Þetta var vont. Lúxemborg vann mjög sanngjarnan sigur. Hörmulegt kvöld í Lúxemborg. Menn mæta með skottið á milli lappana aftur heim í leikinn gegn Bosníu á mánudagskvöldið. Skelfilegt að við séum ekki í möguleika í þessum riðli á þessum tímapunkti.

Hákon með skot yfir.

Leandro Barreiro skorar en réttilega flaggaður rangstæður.

Mín vegna má hann bara flauta þetta af.

Ég reyndi að halda í jákvæðnina í hálfleik en þetta hefur verið algjör hörmung þetta kvöld í Lúxemborg.

Það er ýmislegt spunnið í þennan nítján ára strak.

Orri Óskarsson fór niður í teignum! Átti þetta ekki að vera víti? Ekkert dæmt.

Lúxemborg svo nálægt því að skora þriðja markið en Rúnar Alex lokaði á Leando Barreiro.

Mica Pinto með skot framhjá.

Georgíski dómarinn heldur sig við sína línu, flautar, flautar og flautar. Heimamenn nýta sér það til hins ítrasta og eru fljótir að fara niður við minnstu snertingu.

Heimamenn að fá inn ferska fætur og það er þreföld skipting á leiðinni sýnist mér.

Jæja smá usli í vítateig heimamanna, Valgeir í baráttunni og nær á endanum að vinna hornspyrnu. Leikurinn stöðvaður því einn Lúxemborgarinn liggur í grasinu og þarf aðhlynningu.

Það er ekkert að ganga upp hjá okkur.

Eftir aukaspyrnuna átti Velgeir skot sem fór í varnarmann.

Orri Óskarsson tekinn niður og Ísland fær aukaspyrnu með fyrirgjafarmöguleika við vítateigshornið.

Jón Dagur með algjörlega misheppnaða fyrirgjöf.

Því miður hefur þetta ekki verið kraftmikil byrjun á þessum seinni hálfleik hjá íslenska liðinu. Bara alls ekki.

Mavin Martins með skot en Rúnar Alex ver fagmannlega.

Alfreð með sendingu á Hákon sem nær ekki að hitta boltann.

Mathias Olsen með skot yfir markið eftir sókn Lúxemborgara þar sem boltinn datt fyrir þá fyrir einskæra heppni hvað eftir annað.

Hörður Björgvin fékk nokkra gagnrýni í hálfleiksspjallinu á Stöð 2 Sport. Sérfræðingarnir að tala um að hann hefði átt að vera búinn að hamra boltanum frá áður en þessi vandræðagangur skapaðist.

Kemur hann inn á strax í hálfleik? Hann er kominn úr vestinu! Orri Steinn Óskarsson er að fara koma inn á og spila sinn fyrsta landsleik. 19 ára framherji FCK í Danmörku.

Það hafa komið góðir sprettir og stígandi sóknarlega hjá íslenska liðinu eftir mjög dapra byrjun. Þarf aðeins betri ákvarðanatökur. Varnarleikurinn hjá okkur ekki verið sannfærandi því miður og heimamenn eiga auðvelt með að skapa usla hjá okkur. En tækifærin hafa verið til staðar... það er alveg möguleiki á því að snúa þessu við í seinni hálfleik. En áður en að seinni hálfleiknum kemur ætla ég að gera tilraun til að finna kaffibolla. Gangi mér vel.

Með boltann: 52% - 48% Marktilraunir: 8-9 Sóknir: 16-17 Hornspyrnur: 1-5 Gul spjöld: 2-1 Rauð spjöld: 0-0

Sævar Atli með skot beint í fangið á markverði Lúxemborgara. Kallar eftir hendi á varnarmann í skotinu. Ekkert dæmt.

Jói Berg með aukaspyrnuna, boltinn af veggnum og afturfyrir í hornspyrnu.

Brotið á Jóa Berg rétt fyrir utan D-bogann. Hér er miðinn, hér er möguleikinn á að jafna þennan leik!

