Liðin bæði klár! Þá ganga liðin til vallar og Besta stefið ómar í tækjunum hér á Hlíðarenda er leikmenn takast í hendur.

Byrjunarliðin klár! Arnar Grétarsson, þjálfari Vals, gerir fjórar breytingar á liðinu sem vann Breiðablik á dögunum. Inn í liðið koma þeir Birkir Már Sævarsson, Haukur Páll Sigurðsson, Adam Ægir Pálsson og Lúkas Logi Heimisson fyrir þá Birki Heimisson, Kristinn Frey Sigurðsson, Tryggva Hrafn Haraldsson og Guðmund Andra Tryggvason.
Heimir Guðjónsson gerir hinsvegar eina breytingu á liðinu sem tapaði gegn Víkingi í vikunni. Hann Ástbjörn Þórðarson dettur úr liðinu fyrir Dani Hatakka. Ástbjörn er einmitt að taka út leikbann eftir að hafa fengið rautt spjald í seinasta leik FH gegn Víkingi R.

Viðureignir liðanna í sumar Viðureignir liðanna í sumar hafa verið mjög skemmtilegar. Liðin hafa mæst tvisvar sinnum í hefðbundnri deildarkepni.

FH 3-2 Valur
Davíð Snær Jóhannsson '23 1-0
1-1 Kristinn Freyr Sigurðsson '24
1-2 Patrick Pedersen '33
Gyrðir Hrafn Guðbrandsson '49 2-2
Gyrðir Hrafn Guðbrandsson '59 3-2
Lestu um leikinn hér
Þessi fimm marka leikur var ansi fjörugur og þá aðalega vegna aðstæðna. Það var hellidemba þann 26. ágúst og margir pollar sem höfðu myndast inn á Kaplakrikavelli þann dag. Þessir blessuðu pollar höfðu svo sannarlega gífurleg áhrif á leikinn og hvernig hann þróaðist.
Valur 1-1 FH
Adam Ægir Pálsson '9 1-0
1-1 Kjartan Henry Finnbogason '45
Jóhann Ægir Arnarsson '57 Rautt spjald
Lestu um leikinn hér
Það var aðeins skárra veður í þessum leik en mörkin vöru mun færri þótt við fengum eitt rautt spjald. Það voru tveir alvöru skemmtikraftar sem sáu um markaskorunina í þessum leik.

Dómarateymið í kvöld! Það verður hann Sigurður Hjörtur Þrastarson sem fær það krefjandi verkefni að dæma þennan leik. Mennirnir sem aðstoða hann við það eru þeir Eðvarð Eðvarðsson og Þórður Arnar Árnason. Varadómarinn í dag er hann Helgi Mikael Jónasson en Þórður Georg Lárusson sér um eftirlitið.

FH þarf 26 marka sigur til að ná Stjörnunni FH eru í alvöru séns á að ná evrópusæti. Þeir eru í harðri baráttu við Breiðablik og Stjörnuna en ef FH vinnur með 26 mörkum í dag komast þeir upp í evrópusæti á skoruðum mörkum. Þeir eru þremur stigum á eftir Stjörnunni og fjórum stigum á eftir Breiðablik. FH á hinsvegar leik til góða á Breiðablik en Stjarnan spilar á móti Víkingi á morgun. Ef FH-ingum mistekst að vinna í kvöld er brekkan orðin frekar brött í átt að evrópu.

Hefðu orðið meistarar sumarið 2016 Það er aðeins eitt tímabil af seinustu 10 tímabilum í efstu deild þar sem stigafjöldi Valsmanna í hefðbundnri deildarkepni hefði nægt þeim íslandsmeistaratitilinn. Það var árið 2016 þegar mótherjar þeirra í dag, FH, unnu Pepsi deildina, eins og hún hét þá, með einungis 43 stigum.

Valsarar spila fyrir stoltið Eins og margir vita þá eru Valsarar búnir að tryggja sér annað sætið í deildinni. Það voru allir nokkuð öruggir á því að Valur myndi ekki ná Víking eða að Blikar myndu ná Völsurum þegar úrslitakepnin hófst. En það er líklega er þetta bara fínasta sumar hjá Val í deildinni. Það er lítið sem ekkert sem liðin í deildinni geta gert til að soppa þessa Víkingsvél. Svona eins og Man City í Englandi, óstöðvandi.
Seinasti leikur Vals var á fimmtudaginn þegar þeir unnu Breiðablik 4-2 í bráðskemmtilegum leik þar sem daninn Patrick Pedersen skoraði ekki nema þrjú mörk.
Lestu um leikinn hér

Velkomin á Hlíðarenda! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Vals og FH. Heimir Guðjóns snýr á sinn gamla heimavöll en það er mikið í húfi í dag fyrir FH.