SKÝRSLAN: Mismunandi tilfinningar í leikslok
Hvað réði úrslitum?
Valur var heilt yfir sterkari aðilinn, en Afturelding gaf þeim alvöru leik í dag. Valur var ekki alveg upp á sitt besta kannski, en reynsla þeirra og gæði skiluðu þeim yfir línuna frægu á þessum laugardegi.
Bestu leikmenn
1. Þórdís Hrönn Sigfúsdóttir (Valur)
Með þrjár stoðsendingar. Hefur verið frábær í sumar, sérstaklega eftir því sem hefur liðið á.
2. Cyera Makenzie Hintzen (Valur)
Skoraði tvö mörk og átti mjög góðan leik. Eva Ýr og Guðrún Elísabet voru flottar í liði Aftureldingar.
Atvikið
Það var þriðja markið sem gerði algjörlega út um þetta. Stórglæsilegt mark hjá Cyeru.
Hvað þýða úrslitin?
Valur er Íslandsmeistari annað árið í röð og Afturelding fer niður í Lengjudeildina eftir eitt ár í deild þeirra bestu.
Vondur dagur
Það er erfitt að skrá þetta á einhvern ákveðinn leikmann en ég get ímyndað mér það að Elín Metta sé frekar svekkt með það að hún hafi ekki náð að skora. Hún fékk svo svo sannarlega færin til þess en var ekki alveg á deginum sínum fyrir framan markið. Það hefði þá verið gaman að sjá enn fleiri áhorfendur í dag í ljósi þess hve mikið var undir. Það verður að gera kröfu á það að Valsfólk fjölmenni á Hlíðarenda um næstu helgi þegar bikarinn fer á loft.
Dómarinn - 7
Bara mjög vel dæmdur leikur. Ekki erfiðasti leikur í heimi að dæma en þau skiluðu sínu.