Lítið eftir af fyrri hálfleik, rosalega væri ljúft að ná að troða inn jöfnunarmarki fyrir hlé.

Jón Dagur í hættulegri stöðu í teignum eftir flotta sendingu frá Jóa Berg í gegn. En varnarmenn heimamanna ná að kasta sér fyrir. Það er fullt af möguleikum í þessu þó frammistaðan hafi ekki verið eftir væntingum.

Fær frákastið svo aftur til sín og annað tækifæri en skýtur aftur í vegginn.

Varið frá honum! Langbesta færi Íslands í leiknum til þessa. Alfreð virtist missa aðeins jafnvægið þegar hann tók skotið og skotið því ekki eins gott og við hefðum viljað sjá.

Kolbeinn var með hendina í náttúrulegri stöðu.

Nær að skilja Hörð Björgvin eftir og komast í flott færi en Rúnar Alex ver vel.

Kolbeinn Finns vinnur hornspyrnu. Aftur er Guðlaugur Victor í baráttunni eftir hornið en aftur er dæmd markspyrna.

Guðlaugur Victor í baráttunni í teignum eftir hornið en þetta endar í markspyrnu.

Ísland fær hornspyrnu sem Sævar Atli vann eftir sendingu frá Hákoni.

Flautar og flautar við hvert tækifæri.

En skýtur yfir.

Brotið á Hákoni Arnari sem var kominn á siglinguna. Lúxemborgarar mótmæla þessum dómi og væla eins og stungnir grísir.

Þessi georgíski dómari virkar mjög óákveðinn í sínum aðgerðum. Höndlar þennan leik illa.

Lúxemborg með hættulega fyrirgjöf, Jón Dagur mættur að aðstoða í varnarvinnunni og skallar í horn. Ekkert kemur úr horninu.

Frábær sókn heimamanna, Sanches sem sýnir lipur tilþrif og kemur boltanum á Marvin Martins sem skýtur í fyrsta. Boltinn endar í hliðarnetinu. Valgeir bjargaði líklega marki þegar hann komst fyrir skot inn á vítateignum í aðdragandanum.

Hörður Björgvin með fyrirgjöf sem Jón Dagur nær ekki að gera sér mat úr.

Strax eftir 20 mínútur er völlurinn farinn að láta á sjá. Virðist vera að menn séu í nokkrum vandræðum með að fóta sig á grasinu.

En enginn Íslendingur náði að komast í fyrirgjöfina.

Eru að spila boltanum sín á milli í vörninni og pressa Íslands virkar og skapar vandræði. Þeir gefa horn.

Hörður Björgvin truflaði hann og skotið máttlítið.

Eftir langa aukaspyrnu. Máttlítill skalli beint á Moris.

Úr aukaspyrnunni.

Er búinn að skoða þetta vítaatvik aftur, Rúnar Alex nær ekki að komast í boltann og fer bara í manninn. Rétt niðurstaða að dæma víti, því miður.

RÚNAR ALEX DÆMDUR BROTLEGUR EFTIR AÐ DÓMARINN FER Í VAR SKJÁINN.

Erum við að fá á okkur víti???

Langur bolti fram og Hörður Björgvin í baráttu við Leandro Barreiro, Rúnar Alex kemur út úr markinu og reynir að komast í boltann. Barreiro liggur eftir í teignum og heimamenn vilja víti. Vilja meina að Rúnar Alex hafi brotið á Bareiro! Ekkert dæmt...

Háværustu stuðningsmenn Lúxemborgar eru fyrir aftan markið sem Ísland sækir á þennan fyrri hálfleik.

Kolbeinn Finns með fyrirgjöf frá vinstri sem Anthony Moris í marki heimamanna handsamar af miklu öryggi.

Ísland að spila boltanum í rólegheitum á milli sín. Hörður Björgvin á svo slaka sendingu sem ætluð var Jóni Degi, boltinn beint útaf og heimamenn eiga innkast.

