Bryndís Arna Níelsdóttir best samkvæmt leikmönnum

ÞÞÞ besti dómarinn samkvæmt leikmönnum

Vanda að veita viðurkennigar fyrir leik! Vanda er mætt til að veita viðurkenningar fyrir leik. Besti dómarinn og leikmaður sem leikmenn kusu.

Besti dómarinn: Þórður Þorsteinn Þórðarson

Besti leikmaður: Bryndís Arna Níelsdóttir

Blikarnir standa heiðursvörð! Breiðablik stendur hér heiðursvörð fyrir Íslandsmeistarana. Bæði karla og kvenna lið Breiðabliks núna búin að standa heiðursvörp á skömmum tíma.

En það styttist í þetta!

Styttist í þetta! Besta stefið komið í gang!

Allir á völlinn, þetta verður veisla!

Fyrri leikir liðanna Liðin hafa mæst tvisvar sinnum áður á leiktíðinni. Í fyrri leiknum hafði Valur betur og unnu 1-0. Það var Anna Rakel sem skoraði markið mikilvæga.

Valur 1-0 Breiðablik
Anna Rakel Pétursdóttir '73 1-0
Lestu um leikinn hér
Í seinni leiknum vann Breiðablik 2-1 eftir að hafa komist 2-0 yfir í hálfleik. Agla María braut ísinn fyrir Breiðablik en Arna Sif varð fyrir því óláni að skora sjálfsmark. Asdís Karen minnkaði muninn fyrir Valskonur en það var bara ekki nóg fyrir Valskonur.

Breiðablik 2-1 Valur
Agla María Albertsdóttir '3 1-0
2-0 Arna Sif Ásgrímsdóttir '44 , sjálfsmark
2-1 Ásdís Karen Halldórsdóttir '53
Lestu um leikinn hér

Dómaratríóið Það verður hann Þórður Þorsteinn Þórðarson, oft kallaður ÞÞÞ, sem mun dæma þennan leik. Hann dæmdi á dögunum sinn fyrsta leik í efstu deild karla þegar hann dæmdi leik Keflavík og HK. Honum til aðstoðar verða þau Daníel Ingi Þórisson og Eydís Ragna Einarsdóttir. Reynir Ingi Finnsson er varadómari dagsins en Viðar Helgason sér um eftirlitið.

Íslandsmeistararnir í Val Valskonur eru orðnar Íslandsmeistarar og taka við titlinum í kvöld. Valskonur misstu toppsætið niður til Breiðabliks á miðju tímabili en náðu að koma sér aftur á toppinn í 16. umferð og hafa verið þar síðan. Núna þegar seinasti leikurin fer í gang eru Valskonur 9 stigum fyrir ofan Breiðablik sem eru í 2. sæti. Einnig hefur Valur gefið það út að Pétur verður áfram með liðið þannig það er svo sannarlega hátið í bæ á Hlíðarenda!
Sóknarmenn vinna leikina en varnarmenn vinna titlana
Það mætti segja að Valskonur hafa unnið sér inn fyrir þessum titli. Frábær sóknarlega og öflug varnarlega líka. Valskonur eru með bestu sóknina í deildinni, 52 mörk skoruð í 22 leikjum, og bestu vörnina í deildinni, 18 mörk fengin á sig í 22 leikjum.

Fjórir leikir eyðilögðu titilvonir Blika Breiðablik var, kannski ásamt Þrótti, eina liðið sem var að keppast við Val um að vinna deildina fram að móti. En eftir bikarúrslitaleikinn, sem tapaðist gegn Víkingi, fór allt í skrúfuna. Þær töpuðu fjórum leikjum í röð í deildinni eftir það en hafa náð áttum núna í seinustu tveimur leikjum. Þær hafa unnið FH og Stjörnuna í seinustu tveimur leikjum en með jafntefli í dag er 2. sætið nánast öruggt fyrir Breiðablik. Þjálfarabreytingar í Kópavoginum
Það hefur mikið gengið á bakvið tjöldin hjá Breiðablik en eins og svo margir vita að þá var Ásmundur Arnarsson látinn fara í lok móts eftir að hafa verið á öðru tímabilinu sínu með Blikaliðið. Í 15. umferð voru Blikakonur á toppi deildarinnar en klúðruðu þeirri stöðu niður undir lok móts. Gulli Gull, Kjartan Stefáns og Ólafur Péturs tóku þá við af Ása en þetta teymi hefur unnið tvo leiki og tapað tveimur, í fjórum leikjum.

Skjöldurinn fer á loft! Heil og sæl og veriði hjartanlega velkomin í þessa þráðbeinu textalýsingu frá leik Vals og Breiðabliks Í Bestu deildinni. Eins og flestir vita að þá eru Valskonur orðnar íslandsmeistarar en það verða fagnaðarlæti í kvöld að leiks lokum þar sem skjöldurinn fer á loft!