Þegar heildin er skoðuð eru úrslitin sanngjörn í kaflaskiptum leik. Fínt að ná að jafna en við þurfum ekkert að fegra hlutina neitt, þetta var alls ekki sérstök frammistaða íslenska liðsins og maður gerir kröfu um meira.

Í blálok leiksins fékk Ioan Yakovlev hættulegt færi en skaut framhjá. Hefðu getað rænt þessu í lokin Eistarnir.

Á fimmtudag verður leikinn annar vináttuleikur í Portúgal, þá gegn Svíum.

Uppbótartími og Ísland herjar á Eistana, í leit að sigurmarkinu.

því að jafna leikinn! Skot rétt framhjá!

Sóknarbrot dæmt á Andra Lucas sem mótmælir harðlega. Portúgalinn skiptir ekki um skoðun. Ekkert sérstök gæði á dómgæslunni í þessum leik verður að segjast.

Ísland hefur aðeins skorað 3 mörk í síðustu 7 landsleikjum. Sóknarleikurinn hjá okkur er áhyggjuefni.

Eistar búnir að tjalda, pakka í vörn. Ætla að halda þessari 1-0 forystu sinni.

Danijel tekur spyrnuna sjálfur en skýtur í varnarvegginn.

Vel gert hjá Danijel Dejan Djuric sem krækir í aukaspyrnu rétt fyrir utan teig. Hárréttur dómur.

Jæja nýtum okkur þetta.

Valgeir Lunddal með fyrirgjöf sem Vallner grípur.

Damir hefur verið fyrirliði í seinni hálfleik.

Ísland fengið slatta af hornspyrnum sem ekkert hafa gefið.

"Við eigum að vera sterkari í föstum leikatriðum," segir Hörður Magnússon. Í þessum skrifuðu orðum á Andri Lucas tilraun yfir markið eftir horn.

Fyrirgjöf inn í teiginn sem Vallner markvörður slær frá.

Höddi Magg talar um að spilamennska íslenska liðsins hafi verið talsvert betri í seinni hálfleik en þeim fyrri og það er alveg hægt að taka undir það.

Davíð með góðan bolta fyrir markið en Peetson skallar boltann afturfyrir í hornspyrnu.

Sveinn Aron með skot í varnarvegginn úr aukaspyrnunni.

Davíð Kristján með frábæra fyrirgjöf á Andra Lucas Guðjohnsen sem á skot af stuttu færi sem er varið! Þarna munaði litlu!

Patrik með góða markvörslu. Eistarnir hættulegri í sínum aðgerðum.

Andri Lucas í baráttunni í teignum eftir sendingu og gott hlaup hjá Nökkva. Peetson kemur boltanum afturfyrir í hornspyrnu.

Nökkvi með stungusendingu og Ísland fær óverðskuldaða vítaspyrnu. Rasmus Peetson fór klárlega í boltann, Kristall fer niður og dómarinn bendir ranglega á punktinn.

Aron Sigurðarson kemst upp hægra megin í góða fyrirgjafarstöðu en sendingin ekki góð og fer til varnarmanns Eista.

"Ég er að fíla plötusnúðinn" segir fasteignasalinn Oscar Clausen í hálfleik. Ánægður með tónlistina sem vallargestir og áhorfendur Viaplay fá að njóta í hálfleiknum.

Það má svo sannarlega færa rök fyrir því að staðan sé sanngjörn, Eistar hafa skapað sér hættulegri færi og það vantar uppá ákvarðanir íslenska liðsins sóknarlega.

Íslenska liðið átti klárlega að fá víti rétt áður en markið kom en því verður ekki breytt úr þessu.

Markus Soomets leikmaður Eistlands sparkar boltanum upp í hendina á samherja sínum, Markus Poom. Portúgalski dómarinn dæmir ekkert. Þarna vantaði okkur VAR!

Eistar í hættulegri sókn en Valgeir Lunddal náði að komast í boltann. Strax á eftir kemst Sergej Zenjov í gott færi en framhjá fer skotið.

Dagur Dan, besti leikmaður íslenska liðsins í dag, fær dæmda á sig hendi. Lætur dómarann heyra það, ekki sammála þessum dómi.

Andri Lucas með fyrirgjöf sem Peetson setur afturfyrir, Ísland á hornspyrnu.

Skyndilega byrjað að rigna hressilega í Portúgal.

Valgeir með fyrirgjöf sem er ekki nægilega góð og Eistar skalla frá.

Henrik Ojamaa með fyrirgjöf, boltinn fer yfir Valgeir Lunddal og Markus Poom á flugskalla yfir.

Íslensk hornspyrna sem ekkert kemur úr. Vallner í eistneska markinu handsamar boltann.

Dagur Dan er okkar hættulegasti maður, hann rennir boltanum á Andra Lucas en varnarmaður Eistlands kemst fyrir skotið.

