Sigur KR í höfn!

Viðtöl og umfjöllun koma innan skamms. Takk fyrir samfylgdina!

+4

Blikar eru í stórsókn!

Sést labba að varamannaskýli KR skælbrosandi. Greinilega ánægður með leik sinna manna.

Kiddi Steindórs kemur inn að krafti og hefur hleypt enn meira líf í sóknarleik Blika sem liggja ansi þungt á KR þessa stundina. Enn þyngra en það sem af er leiks sem er þó búið að vera talsvert.

Gísli Eyjólfs með þrusu skot að marki KR en þarna bjargaði stöngin KR!

KR hafa verið svo sannarlega beittir í sínum skyndisóknum. Þeir liggja aftarlega og leyfa Blikum að sækja á sig en eins og fyrr eru Blikar ekki að ná að nýta sér það. Svo þegar færin gefast, geysast KR í sókn og eru búnir að vera klínískir í þeim aðgerðum.

Rétt áður en þriðja mark KR kom að þá áttu Blikar að fá vítaspyrnu. Aron Þórður hrindir Antoni Loga inn í vítateig KR og hreint með ólíkindum að ekki hafi verið dæmt víti. En í staðinn geystust KR upp völlinn og settu þriðja markið.

Anton með sendingu inn í teig KR sem fer í hendi varnarmanns KR að því best ég sá sem og allir leikmenn Blika sem heimtuðu vítaspyrnu en fengu ekki.

Það er kominn hálfleikur í ansi fjörugum og jöfnum leik. KR leiðir með einu marki. Ekkert ósanngjarnt en heldur ekkert eitthvað sanngjarnt.

KR eru búnir að vera flottir á meðan Blikar þurfa eitthvað smávegis extra til að leggja lokahönd á stöðurnar sem þeir eru að skapa.

Það er 5 mín bætt við

Gísli Eyjólfs með skot frá vítateigslínunni að marki KR en Aron Snær er vel vakandi og ver í horn.

Hann heldur um lærið. Spurning hvort að álagið sé að hafa áhrif á leikmenn Blika. Hann fær aðhlynningu frá sjúkraþjálfara inni á vellinum og labbar svo að hliðarlínu. Eins og með Alexander Helga virðist hann ætla að halda áfram leik, spurning hvað það endist.

Blikar ná ítrekað að spila sig inn í vítateig KR en ná því miður fyrir þá, ekki að nýta sér þær stöður sem skapast.

Að minnsta kosti virðist hann vera að biðja um skiptingu og er lagstur í grasið. Fær hér aðhlynningu frá sjúkraþjálfaranum og kemur út að hliðarlínu. Virðist geta haldið áfram því hann kemur aftur inn á.

Blikar eru búnir að ógna meira, bæði fyrir og eftir markið. Þetta byrjar fjörlega.

Blikar fá hornspyrnu, boltinn siglir í gegnum vörn KR, Oliver nær til boltans, sendir hann í gegnum teiginn og þar kemur Damir og nær skoti en boltinn af varnarmanni of framhjá.

Blikar spila sig upp að vítateig KR, Ágúst Orri kemur boltanum á Gísla sem reynir háa sendingu inn í teiginn sem átti að lenda á skallanum á Klæmint en boltinn of hátt upp.

Þetta er að bresta á. Deyja fyrir klúbbinn með Hnetunni er í græjunum og fyrirliðarnir heilast og peningauppkastið hverjir byrja með boltann er búið. Blikar munu spila í átt að Sporthúsinu og KR byrjar með boltann.

KR hafa verið að spila 3 - 4 - 3 en það lítur út fyrir að þeir séu að færa sig yfir í 4 - 3 - 3.

Einnig voru að berast þau tíðindi frá Vali Pál fréttamanni Vísi að Kristján Flóki sé meiddur og Kennie Chopart er veikur.

Óskar Hrafn gerir sex breytingar frá leiknum á móti FCK. Alexander Helgi, Ágúst Þorri, Klæmint, Ágúst Eðvald, Davíð Ingvars og Oliver Stefánsson koma allir inn í byrjunarliðið í stað þeirra Olivers Sigurjónssonar, Viktors Karls, Kristinn Steindórs, Andri Rafn, Viktors Örn og Jason Daða.