Alfreð vildi aukaspyrnu á miðjum vellinum en georgíski dómarinn dæmdi ekkert. Alfreð ekki sáttur og kasta vel völdum orðum í manninn í gulu treyjunni.

Alfreð með upphafsspyrnuna! Áfram Ísland!

Það er góð stemning á vellinum en þó enn nóg af lausum sætum. Margir ársmiðahafar að skila sér seint og illa. Það er komið að því að spila þjóðsöngvana og byrjað á þeim íslenska.

Einhverjar færslur rata hingað í lýsinguna

Lúxemborgarar eru án hreinræktaðrar 'níu' þar sem Gerson Rodrigues er í einskonar agabanni. Luc Holtz landsliðsþjálfari segir hinsvegar að í leikmannahópi sínum séu margir leikmenn sem geti skorað mörk og vonast til að það flæki verkefni Íslands að geta ekki einblínt á einhvern einn sóknarmann. Miðað við uppstillingu Lúxemborgara eru það Alessio Curci (21 árs) og Yvandro Borges Sanches (19 ára) sem leiða sóknarlínuna í 3-5-2 leikkerfi.

Eins og sjá má á myndinni úr klefanum sem KSÍ birti áðan þá er Ísland að fara að leika í hvítu treyjunum í kvöld.

Age Hareide, þjálfari Íslenska liðsins, gerir þrjár breytingar frá leiknum gegn Portúgal í júní. Inn í liðið koma þeir Hákon Arnar Haraldsson, Sævar Atli Magnússon og Kolbeinn Birgir Finnsson. Þeir koma inn fyrir þá Sverri Inga Ingason, Albert Guðmundsson og Willum Þór Willumsson. Sverrir glímir við meiðsli, Willum tekur út leikbann og það mátti ekki velja Albert í hópinn. Kolbeinn er á leið í sinn þriðja landsleik en hans fyrstu tveir voru vináttuleikir í janúar 2019 og er Kolbeinn í fyrsta sinn í landsliðshópnum í fjögur ár. Sævar Atli er að byrja sinn fyrsta keppnisleik á ferlinum.

Það verður einhver fjöldi Íslendinga á vellinum í kvöld. KSÍ seldi 120 Íslendingum miða á leikinn en þeir gætu svo verið fleiri, einhverjir sem hafa náð í miða með öðrum leiðumm mögulega. Fáum við Víkingaklapp í kvöld?

Á miðvikudag voru tíu ár frá þrennunni hans Jóhanns Berg gegn Sviss í Bern. Á fréttamannafundi í gær var Jói spurður að því hvort hann hefði horft á þrennuna aftur? „Já, ég viðurkenni að ég tók hana í gær aftur," sagði Jói og hló. „Ég sá á RÚV að það væru tíu ár frá þrennunni, ég varð að kíkja á hana aftur." „Þriðja markið er ákveðin gæsahúð, en tæknilega var fyrsta markið örugglega erfiðast; fyrsta snertingin var ansi góð og svo var boltanum neglt í netið. Það er gaman að rifja þetta upp. Ég þarf hugsanlega að taka afmælisþrennu á morgun (í kvöld)."

„Ég set þetta þannig upp að ég sé alla leikina hjá strákunum á mánudögum, nota allan mánudaginn í að horfa á fótbolta og er því orðinn smá þreyttur á mánudagskvöldi," sagði Hareide. „Ég sé alla strákana spila og það er mjög mikilvægt. Ég get þannig fylgst með þeim og sé hvað þeir eru að gera hjá félagsliðum sínum. Frammistöðurnar hafa verið nokkuð stöðugar, flestir leikmennirnir hafa spilað í upphafi tímabilsins, sumir hafa skipt um félag og hafa gert vel hjá nýju félagi. Það lítur vel út."

Búið er að ákveða að vera með vatnspásur í hvorum hálfleik.