Besta tilraun Íslands í leiknum hingað til, Dagur Dan lætur vaða fyrir utan teig og boltinn rétt yfir. Sleikir þaknetið.

Aron með fyrirgjöf, Eistarnir með misheppnaða hreinsun en við náðum ekki að nýta okkur það. Íslenska liðið virðist vera að hressast aðeins sóknarlega.

Sergej Zenjov með skot úr þröngu færi, framhjá. Mun meiri ógn frá eistneska liðinu. Þeir fá hornspyrnu en ekkert merkilegt kemur úr henni.

Markus Poom með skot sem er varið. Var reyndar rangstæður. Markus er sonur Mart Poom sem spilaði í ensku úrvalsdeildinni, varði mark Derby County lengi.

Sergej Zenjov með glæsilegt skot sem endaði í samskeytunum en búið að flagga rangstöðu. Þökkum fyrir það.

Rasmus Peetson skallar framhjá eftir aukaspyrnuna. Virkilega fínt færi.

Damir missti boltann frá sér og braut svo af sér í kjölfarið. Hefði getað fengið gult spjald þarna Damir en sleppur með tiltal.

Arnór Ingvi lenti illa á grindverki við hliðarlínuna og þarf aðhlynningu. Við erum 10 inná vellinum sem stendur. Vonandi jafnar Arnór sig á þessu.

Andri Lucas krækir í aukaspyrnu. Þetta var afskaplega lítið, skil vel að Eistarnir hafi verið ósáttir með þennan dóm.

Arnór Ingvi tekur aukaspyrnuna og lyftir boltanum inn í teiginn en Eistarnir skalla frá. Dagur Dan kemur svo með sendingu inn í teig sem markvörður Eista handsamar.

Arnór Ingvi og Henrik Ojamaa lentu í samstuði en geta báðir haldið leik áfram

Arnór Ingvi með fyrsta skotið en vel framhjá markinu.

Vallaraðstæður sæmilegar, ekki frábærar. Nokkrir blettir á vellinum.

Samkvæmt Hödda Magg erum við að spila 4-4-2 með tígulmiðju.

Patrik (m)
Guðlaugur Victor (f) - Damir - Róbert - Valgeir
Arnór Ingvi
Aron Sig - Kristall Máni - Dagur
Nökkvi - Andri Lucas

Eistar hófu leik.

Leikurinn er sýndur á Viaplay fyrir áhugasama og Höddi Magg með míkrafóninn. Verið er að spila þjóðsöngvana. Það var sýnt upp í stúku áðan og stærstur hluti áhorfenda eru njósnarar, umboðsmenn og útsendarar frá hinum og þessum félagsliðum. Sýningargluggi. Það eru um 20 njósnarar frá ýmsum klúbbum að fylgjast með.

Það verður væntanlega gott áhorf í Grafarvoginum enda fjórir leikmenn í byrjunarliði Íslands sem voru í unglingastarfi Fjölnis; Valgeir Lunddal, Guðlaugur Victor, Kristall Máni og Aron Sigurðar.

???????? Byrjunarlið Íslands sem mætir Eistlandi í vináttuleik í dag á Algarve í Portúgal.

???? Leikurinn hefst kl. 17:00 og verður hann í beinni útsendingu á Viaplay.

???? Our starting lineup for the friendly against Estonia.#fyririsland pic.twitter.com/JtsjgrvlKV

— Knattspyrnusambandið (@footballiceland) January 8, 2023

Í mars hefst undankeppnin fyrir EM 2024 í Þýskalandi. Ísland er í riðli með Portúgal, Bosníu, Slóvakíu, Lúxemborg og Liechtenstein.

Nökkvi Þeyr Þórisson, Sævar Atli Magnússon og Aron Bjarnason eru þeir þrír leikmenn í íslenska landsliðshópnum í Portúgal sem ekki hafa leikið A-landsleik.

Nökkvi yfirgaf KA á liðnu ári og gekk í raðir Beerschot í Belgíu. Þar hefur honum gengið virkilega vel, skorað fimm mörk í þrettán deildarleikjum, og lífið leikur einnig við hann utan vallarins.

„Fyrstu mánuðurnir hjá nýju liði hafa gengið vonum framar, ótrúlega vel. ég var mjög snöggur að aðlagast. Liðið spilar vel og ég eignaðist barn úti svo það er allt í blóma þar. Lífið leikur við mig þessa dagana og ég er mjög glaður," segir Nökkvi.

Nökkvi vonast að sjálfsögðu eftir því að spila sinn fyrsta landsleik í dag.

