Komiði sæl og verið velkomin í beina textalýsingu frá viðureign FH og Selfoss í úrslitaleik 1. deildar kvenna. Bæði lið tryggðu sér sæti í efstu deild að ári með því að leggja mótherja sína í undanúrslitum og nú er komið að því að komast að því hvaða lið er best í deildinni og fær að hampa bikar í leikslok.

Bæði lið unnu sína riðla. FH vann alla 12 leiki sína í A-riðli með markatölunni 81-11 og vann Hauka svo í umspilinu í báðum leikjum, samanlagt 14-1. Selfoss vann 10 af 12 leikjum sínum, gerði eitt jafntefli og tapaði einum með markatölunni 32-4. Þær mættu Keflavík í umspili, töpuðu fyrst 3-2 og unnu svo seinni leikinn 6-1.

Leikið er á heimavelli FH, Kaplakrikavelli sem sumir setja spurningar við. Í fyrra mættust ÍBV og Þróttur á hlutlausum velli í Þorlákshöfn en árið þar á undan mættust FH og Haukar á Ásvöllum.

Fyrir leikinn verður mínútu þögn til minningar um Birgi Björnsson sem lést í gær. Birgir kom víða við í starfi FH, var frábær leikmaður hjá félaginu, þjálfari og síðar forstöðumaður Kaplakrika hússins.

Liðin ganga nú út á völlinn og styttist í að leikurinn hefjist. FH leikur í hvítum treyjum og svörtum buxum en Selfoss í vínrauðum treyjum og hvítum buxum.

Nú hefst mínútu þögn til minningar um Birgi Björnsson. Lið FH leikur með sorgarbönd í dag. Liðsstjórn og varamenn beggja liða ganga inn á völlinn og taka þátt í minningarathöfninni.

Leikurinn er hafinn og það er FH sem byrjar með boltann.

Munaði litlu að Aldís Kara bætti við öðru marki. Hún var með boltann fyrir utan vítateig Selfoss og skaut á markið en beint í samskeytin og út.

Sara Atladóttir bjargaði marklínu þegar hornspyrna Önnu Þorsteinsdóttur stefndi í markið.

Eva Lind Elíasdóttir í dauðafæri eftir aukaspyrnu Selfyssinga en hitti ekki boltann.

Það er fjör í þessu, því hinum megin á vellinum lék Aldís Kara á varnarmenn og skaut á markið rétt fyrir utan vítateig en yfir markið.

Jóhanna Steinþóra í góðu færi fyrir framan markið eftir sendingu Sigrúnar Ellu frá vinstri. Hún hitti boltann hins vegar illa.

Óli Njáll dómari flautar fyrri hálfleikinn af. Staðan í hálfleik er 3-1 fyrir FH.

Seinni hálfleikur er hafinn.

Eva Lind komst í gott skotfæri utarlega í teignum en hikaði og ekkert varð úr færinu.

Selfoss reyndi að svara strax fyrir sig. Eva Lind slapp ein gegn Nönnu sem kom langt út úr teignum og kom boltanum frá.

Bæði lið hafa átt fín skotfæri frá vítateigshorni hægra megin. Fyrst Berglind hjá FH og svo Katrín Ýr hjá Selfossi en báðar skutu framhjá.

Guðmunda sneri á varnarmann af miklu harðfylgi og þrumaði á mark FH en Nanna náði að blaka boltanum yfir.

Guðrún Björg aftur með skot utan af kanti sem fór í þverslánna.

Það eru á milli 500-600 áhorfendur í Kaplakrikanum í kvöld.

Leiknum er lokið með 6-2 sigri FH. FH vinnur 1. deild kvenna 2011 eftir að hafa unnið alla leiki sína í deild í sumar. Viðtöl og umfjöllun kemur hér á Fótbolta.net síðar í kvöld.