Glæsilegur 5-0 sigur á Kýpur í auðveldum leik.

2175 háværir stuðningsmenn í stúkunni í kvöld.

Ingibjörg með flotta sendingu fram á Amöndu sem nær ekki nógu góðri fyrstu snertingu.

Þremur mínútum bætt við.

Það heyrist vel í stuðningsmönnum Íslands og Tólfan búin að láta vel í sér heyra allan leikinn!

Agla María gerir vel og leikur sér að varnarmönnum Kýpur, leggur hann svo út á Elísu sem á skot sem er ekki gott.

Amanda sólar varnarmann Kýpur upp úr skónum spilar svo á Alexöndru og vill fá hann aftur en sendingin frá Alexöndru aðeins of föst.

Alexandra fær boltann við vítateiginn og á skot á mark sem er varið.

Hafrún Rakel reynir fyrirgjöf sem fer í varnarmann og út af, hornspyrna sem Ísland á.

Horn sem Amanda tekur, Berglind Rós nær skallanum en nær ekki að stýra honum á markið.

Amanda þræðir sig í gegnum vörn Kýpur og nær fyrirgjöfinni en Kýpverjar ná að hreinsa í horn.

Agla María tekur hornið stutt á Amöndu sem missir boltann í varnarmann Kýpur og út af, annað horn.

Agla María með fyrirgjöf eftir smá darraðardans í teignum hreinsa Kýpverjar í horn.

Alga María með fína tilraun langt fyrir utan teig en Maria Matthaiou grípur boltann.

Ísland á aukaspyrnu á miðjum vallarhelmingi Kýpur, Amanda tekur spyrnuna, glæsileg spyrna beint á kollinn á Ingibjörgu en skallinn ekki góður.

Amanda reynir aftur að finna Alexöndru en nú er boltinn of hár fyrir Alexöndru og fer út af.

Amanda með fyrirgjöf frá hægri inn á teiginn á Alexöndru nær skallanum en hún nær ekki miklum krafti í hann, auðvelt viðureignar fyrir markmann Kýpur.

Úff munaði litlu, Guðný með fyrirgjöf sem fer í varnarmann Kýpur og á Eleni í markinu sem missir boltann en bjargar honum á línunni.

Ísland á horn, Karólína tekur hornið og setur boltann inn á teginn, Kýpverjar skalla frá og boltinn berst út á Elísu sem tekur skotið sem fer yfir.

Sveindís reynir vippu inn fyrir á Dagný en boltinn bara örlítið og langur og Eleni í markinu handsamar hann.

Guðný á fyrirgjöf á Svövu sem skallar boltann fram hjá.

Karólína Lea með frábæra sendingu upp í horn á Elísu sem nær fyrirgjöfinni en Íslensku sóknarmennirnir ná ekki að pota boltanum í markið.

Dagný fær boltann við vítateig og ætlar að renna honum inn fyrir á Svövu en varnarmaður Kýpur les sendinguna.

Sif sendir boltanum upp á Karólínu sem gabbar varnarmann Kýpur og leyfir honum að fara upp á Amöndu sem á fyrirgjöf sem ratar ekki á Íslending.

Guðný með fyrirgjöf sem ratar til Sveindísar, Sveindís leggur hann til hliðar á Karólínu sem rennir honum inn á Svövu sem rétt missir af boltanum.

Sending inn á teginn og Alexandra reynir bakfallsspyrnu en hittir boltann ekki, Ísland er í stórsókn.

Sveindís sendir boltann upp á Guðný sem er í overlappinu, sendingin er aðeins of föst og Guðný nær ekki til hans.

Sveindís þurkar af boltanum með handklæðinu sínu og tekur svo langt inn kast sem Kýpverjar ná að hreinsa frá.

Svava spyrnir síðari hálfleik af stað.

3-0 í hálfleik. Ísland með gríðarlega yfirburði og hefur leikurinn farið að lang mestu leyti fram á vallarhelmingi Kýpur, vonandi fáum við fleiri mörk í seinni hálfleiknum.

Klafs í teignum eftir horn að lokum berst boltinn til Svövu sem á skot sem fer rétt yfir.

Ísland fær horn Karólína tekur það stutt á Amöndu sem setur hann fyrir og Ingibjörg á skalla sem fer fram hjá.

Uppbótartíminn er fjórar mínútur.

Kýpur með sókn, Marilena Georgiou á góða sendingu inn fyrir á Krystyna Freda sem á skot á markið sem fer yfir, ekki galin tilraun samt sem áður.

Amanda með góða sendingu inn í teig á Dagný, Dagný með góða fyrstu snertingu og kemur sér fram hjá varnarmanni Kýpur en er of lengi að taka skotið og varnarmaður Kýpur sópar þessu frá.

Nú liggur sóknarmaður Kýpur eftir en þetta er í þriðja eða fjórða sinn sem Anastasiya Romanyuk dómari leiksins þarf að stöðva leikinn eftir að leikmaður Kýpur liggur eftir.

