Keflvíkingar geta gengið stoltir frá borði en Blikar eru sigurvegararnir.

+3

728 áhorfendur á Kópavogsvelli í kvöld.

+2

Stefnir allt í að Blikar verði í pottinum annað kvöld.

5 mínútur í uppbót. Að minnsta kosti.

Ásmundur Arnarsson þjálfari Fjölnis er að sjálfsögðu að horfa í stúkunni. Breiðablik - Fjölnir í næstu umferð í Maxinu.

Stórskotahríð frá Breiðabliki stendur yfir í smá tíma en Keflavík lifir þetta af. Gestirnir fjölmennir til baka núna.

Gísli Eyjólfsson er að hlaða í skot fyrir utan teig þegar Kian kemst fyrir með glæsilegri tæklingu. Það er sótt á báða bóga þessar mínútur.

Stuðningsmenn Keflavíkur (heita þeir enn Puma sveitin?) fara að láta í sér heyra en Græna pandan er háværari. Alvöru bikarstemning í Kópavogi!

Það var Kian Williams en ekki Gibbs sem skoraði áðan. Williams er Englendingur sem var hjá Magna í fyrra.

Það hefur verið rosalegur kraftur í Keflvíkingum hérna í seinni hálfleik! Þeir eru fullir sjálfstrausts! Eiga hrós skilið. Eru í þessum skrifuðu orðum að vinna hornspyrnu.

TVÖFÖLD FRÁ SINDRA!!!

Fyrst Mikkelsen með skot og svo fylgir Gaui eftir með skalla. Sindri ver í bæði skiptin. Þarna var gott tækifæri fyrir Blika til að endurheimta forystuna.

Já skýr skilaboð frá Óskari sem hendir inn kanónum af bekknum.

Óskar Hrafn ætlar að fara að nota stjörnunar á bekknum. Höskuldur Gunnlaugsson að búa sig undir að koma inn.

Heldur betur áhugaverður leikur í gangi hér í Kópavoginum.

Það eru fleiri áhugaverðir leikir í heiminum. Stuðningsmenn Liverpool í stúkunni duglegir að kíkja á símann sinn þó þeirra menn séu ekki í eldlínunni!

Blikar með flotta sókn en Gísli Eyjólfsson flækir hlutina fullmikið og þetta rennur út í sand.

Brynjólfur Andersen Willumsson er ekki í hóp hjá Blikum í kvöld. Hann tekur út leikbann eftir rautt spjald sem hann fékk í bikarúrslitum 2. flokks í fyrra.

Seinni hálfleikur er hafinn.

Hvenær verður dregið í 16-liða úrslit bikarsins?

Það verður annað kvöld í beinni á Stöð 2 Sport þegar Mjólkurmörkin sívinsælu verða á dagskrá. Henry Birgir sér um dráttinn.

Breiðablik verið mun betra liðið en aðeins eitt mark skilur liðin að! Það getur allt gerst í Mjólkurbikarnum.

Kwame lék illilega á Adam, sendi á Kristin Steindórsson en skot hans framhjá.

Áhugaverð tíðindi úr Ólafsvík: Víkingur Ó. 1-0 Víkingur R.

Davíð Snær Jóhannsson, sem er feykilega spennandi leikmaður í Keflavíkurliðinu, með tvo flotta spretti í röð. Gestirnir að minna á sig.

Keflavík fær hörkufæri!!! Kian Williams er í baráttunni á fjærstönginni eftir fyrirgjöf en nær ekki að koma boltanum á rammann.

Davíð Ingvarsson með hornspyrnu sem lendir ofan á þversláni!

Davíð Ingvarsson með skot af löngu færi, beint á Sindra. Blikar stjórna ferðinni.

Oliver með háan bolta inn í teiginn. Viktor Margeirsson skallar yfir.

Gaui Lýðs með hættulega sendingu inn í teiginn. Anton Freyr nær að bjarga í horn.

