Eyjamenn líta mjög vel út, vinna riðilinn með fullt hús stiga. Eru í hörkustandi og vel samstilltir. Frammistaða Blika vonbrigði.

Eyjamenn verða í undanúrslitum Lengjubikarins á laugardag, mæta þar KA-mönnum. Valur og Víkingur eigast við í hinum undanúrslitaleiknum.

Uppbótartími í gangi.

Skalli frá Höskuldi en Guy Smit slær boltann yfir.

Breki Ómarsson í dauðafæri en skýtur beint á Anton. Ekki góð afgreiðsla hjá Breka! Þarna hefði ÍBV átt að taka forystuna.

Ágúst Hlyns með fyrirgjöf sem Eiður Aron Sigurbjörnsson skallar afturfyrir.

Valur - Víkingur
KA - ÍBV

Blikar þurfa þrjú mörk á lokakaflanum til að koma sér áfram... erfitt að sjá það gerast.

Filip með skot við vítateig Blika en Anton Ari grípur það.

Nú sitja tveir leikmenn ÍBV á vellinum, þreyttir.

Höskuldur með skot með vinstri fyrir utan teig ÍBV en hittir ekki markið.

Oliver Sigurjónsson fer að koma inná hjá Breiðabliki, Óskar Hrafn var að gefa honum merki.

Blikarnir þurfa núna fjögur mörk. Allt stefnir í að ÍBV komist í undanúrslitin og leiki þar gegn KA á laugardaginn.

Alex Freyr Hilmarsson með skot rétt framhjá!

Eyjamenn eru að líta mjög vel út.

Óskar Hrafn gerir þrefalda skiptingu í hálfleik, væntanlega ekki sáttur með gang mála í fyrri hálfleiknum.

Eins og staðan er þá er ÍBV á leiðinni í undanúrslit Lengjubikarsins. Breiðablik þarf að bretta upp ermar. Blikar töpuðu fyrir Leikni fyrr í riðlinum og þurfa að vinna með þriggja marka mun til að komast áfram.

Patrik Johannesen með skot í varnarmann.

Jason Daði að sleppa en fyrsta snertingin sveik hann og Guy Smit gerir vel, kemur úr markinu og hirðir boltann.

Stefán Ingi kemur boltanum í markið eftir fyrirgjöf frá Höskuldi en flögguð rangstaða. Sýndist þetta vera réttur dómur, þó tæpt hafi verið.

Breiðablik miklu meira með boltann og reynir að skapa sér tækifæri.

Það er líf og fjör hjá mönnum í boðvöngunum. Hemmi Hreiðars tók léttan trylling áðan þegar ÍBV fékk ekki aukaspyrnu.

Sverrir Páll Hjaltested með skot en nær ekki krafti í það. Beint á Anton. ÍBV er að fá sín færi.

Gjörsamlega galinn varnarleikur hjá ÍBV! Það var bara opin búð og Patrik er hleypt inn á vítateiginn án þess að nokkur maður kom nálægt honum. Stórfurðulegt. Guy Smit nær hinsvegar að verja skot hans í stöngina!

Damir með skottilraun eftir hornspyrnu en vel framhjá.

Davíð Ingvarsson er meiddur hjá Blikum og Kristinn Steindórsson veikur. Kristinn átti að spila í kvöld. Flensa að ganga.

Valencic með skot í stöngina! Munaði litlu að það kæmi jöfnunarmark. Hösuldur hafði átt slæma sendingu og Breiðablik tapaði boltanum á slæmum stað.

Eyjamenn að vinna með þessa pressu hátt á vellinum sem hefur verið áberandi í leik liðsins eftir að það kom heim úr æfingaferðinni.

Klæmint Olsen er utan hóps hjá Blikum. Talsvert verið rætt og ritað um færeyska sóknarmanninn sem er alls ekki búinn að stimpla sig inn hjá Kópavogsliðinu. Óskar Hrafn var í viðtali í gær um Klæmint, sem lesa má hér.

Sverrir Páll Hjaltested í dauðafæri í teignum en Anton Ari náði að loka á hann. Fyrsta færi leiksins og það var vægast sagt gott.

Einar Ingi Jóhannsson dómari er búinn að flauta leikinn á. Það er kalt í veðri, um -6 gráður, og flestir leikmenn með vettlinga. Heiðskírt og fallegt í Kópavoginum. Sannkallað gluggaveður.

Í útvarpsþættinum Fótbolti.net á X977 á laugardaginn var farið yfir síðustu ótímabæru spá Bestu deildarinnar fyrir tímabilið 2023. Breiðablik er ríkjandi Íslandsmeistari og liðinu er spáð efsta sætinu. ÍBV er spáð áttunda sæti og fer upp um tvö sæti frá síðustu spá.

Smelltu hér til að sjá ótímabæru spánna í heild sinni.

Óskar Hrafn: Óþolandi og eitthvað sem við þurfum að laga https://t.co/2BvBz40nhw

— Fótbolti.net (@Fotboltinet) March 13, 2023

Sagði þjálfarinn Hermann Hreiðarsson í viðtali á dögunum:

Hemmi Hreiðars: Erum á töluvert betri stað en fyrir ári https://t.co/4Lpuw8LuZP

— Fótbolti.net (@Fotboltinet) March 8, 2023

Eyjamenn komu inn í Lengjubikarinn með trukki og dýfu og unnu þrjá leiki á einni viku. Í byrjunarliði þeirra í dag eru þrír leikmenn sem komu til félagsins í vetur. Þar á meðal er hollenski markvörðurinn Guy Smit sem kom á láni frá Val.



Slóvenski sóknarmiðjumaðurinn Filip Valencic hefur litið vel út hjá ÍBV en hann gerði garðinn frægan í finnsku deildinni áður en hann mætti til Eyja. Þá er sóknarmaðurinn Sverrir Páll Hjaltason sem lék með Kórdrengjum í fyrra í treyju númer níu.

Í byrjunarliði Breiðabliks eru tveir leikmenn sem gengu í raðir félagsins í vetur. Það eru Alex Freyr Elísson, bakvörðurinn sem kom frá Fram, og færeyski landsliðsmaðurinn Patrik Johannesen sem kom frá Keflavík.



Í liðinu má einnig finna Stefán Inga Sigurðarson (á mynd) sem hefur verið iðinn við markaskorun á undirbúningsmótunum og hinn ungi Anton Logi Lúðvíksson sem gæti verið í stóru hlutverki í sumar miðað við spiltíma í vetur.

Seinni LB leikur dagsins við ÍBV á Kópavogsvelli hefst 18:30. Þessir byrja fyrir Blika. pic.twitter.com/wRos10ysuI

— Blikar.is / Íslandsmeistarar 2022 (@blikar_is) March 14, 2023

Breiðablik þarf að vinna með þriggja marka mun til að komast í undanúrslitin en ÍBV fer áfram með sigri, jafntefli eða tveggja marka tapi eða minna.



Undanúrslitin fara fram á laugardag. Liðið sem kemst áfram hér í kvöld mun mæta KA. Í hinum undanúrslitaleiknum leika Valur og Víkingur.

Klukkan 18:30 er flautað til leiks á Kópavogsvelli þar sem Breiðablik og ÍBV mætast í lokaumferð riðils-2 í Lengjubikarnum. Í A-deild karla eru fjórir riðlar og efsta sæti hvers riðils gefur sæti í undanúrslitum. Valur, Víkingur R. og KA hafa þegar tryggt sér efsta sætið í sínum riðlum, en í þessum riðli er baráttan á milli Breiðabliks og ÍBV.