SKÝRSLAN: Til hamingju Ísafjörður, til hamingju Vestri
Hvað réði úrslitum?
Miðað við hvernig leikurinn spilaðist var alltaf ljóst að það kæmi eitt gott tækifæri sem annað hvort liðið myndi nýta og loka leiknum svo, þetta var lokaður leikur sem var alltaf að fara enda 1-0 (eða vító) og það voru Vestramenn sem nýttu þetta eina tækifæri sem þurfti.
Bestu leikmenn
1. Benedikt Waren
Benó er alltof góður leikmaður til þess að spila í Lengjudeildinni, lang líflegasti leikmaður Vestra fram á við og var frábær í leiknum
2. Gunnar Bergmann
Átti flottan leik í vörn Aftureldingar, barðist og barðist og henti sér fyrir allt og heilt yfir bara frábær í leiknum
Atvikið
Rauða spjaldið sem Andri fær á sig, alveg galið
Hvað þýða úrslitin?
Vestri spilar í Bestu deild karla árið 2024, magnað afrek!
Vondur dagur
Andri Freyr Jónasson lætur reka sig út af undir lok fyrri hálfleiks framlengingar, ég er ekki viss um hvort þetta hafi verið rautt en þetta var bara svo mikil óþarfi að taka 20 metra sprett og hrinda andstæðing af krafti þegar þitt lið á aukaspyrnu á vallarhelmingi andstæðingsins og bjóða upp á þetta.. setur liðsfélagana í erfiða stöðu
Dómarinn - 5
Rétt sleppur með falleinkunn, fyrir utan rauða spjaldið var Erlendur bara ansi fínn í leiknum en að mínu mati var þetta ekki rautt spjald og hefði verið hægt að láta þetta sleppa með gulu spjaldi og láta leikinn klárast 11 á móti 11...