„Maður vonast alltaf eftir því að fá mínútur og vonandi koma þær. Mér lýst vel á þetta, við erum með marga góða leikmenn. Vallaraðstæður eru ekki frábærir en gæðin eru góð og tempóið hátt. Það eru flottir karakterar í liðinu og ég er spenntur fyrir komandi leik. Það er flott að hafa reynslubolta í hópnum sem aga menn til og passa upp á að þetta fari ekki í einhvern fíflagang. Við erum með mjög hæfileikaríka leikmenn og þetta er góð blanda."

Lífið leikur við Nökkva Þórisson þessa dagana. Hér hann í viðtali við KSÍ TV um fyrstu mánuðina í Belgíu og fyrsta landsliðsverkefnið. pic.twitter.com/W3aAQ66fha

— Knattspyrnusambandið (@footballiceland) January 7, 2023

„Það hafa orðið einhverjar breytingar á landsliðinu, það er langt síðan síðast en það er alltaf gaman að koma aftur."

„Þetta er mjög gott verkefni. Þetta eru mismunandi lið sem við mætum og geggjaður hópur. Ég er mjög spenntur. Við erum með góða blöndu, nokkra með reynslu sem geta leiðbeint. Svo eru ungir og graðir leikmenn sem vilja sýna sig og þetta er einmitt tíminn til að sýna sig og sanna; hvernig þú ert í hóp og hvernig þú ert innan og utan vallar."

Arnór Ingvi Traustason í viðtali við KSÍ TV um komandi vináttuleiki við Eistland og Svíþjóð. pic.twitter.com/7RaFuSuSMs

— Knattspyrnusambandið (@footballiceland) January 7, 2023

Þessi lið mættust ekki í Eystrasaltsbikarnum fyrir áramót en eistneski hópurinn er blanda af reynslumiklum og nánast reynslulausum leikmönnum. Alls tólf í hópnum hafa ekki leikið A-landsleik. Allir í hópnum spila í eistnesku deildinni.

Í hópnum eru fjórir reynsluboltar; fyrirliðinn Konstantin Vassiljev (38 ára) hefur leikið 146 landsleiki, framherjinn Sergei Zenjov (33) 102 leiki, varnarmaðurinn Taijo Teniste (34) 95 leiki og Ken Kallaste (34) 55 leiki.

Ellefu leikmenn í hópnum koma frá Flora Tallinn.

Íslenska karlalandsliðið er á Algarve í Portúgal þar sem liðið leikur tvo vináttuleiki næstu daga. Fyrri leikurinn verður gegn Eistlandi í dag klukkan 17 á Estadio Nora og sá seinni á Estadio Algarve 12. janúar gegn Svíþjóð.

Verkefnið er utan alþjóðlegs landsleikjaglugga og því kemur bróðurpartur leikmanna í hópnum frá félagsliðum í Bestu deildinni, Svíþjóð og Noregi.

Tvær breytingar voru gerðar á upprunalega hópnum sem var tilkynntur. Bjarni Mark Antonsson bættist við hópinn og Sævar Atli Magnússon var kallaður inn í stað Arnórs Sigurðssonar.

Ísland og Eistland hafa sex sinnum áður mæst í og er um vináttuleiki að ræða í öllum tilfellum. Ísland hefur unnið þrjá leiki, tvisvar hafa liðin gert jafntefli og einu sinni vann Eistland sigur.



Markverðir
Frederik Schram – 6 leikir
Hákon Rafn Valdimarsson – 3 leikir
Patrik Sigurður Gunnarsson – 2 leikir

Aðrir leikmenn
Andri Lucas Guðjohnsen – 12 leikir, 2 mörk
Arnór Ingvi Traustason – 44 leikir, 5 mörk
Aron Bjarnason – 0 leikir, 0 mörk
Aron Sigurðarson – 6 leikir, 2 mörk
Bjarni Mark Antonsson - 2 leikir, 0 mörk
Dagur Dan Þórhallsson – 2 leikir, 0 mörk
Damir Muminovic – 4 leikir, 0 mörk
Danijel Dejan Djuric – 1 leikur, 0 mörk
Davið Kristján Ólafsson – 11 leikir, 0 mörk
Guðlaugur Victor Pálsson – 31 leikur, 1 mark
Höskuldur Gunnlaugsson – 7 leikir, 0 mörk
Ísak Snær Þorvaldsson – 2 leikir, 0 mörk
Júlíus Magnússon – 3 leikir, 0 mörk
Kristall Máni Ingason – 2 leikir, 0 mörk
Nökkvi Þeyr Þórisson - 0 leikir, 0 mörk
Róbert Orri Þorkelsson – 2 leikir, 0 mörk
Sævar Atli Magnússon - 0 leikir, 0 mörk
Sveinn Aron Guðjohnsen – 17 leikir, 1 mark
Valgeir Lunddal Friðriksson – 4 leikir, 0 mörk
Viktor Örlygur Andrason – 3 leikir, 0 mörk