Harrington flautar leikinn af. Lokatölur 3-0. Það er von á viðtölum síðar í kvöld.

+2 í uppbótartíma.

Ísak Óli með skalla fram hjá markinu eftir hornspyrnu. Ágætis tilraun.

Þessi leikur er að fjara út, þægilegur sigur Englands.

Stefán Árni fór inn á miðjuna og Bjarki í hægri bakvörð. Guðmundur Andri er núna fremstur og Ágúst á vinstri kanti.

Á hinum enda vallarins á Ísland skottilraun. Ágúst Eðvald með skot á lofti, en boltinn fer fram hjá markinu.

Ísland ekkert náð að ógna enska markinu í seinni hálfleiknum ef aukaspyrna Brynjólfs er ekki talin með. Heimamenn verið mun sterkari í síðari hálfleik.

Hjá Íslandi er Valdimar fremsti maður, Guðmundur Andri á vinstri kanti og Jónatan á hægri. Viktor Örlygur er djúpur á miðju og fyrir framan hann á miðjunni eru Ágúst og Þórir. Ísak kom inn í hjarta varnarinnar. Torfi er orðinn fyrirliði eftir að Alex fór út af.

Jack Clarke með hættulegan sprett frá vinstri og setur lágan bolta inn í teiginn. Elías gerir vel og nær að koma hendi á boltann. Í kjölfarið er dæmd rangstaða á England.

Tavernier á skot í teignum eftir hornspyrnu. Boltinn yfir markið.

Á meðan ég var að skrá allar breytingarnar inn í kerfið, þá áttu Englendingar skot í stöng. Verð að viðurkenna að ég sá ekki alveg hver það var.

Ísland er að undirbúa sexfalda breytingu.

Angel Gomes fer vel með boltann og reynir skot fyrir utan teig. Skotið fer hátt yfir markið. Nokkrum sekúndum reynir Loader skot fyrir utan teig og niðustaðan svipuð.

Ísland byrjar seinni hálfleikinn á að fá aukaspyrnu á hættulegum stað. Brotið á Brynjólfi. Hann tekur aukaspyrnuna sjálfur og hún er vægast sagt slök. Langt fram hjá markinu.

Fáum við mörk í seinni hálfleikinn?

Liðin komin aftur út á völl. Þetta fer að hefjast aftur.

Eftir eina mínútu í viðbótartíma fyrri hálfleiks, þá flautar dómari leiksins til leikhlés. Staðan enn markalaus. Ísland fékk fínt færi undir lok fyrri hálfleiks, en Crellin náði að verja. Íslensku strákarnir hafa verið að sækja í sig veðrið sóknarlega síðustu mínúturnar og fengu besta færi leiksins heilt yfir þegar Kolbeinn Þórðarson var nálægt því að komast fram hjá markverði Englands. Varnarlega hefur þetta verið mjög gott og England skapað sér lítið fram á við. Heyrumst eftir stundarfjórðung eða svo.

Þau tíðindi voru að berast í fjölmiðlaboxið að Mauricio Pochettino væri búinn að yfirgefa Tottenham. ,,Wenger in," sagði einn breski fjölmiðlamaðurinn og uppskar hlátur.

Þarna mátti LITLU MUNA! Valdimar er sloppinn í gegn eftir sendingu og ætlar sér að fara fram hjá Crellin, en það gekk ekki alveg upp. Crellin kemur hendi í boltann og nær að bjarga sínum mönnum. Besta færi Íslands og leiksins til þessa.

Billy Crellin, markvörður Englands, leikur á Brynjólf og fær lófaklapp úr stúkunni.

Englendingar ógna. Boltinn fellur fyrir Tavernir fyrir utan teig, hann reynir skotið en íslenskur varnarmaður kemur sér fyrir það.

Hættuleg aukaspyrna hjá Tavernier hægra meginn við teiginn. Elías missir af boltanum, en sem betur fer þá fer boltinn aftur fyrir endamörk.

Klobbi! Kolbeinn Þórðarson var að klobba Latibaudiere, fyrirliða Englands og leikmann sem er á mála hjá Manchester City. Latibaudiere leist ekki á blikuna á braut á Kolbeini á vinstri kantinum. Aukaspyrnan hjá Íslandi í kjölfarið er mjög klaufaleg. Í staðinn fyrir að setja boltann inn á teiginn, tekur Kolbein hana stutt á Valdimar sem er dæmdur rangstæður.

Gomes fer illa með nokkra varnarmenn Íslands upp við endalínuna, en Torfi tæklar boltann í horn. Stuttu síðar á miðvörðurinn Lewis Gibson skot sem fer fram hjá markinu.

Luke Bolton með fyrirgjöf, en Danny Loader skallar fram hjá markinu. Ekki mikil hætta þarna.

England að ógna hættulegri skyndisókn. Davíð Ingvarsson, leikmaður Breiðabliks, les hins vegar Angel Gomes, leikmann Manchester United, og kemst inn í sendingu hans.

Þetta hefði verið klaufalegt sjálfsmark... Misskilingur á milli Torfa og Elíasar. Torfi ætlaði að skalla til baka á Elías, en það er of mikill kraftur í skallanum og hann fer næstum yfir Elías. Sem betur fer náði Elías að koma hendi í boltann og bjarga. Hættulegasta færið hingað til og Íslendingar bjuggu það til fyrir England.

