SKÝRSLAN: Valskonur náðu ekki að skora og eru úr leik
Hvað réði úrslitum?
Úrslitin í fyrri leiknum, eins mikil klisja og það er. Valur náði að skapa nokkur færi, sérstaklega í fyrri hálfleik, en inn vildi boltinn ekki.
Bestu leikmenn
1. Arna Sif Ásgrímsdóttir
Öflug frammistaða, mikil barátta við Kozarovu sem er ekkert lamb að leika sér við.
2. Anna Rakel Pétursdóttir
Skapaði hættuleg færi í leiknum og átti heilt yfir mjög fínan fyrri hálfleik. Sást mun minna í seinni.
Atvikið
Nokkur færi sem fóru forgörðum, Elín Metta fékk gott færi eftir sendingu frá Rakel og Cyera fékk einnig mjög gott færi í fyrri hálfleik.
Hvað þýða úrslitin?
Slavia Prag fer í riðlakeppnina en Valur er úr leik.
Vondur dagur
Sóknarleikur Valsliðsins í seinni hálfleik sérstaklega var ekki nægilega beittur og í gegnum leikinn var of mikið verið að reyna úrslitasendingar sem voru ekki nálægt því að ganga upp.
Dómarinn - 6
Sleppti nokkuð augljósum spjöldum á bæði lið en það hallaði á hvorugt liðið.