SKÝRSLAN: Vestri með eitt mark í forskot á Fjölni eftir fjörugan leik
Hvað réði úrslitum?
Úrslitin eru náttúrulega ekki ráðin en markið hans Silasar skilur liðin að. Vestri mættu grimmari og ákveðnari til leiks og uppskáru eftir því.
Bestu leikmenn
1. Tarik Ibrahimagic
Frábær á miðjunni í dag. Hrikalega góður að vinna návígi og enda með boltann við tærnar á sér. Átti nokkrar flottar sendingar og má vera stoltur af sinni frammistöðu.
2. Silas Songani
Þegar maðurinn er í stuði þá koma töfrar frá honum. Kláraði færið sitt vel og lék sér að varnarmönnum Fjölnis á tímabili. Var tekinn útaf taktíst frekar snemma en átti nóg inni.
Atvikið
Það er þessi hendi víti sem Fjölnismenn vildu fá. Þeir voru mjög sannfærandi eftir leik og ég trúi þeim. Helgi Mikael hleypur til aðstoðardómarans í gott spjall en þora líklega bara ekki að dæma á þetta.
Hvað þýða úrslitin?
Ég ætla að segja ekki neitt. Vestri klára 1-0 sem er bara forgjöfin sem þú átt að taka á heimavelli í svona einvígi. Þetta er galopið og það lið sem vill þetta meira á Sunnudaginn fer áfram, svo einfalt er það.
Vondur dagur
Hans Viktor og Sigurjón verða að taka það á sig. Sigurjón æðir að ástæðulausu út úr teignum og Hans Viktor skallar hann á hann og skilur hann eftir í vonlausri stöðu. Beint uppúr því skorar Vestri og í svona einvígi eru mistök aftast rándýr.
Dómarinn - 7
Solid í dag. Lét menn ekki plata sig í ódýrar aukaspyrnur og lét leikinn flæða vel. Spurning með þessa hendi, ef hann klúðraði henni þá gæti það orðið dýrt fyrir FJölni