Kolbeinn Birgir kominn í álitlega stöðu á hægri vængum og ætlaði að væntanlega að gefa fyrir, en þá flautar dómarinn brot á Brynjólf í teignum. Brynjólfur er í hörkubaráttu við nautsterka varnarmenn Englands.

Englendingar haldið boltanum svona 80% plús til þessa. Lítið sem ekkert að frétta sóknarlega samt.

Daníel og Torfi lenda saman. Torfi fær höfuðhögg og liggur eftir. Torfi fer út af með sjúkraþjálfurunum og kemur svo aftur inn á.

Þjóðsögnvarnir að baki og þetta er farið af stað! Englendingar byrjuðu með boltann.

Það er tæpur hálftími í leikinn. Akkúrat núna eru bæði lið út á velli að hita upp. Arnar Viðars klappar fyrir sínum byrjunarliðsmönnum sem hafa verið í sendingaæfingum undanfarnar mínútur.

Fréttaritari @Fotboltinet í Englandi heilsar frá Wycombe. Framundan er leikur Englands og Íslands í U20 #fotboltinet

Bein textalýsing: https://t.co/CNGLCkVXSy pic.twitter.com/sqoABOsKv7

— Gudmundur Asgeirsson (@gummi_aa) November 19, 2019

Dómarinn í dag heitir Tony Harrington og er enskur. Hann hefur verið að dæma í Championship-deildinni á leiktíðinni.

Matty Longstaff, sem skoraði sigurmark Newcastle gegn Manchester United á dögunum, er í byrjunarliði Englands. Gaman verður að fylgjast með hans frammistöðu á miðsvæðinu.

Byrjunarlið U20 ára landsliðs karla sem mætir Englandi í kvöld.

Leikurinn hefst kl. 19:00 og fer fram á Adams Park í High Wycombe.

Hægt verður að fylgjast með gangi leiksins á miðlum KSÍ.#fyririsland pic.twitter.com/ey04F4MfvJ

— Knattspyrnusambandið (@footballiceland) November 19, 2019

Byrjunarliðin hafa skilað sér. Brandon Williams, bakvörður Manchester United, er ekki með í dag og er Emile Smith-Rowe á bekknum. Hjá Íslandi halda aðeins þrír leikmenn byrjunarliðssætinu frá tapinu gegn Ítalíu. Það eru Finnur Tómas Pálmason, Alex Þór Hauksson og Kolbeinn Birgir Finnsson. Alex Þór er fyrirliði í dag.

Enska U20 landsliðið spilaði við Portúgal síðasta fimmtudag og vann þar 4-0 sigur. Mörkin skoraði Tyrese Campbell (Stoke) tvennu, og Ian Poveda (Manchester City) og Emile Smith-Rowe (Arsenal) skoruðu líka.

Enska liðið Þetta er öflugt enskt lið sem okkar menn eru að mæta í dag. Í hópnum má meðal annars finna Brandon Williams, sem hefur verið að koma sterkur inn í aðallið Manchester United. Hann er vinstri bakvörður. Angel Gomes, liðsfélagi hans hjá Manchester United, er einnig í hópnum. Matty Longstaff, sem skoraði sigurmark Newcastle, gegn Manchester United um daginn er í hópnum og þar má líka finna Emile Smith-Rowe, leikmann Arsenal. Þetta eru alls engir aukvissar sem íslensku strákarnir mæta í dag.

Íslenska U21 landsliðið er í þriðja sæti í sínum riðli í undankeppni EM 2021 eftir tapið gegn Ítalíu. Ísland hefur unnið þrjá leiki og tapað tveimur leikjum til þessa.

Arnar Viðarsson og Eiður Smári Guðjohnsen, þjálfarar liðsins, munu væntanlega nota þennan leik til að skoða einhverja leikmenn.

Breytingar á hópnum Íslenska U21 landsliðið tapaði 3-0 gegn Ítalíu síðastliðinn laugardag. Frá þeim leik eru nokkrar breytingar á hópnum. Alfons Sampsted, Jón Dagur Þorsteinsson, Júlíus Magnússon, Ari Leifsson, Willum Þór Willumsson, Hörður Ingi Gunnarsson, Stefán Teitur Þórðarson, Sveinn Aron Guðjohnsen og Birkir Valur Jónsson detta út. Þessir leikmenn eru 21 árs eða verða 21 árs á árinu og eru því ekki með í dag. Inn í þeirra stað voru kallaðir upp: Guðmundur Andri Tryggvason (Víkingur R.), Ísak Óli Ólafsson (SönderjyskE), Hjalti Sigurðsson (KR), Þórir Jóhann Helgason (FH), Ágúst Eðvald Hlynsson (Víkingur R.), Bjarki Steinn Bjarkason (ÍA), Davíð Ingvarsson (Breiðablik), Stefán Árni Geirsson (KR), Viktor Örlygur Andrason (Víkingur R.)

Komiði sæl! Hér verður bein textalýsing frá vináttulandsleik Englands og Íslands í U20 aldursflokki. Leikurinn mun fara fram á Adams Park, heimavelli Wycombe Wanderers.