Var mikil vonbrigðatilfinning eftir síðasta glugga þar sem frammistöðurnar voru góður en stigin engin? „Ekki spurning, að fá núll stig úr þeim glugga á heimavelli þar sem við stefndum allavega á þrjú stig; við vitum hversu mikilvægt er að vinna heimaleikina. Ef maður skoðar frammistöðurnar voru þær mjög góðar sem er skrítið að segja þegar punktarnir fylgdu ekki með því, en það eru oft smáatriði í fótbolta sem skipta á milli. Á móti Portúgal sýndum við 'vintage' Íslands 'stuff', en sofnum í eitt augnablik og það er smá óbragð í munninum eftir sumargluggann þrátt fyrir góðar frammistöður. Við þurfum núna að bæta stigum við góðar frammistöður," segir Alfreð Finnbogason. Smelltu hér til að sjá viðtalið við Alfreð

Guðlaugur Victor Pálsson, leikmaður íslenska landsliðsins, segir engan feluleik í gangi með markmið þessa landsleikjaglugga. Liðið ætlar að vinna í Lúxemborg og svo gegn Bosníu á Laugardalsvelli á mánudaginn. „Við erum ekkert að fela það, við verðum að taka sex stig úr þessum glugga. Það er ekkert að því að segja það og leggja áherslu á það. Það er ekkert annað í boði," segir Guðlaugur Victor við Fótbolta.net. Landsliðið var í æfingabúðum í Þýskalandi og æfði á æfingasvæði þýska Bundesliguliðsins Mainz. Á miðvikudag hélt liðið svo yfir til Lúxemborgar. Smelltu hér til að sjá viðtalið við Guðlaug Victor

Uppgangurinn í fótboltanum í Lúxemborg hefur verið eftirtektarverður. Frá árinu 2006 til 2018 þá klifraði Lúxemborg upp um meira en 100 sæti á FIFA styrkleikalistanum, frá 195. sæti upp í 82. sæti. Lestu nánar um uppganginn í Lúxemborg

Sóknarmaðurinn Gerson Rodrigues, markahæsti leikmaður í sögu landsliðs Lúxemborgar, er ekki í hópnum vegna agavandamála. Í fjarveru Rodriguez er Danel Sinani skeinuhættasti leikmaður Lúxemborgar, hann hefur skorað tvö af fjórum mörkum liðsins í undankeppninni. Þá er hinn nítján ára gamli Yvandro Borges Sanches, leikmaður Borussia Mönchengladbach, nokkuð spennandi leikmaður. Sjá nánar hérna

Það eru Georgíumenn sem sjá um að dæma leikinn úti á vellinum. Goga Kikacheishvili er aðaldómari leiksins en hann er aðeins 32 ára og er að klifa upp stigann hjá UEFA. Hingað til hefur hann nær eingöngu dæmt yngri landsleiki og Sambandsdeildarleiki á alþjóðlegum vettvangi. VAR teymið er hinsvegar frá Ísrael og VAR dómari er Ziv Adler.

Innilega velkomin með okkur í Stórhertogadæmið Lúxemborg þar sem Lúxemborg og Ísland eigast við í undankeppni EM klukkan 18:45 að íslenskum tíma, 20:45 hér að staðartíma. Það er UPPSELT á leikinn á hinum stórglæsilega Stade de Luxembourg en leikvangurinn tekur 9.231 áhorfendur. Vegna ársmiðasölu er þó ekki búist við því að setið verði í hverju sæti. Leikvangurinn var vígður fyrir tveimur árum. Völlurinn er lagður með hybrid grasi. Stuðningsmenn Lúxemborgar leyfa sér að dreyma um að komast í lokakeppni EM. Landslið þessarar 660 þúsund manna þjóðar er þremur stigum frá öðru sæti. Lúxemborg er fjórum stigum fyrir ofan Ísland í riðlinum og því ekkert annað sem kemur til greina hjá okkar strákum en að sækja til sigurs.