SKÝRSLAN: Keflvíkingar áfram í Pepsi Max eftir jafntefli á Akureyri
Hvað réði úrslitum?
Varnarleikur beggja liða mjög flottur. Tiffany góð í marki Keflavíkur. Keflvíkingar náðu ekki að skapa sér mikið og Aerial var mjög einmana í fremstu víglínu.
Bestu leikmenn
1. Tiffany Sompao
Tiffany varði nokkrum sinnum mjög vel í marki Keflavíkur, kom klárlega í veg fyrir að Þór/KA skoraði í dag.
2. Arna Sif Ásgrímsdóttir
Það var áhugaverð barátta milli Aerial og Örnu í dag. Aerial komst nokkrum sinnum í góðar stöður en Arna var alltaf klár og komst fyrir nokkur skot.
Atvikið
Aerial féll í teig Þór/KA undir lok fyrrihálfleiks og það voru einhver köll um vítaspyrnu. Spurning um ef og hefði hvernig þessi leikur hafi þróast ef eitthvað hefði verið dæmt.
Hvað þýða úrslitin?
Lokaleikurinn á tímabilinu. Keflavík hefði geta fallið ef allt hefði farið á versta veg en þær ganga ánægðar frá borði í þriðja neðsta sæti fjórum stigum frá falli. Þór/KA stökk upp um eitt sæti og endar í 6. sæti deildarinnar, fallbaráttan var aldrei langt undan.
Vondur dagur
Rosa lítil gæði í þessum leik. Aerial var alein í sóknarleik Keflavíkur og sóknarmenn Þór/KA mjög týndar í leiknum og sköpuðu sér ekki mikið.
Dómarinn - 8
Fínasti leikur hjá honum, lét leikinn fljóta en það er spurning hvort Keflavík hafði eitthvað til síns máls þegar liðið vildi vítaspyrnu.