeim áður og vitum við hverju á að búast. Þetta verða návígi og þeir eru harðir fyrir. Við þurfum að vera ofan á í þeirri baráttu.

Ísland og Albanía mættust í júní síðastliðnum á Laugardalsvelli. Sá leikur var frekar erfiður fyrir okkar menn, en þeir náðu að landa 1-0 sigri. Markið skoraði Jóhann Berg Guðmundsson, en hann er ekki með í dag vegna meiðsla.

Ísland kemur inn í þennan leik með góðan 3-0 sigur gegn Moldóvu á bakinu. Sá leikur fór fram síðastliðinn laugardag. Þar skoruðu Kolbeinn Sigþórsson, Jón Daði Böðvarsson og Birkir Bjarnason mörk Íslands.

Leikurinn átti upphaflega að fara fram á nýjum og glæsilegum þjóðarleikvangi Albaníu í Tirana, en hann var ekki klár í tæka tíð. Því fer leikurinn fram hérna í Elbasan, sem er þriðja stærsta borg Albaníu. Elbasan er í um 40 mínútna fjarlægð frá höfuðborginni Tirana.

Þess má geta að landsliðið er á hóteli sem er við nýjan þjóðarleikvang Albaníu og því hefði liðið líklegast getað gengið yfir á völlinn, ef leikurinn hefði farið fram þar.

Íslenska liðið kom til Albaníu á sunnudag. Liðið flaug ásamt fjölmiðlamönnum, formönnum félaganna í Pepsi Max-deildinni, stjórnarmönnum og nokkrum stuðningsmönnum. Alveg frábært flug. Liðið æfði svo á keppnisvellinum í gær. Hægt er að fræðast meira um keppnisvöllinn í Elbasan hérna.

Þetta er mjög mikilvægur leikur og mikilvægt að taka þrjú stig hérna. Ef Ísland vinnur hér, fer liðið upp í 15 stig úr sex leikjum. Þá verður munurinn níu stig á Íslandi og Albaníu. Staðan fyrir leiki dagsins er svona:

1. Frakkland - 12 stig, 12+ í markatölu
2. Tyrkland - 12 stig, 8+ í markatölu
3. Ísland - 12 stig, 3+ í markatölu
4. Albanía - 6 stig, -1 í markatölu
5. Moldóva - 3 stig, -11 í markatölu
6. Andorra - 0 stig, -11 í markatölu

Góða kvöldið!

Hér verður bein textalýsing frá leik Albaníu og Íslands í undankeppni EM alls staðar 2020. Endilega fylgist með!

Matchday!

We play Albania today in the @UEFAEURO qualifiers at Elbasan Arena!#fyririsland pic.twitter.com/MzNZ9g72oh

— Knattspyrnusambandið (@footballiceland) September 10, 2019