Hættuleg hornspyrna frá Gauja Lýðs en Sindri nær að kýla knöttinn frá.

Róbert með fyrirgjöf. Kwame skallar framhjá.

Kristinn Steindórsson með skot yfir markið. Lét vaða fyrir utan teig.

Stefán Ingi og Kwame með fínan samleik en Keflavík nær að koma boltanum í burtu. Heimamenn mun meira með boltann. Ekkert óvænt þar.

MARK!!! Nei aðstoðardómarinn flaggar. Rangstaða!

Blikar héldu að þeir væru að komast yfir þegar Guðjón Pétur Lýðsson skaut boltanum í hornið. Svo fór flaggið á loft.

Stefán Ingi Sigurðarson er talinn hafa verið rangstæður og hindrað útsýni Sindra markvarðar Keflavíkur þegar Guðjón skaut. Umdeildur dómur.

Bæði lið hafa átt fínar hornspyrnur hér í upphafi en ekki komið skot á mark.

Græna pandan er mætt og lætur vel í sér heyra hér í upphafi leiks. Trommur og stuð.

Arnar Sveinn Geirsson er með Viktori Margeirssyni og Róberti Orra í þriggja miðvarða línu Breiðabliks. Stefán Ingi er fremsti maður.

Þetta er byrjað. Breiðablik sækir í átt að Sporthúsinu í fyrri hálfleik.

Oliver Sigurjónsson er með fyrirliðabandið hjá Breiðabliki í kvöld. Fyrirliðinn Höskuldur Gunnlaugsson er meðal varamanna að þessu sinni. Fær hvíld.

Fór og verslaði hamborgara í sjoppunni. Hitti þar meðlim úr aðdáendahópi spænska varnarmannsins Nacho Heras. Nacho kom til Keflavíkur frá Leikni og hefur miðvörðurinn verið öflugur við markaskorun í búningi Keflavíkur, skoraði þrennu í bikarleik á dögunum og skoraði gegn Aftureldingu í Lengjudeildinni.

Elías Ingi Árnason dæmir leikinn í kvöld. Elli var gríðarlega öflugur útvarpsmaður á KissFM á sínum tíma og þá raðaði hann inn mörkum fyrir ÍR áður en dómgæslan var sett í forgang.

Andri Vigfússon og Kristján Már Ólafs eru með flöggin í kvöld en með skiltið er Arnar Ingi Ingvarsson.

Í byrjunarliði Blika er einn leikmaður sem enn hefur ekki afrekað það að spila í Pepsi Max-deildinni. Það er Stefán Ingi Sigurðarson.

Stefán Ingi, sem fæddur er árið 2001, hefur verið lykilleikmaður í 2. og 3.flokks liðum Breiðabliks undanfarin ár. Stefán Ingi hefur leikið með yngri landsliðum Íslands.

Byrjunarliðin eru komin inn.

Óskar Hrafn Þorvaldsson nýtir breiddina í hópnum sínum. Damir Muminovic, Höskuldur Gunnlaugsson, Viktor Karl Einarsson og Thomas Mikkelsen byrja allir á bekknum hjá Blikum.

Elfar Freyr Helgason, varnarmaður Breiðabliks, afplánar fyrsta leik sinn af þremur í banni frá bikarkeppni KSÍ. Hann mun fyrst fá að taka þátt í undanúrslitum í ár, ef Breiðablik nær að komast þangað.

Gott og gleðilegt kvöld! Velkomin með okkur á Kópavogsvöll þar sem Breiðablik og Keflavík eigast við í 32-liða úrslitum Mjólkurbikarsins.

Blikar eru búnir að vinna báða leiki sína í Pepsi Max-deildinni, gegn Gróttu og Fylki. Keflavík er með skemmtilegt lið sem spáð er góðu gengi í Lengjudeildinni og byrjaði tímabilið á 5-1 sigri gegn Aftureldingu.