KR gerir tvær breytingar eftir tapið á móti Val. Aron Þórður Albersson og Luke Rae koma inn í byrjunarliðið í stað Olav Oby og Lúkas Magna. Luke Rae byrjar sinn fyrsta deildarleik fyrir KR. Oliver Stefánsson er í byrjunarliðinu hjá Blikum.

Aðstæður á Kópavogsvelli eru eins og best er á kosið, fyrir utan kannski veðrið en það er rigning og skýjað. En rigningin gerir það kannski að verkum að við sjáum hraðan leik hér í dag. Að minnsta kosti vonumst við eftir skemmtilegum leik.

Blikar gerðu jafntefli í síðustu umferð við Stjörnuna og þar á undan höfðu þeir unnið þrjá leiki í röð. Hvað gera þeir í dag?

Jóhann Ingi Jónsson fær það hlutskipti í dag að dæma leikinn. Honum til aðstoðar eru Kristján Már Ólafs sem er AD1 og Ragnar Þór Bender sem er AD2. Viðar Helgason er svo eftirlitsmaður leiksins.

Ljóst er að bæði lið eru í harðri baráttu í efri hluta deildarinnar þótt óhætt sé að segja að baráttan er ólík, einungis vegna stigasöfnunar liðanna. Blikar ætluðu sér að taka titilinn aftur þetta árið en eru sem stendur 10 stigum á eftir Víkingum í efsta sæti og sitja í því þriðja með 34 stig. Þurfa Blikar nauðsynlega sigur í dag til að reyna að saxa á forskot Víkinga og vonast eftir að þeir misstigi sig.

KR er í baráttu um þetta alræmda 4. sæti sem gæti hugsanlega mögulega kannski gefið evrópusæti á næsta ári. KR eru þó líka komnir í undanúrslit bikars og þar er að sjálfsögðu möguleiki á Evrópusæti ef þeir vinna þann titil. KR situr í 6 sæti deildarinnar með 22 stig og eru langt á eftir þremur efstu liðunum en einungis tveimur stigum frá fjórða sætinu (FH á leik til góða).

KR hefur aðeins fatast flugið í síðustu tveimur leikjum en það voru svo sem engir aukvisar sem þeir voru að spila við. Töpuðu 1 - 2 fyrir Víkingum í þar síðustu umferð og í síðustu umferð töpuðu þeir 0 - 4 fyrir Val.

Rúnar Kristinsson sagði eftir þann leik að það væru þrjú lið að leiða deildina með miklum yfirburðum og átti þá við Víkinga, Val og Blika. Efast samt stórlega um að KR sé komið í Kópavoginn í dag til þess að gefa Blikum einhvern auðveldan leik.

Blikar fengu liðsstyrk til sín í gær þegar tilkynnt var um nýjan leikmann

Kristófer Ingi Kristinsson samdi við Blika út þetta tímabil en hann kemur frá VVV-Venlo í Hollandi.

Óskar Hrafn var í viðtali við Arnar Laufdal eftir leikinn á móti FCK. Þar segir hann meðal annars að Blikar geti ekki verið að hugsa um Víking eða Val.

Sjá nánar hér

Blikar voru eins og flestir vita að keppa við FCK á miðvikudaginn í Meistaradeild Evrópu og töpuðu þeim leik 6 - 2 þar sem Orri Steinn Óskarsson sonur Óskars Hrafns skoraði þrennu.

Velkomin í beina textalýsingu frá leik Breiðabliks og KR í 18. umferð Bestu deildar karla í knattspyrnu. Leikurinn hefst kl. 14:00 og verður vonandi fullur af fjöri og gleði og mörkum.



Komandi leikir í þeirri Bestu:

sunnudagur 6. ágúst
14:00 Breiðablik-KR (Kópavogsvöllur)

mánudagur 7. ágúst
16:00 Valur-KA (Origo völlurinn)

þriðjudagur 8. ágúst
19:15 FH-Víkingur R. (Kaplakrikavöllur)
19:15 Fram-Fylkir (Framvöllur)

miðvikudagur 9. ágúst
19:15 HK-Keflavík (Kórinn)