Sveindís með fyrirgjöf á Svövu en Eleni Ttakka ver frá henni, Karólína nær frákastinu og leggur hann í netið en Svava var dæmd brotleg fyrir að fara í markmanninn og markið stendur ekki.

Elísa með fyrirgjöf sem berst á Sveindísi sem er í ágætri stöðu en hittir boltann illa.

Sveindís tekur langt innkast á Dangýju sem nær ekki að stýra boltanum inn á teiginn.

Amanda með skot af löngu færi sem rúllar í fangið á Eleni í marki Kýpur.

Svava fær boltann inn í teig, móttakan svíkur hana aðeins og Mikaella Chaliou hreinsar í burtu, var reyndar ekki langt frá því að negla honum í sitt eigið mark.

Dagný brýtur á Eleni Giannou á miðjum velli.

Amanda reynir fyrirgjöf en Eleni í marki Kýpur grípur boltann.

Sveindís með langt innkast á Ingibjörgu sem flikkar honum inn í teig og Karólína á skalla að marki en hann fer fram hjá.

Þarna ætlaði Sveindís að skora! Leikur sér að varnamörnum Kýpur og skýtur svo á markið en boltinn fer fram hjá, hefði verið skynsamlegt að setja hann út í teig þarna þar sem bæði Dagný og Svava voru á auðum sjó.

Karólína með fyrirgjöf frá vinstri, Sveindís nær snetringunni en Eleni í marki Kýpur kemur boltanum frá Dagný nær frákastinu en boltinn endar í höndunum á Eleni.

Svava Rós reynir fyrirgjöfina en boltinn endar fyrir aftan markið.

Leikurinn byrjar rólega íslenska liðið hefur haldið boltanum vel á vallarhelmingi Kýpverja en ekki náð að brjóta sér leið í gegnum vörnina.

Kýpur byrjar þenna leik!

10 mínútur í leik og liðin hafa lokið upphitun. Hér blæs aðeins og rignir hressilega, völlurinn er blautur og virðist frekar laus í sér.

Byrjunarliðið er komið inn - Sjö breytingar! Þorsteinn Halldórsson, þjálfari kvennalandsliðsins, gerir sjö beytingar á byrjunarliðinu frá sigurleiknum frábæra gegn Tékklandi í síðustu viku. Hin 17 ára gamla Amanda Andradóttir spilar sinn annan A-landsleik. Hún er að byrja í fyrsta sinn fyrir Ísland. Cecilía Rán Rúnarsdóttir, sem er 18 ára, fær tækifæri í markinu. Sif Atladóttir og Ingibjörg Sigurðardóttir byrja í hjarta varnarinnar og kemur Elísa Viðarsdóttir inn í stöðu vinstri bakvarðar. Þá kom Alexandra Jóhannsdóttir og Svava Rós Guðmundsdóttir einnig inn í liðið. Svava skoraði í síðasta leik og byrjar hún sem fremsti maður Íslands.

Það rignir duglega á Laugardalsvelli!

Sveindís Jane Jónsdóttir sat fyrir svörum á blaðamannafundi í vikunni og sagði liðið ætla að leggja áhreslu á góðan sóknarleik. ,,Við ætlum að sækja vel á þær og skora eins mikið og við getum. Við ætlum auðvitað líka að verjast, en planið er að sækja vel á þær og skerpa aðeins á sóknarleiknum." ,,Við ætlum að gera eins og hin tvö liðin sem hafa skorað átta mörk á þær, eða fleiri bara. Þetta er akkúrat leikur þar sem við viljum koma markatölunni aðeins upp."

Mótherjinn Kýpur hefur spilað þrjá leiki í riðlinum og tapað þeim öllum, í þessum þremur leikjum hefur liðið fengið á sig 20 mörk og skorað eitt. Um Kýpverska liðsið hafði Þorsteinn Halldórsson þjálfari íslenska kvennalandsliðsins þetta að segja: ,, Það er mikill dugnaður í þessu liði þó að tölurnar í síðustu tveimur leikjum hafi ekki verið góðar. Hollenska liðið er frábært og þær áttu í basli þar. Tékkarnir skoruðu mikið úr föstum leikatriðum, voru grimmar þar og refsuðu. Þær voru að fá færi í báðum þessum leikjum og voru að koma sér í fínar stöður."

Leikurinn í kvöld er þriðji leikur Íslands í undankeppninni, fyrsti leikurinn fór fram í september þegar liðið tapaði 0-2 á móti Evrópumeisturum Hollands. Síðastliðinn föstudag mætti liðið Tékkum, íslenska liðið spilaði frábærlega og endaði leikurinn 4-0 fyrir Íslandi.

Góða kvöldið kæru lesendur og velkomin í beina textalýsingu frá Laugardalsvelli þar sem Ísland tekur á móti Kýpur í undankeppni HM í Nýja-Sjálandi og Ástralíu 2023. Leikurinn hefst klukkan 18:45.