SKÝRSLAN: Stjarnan lyftir sér upp í efri hlutann
Hvað réði úrslitum?
Stjarnan mættu frískir til leiks og gáfu Valsmönnum enga óþarfa virðingu. Voru fastir fyrir og sóttu sigurinn sanngjarnt þegar uppi er staðið. Valsmenn fengu færi en eins og Addi sagði í viðtali eftir leik að þá gátu þeir spilað í allt kvöld án þess að skora.
Bestu leikmenn
1. Eggert Aron Guðmundsson
Maðurinn er á eldi. Kemur heitur frá Möltu og fór heldur betur fyrir honum í dag. Var allt í öllu hjá Stjörnunni og skoraði svo gott mark til að kóróna sinn leik
2. Daníel Laxdal
Var frábær í öftustu línu Stjörnunnar. Var ólseigur og bjargaði Stjörnunni oft á tíðum mjög vel. Virkilega flottur leikur.
Atvikið
Eftir leik þegar Eggert Aron gengur að stúkunni chantaði öll stúkan 'Messi' í áttina að honum. Var frábær í dag.
Hvað þýða úrslitin?
Stjörnumenn fara upp í efri hlutann á markatölu en Valur mistekst að saxa á forskot Víkinga.
Vondur dagur
Nýting Valsmanna átti ekki góðan dag. Valur fékk færinn en inn vildi boltinn ekki.
Dómarinn - 7
Mjög solid frammistaða heilt yfir. Engar ákvarðanir sem voru áberandi og leikurinn fékk að fljóta mjög vel lengst af. Solid 7a.