Það eru Skagamenn sem mæta Breiðablik í úrslitaleik Lengjubikarsins næstkomandi miðvikudag. Takk fyrir mig í kvöld.

Adam Ægir setur boltann bara beint á Árna Marinó

Búið. Við förum í vítaspyrnukeppni.

Patti Pedersen! Fær boltann frá Gylfa og gerir vel og nær skoti en Árni ver í horn.

Valsmenn fá hornspyrnu.

Fjórar mínútur í uppbótartíma.

Valsmenn í reitarbolta á vallarhelming ÍA sem endar með því að Gylfi fær boltann, snýr og á skot en boltinn beint á Árna. Ef ekkert mark kemur í venjulegum leiktíma verður farið beint í vítaspyrnukeppni.

Valsmenn fá hornspyrnu sem Gylfi Þór tekur.

Viktor Jóns að gera sig líklegan. Fær boltann i teignum og nær skoti en Schram ver.

Johannes Vall með hörku tilraun en boltinn rétt framhjá.

Jónatan Ingi gerir frábærlega og kemur sér inn á teiginn og leggur boltann út á Adam sem hamrar boltanum í slánna.

Guðfinnur Þór fellur rétt fyrir utan vítateig Vals en Jóhann Ingi og hans menn dæma hér hornspyrnu en boltinn af Valsmanni.

Jónatan Ingi gerir vel hægra megin og lyftir boltanum fyrir á Trixxa Haralds sem nær fínum skalla en Árni ver í marki ÍA.

Viktor Jónsson fær boltann og nær skoti á markið en boltinn rétt framhjá.

Arnór Smára með skot sem fer hátt yfir.

Munum við sjá Gylfa Sig hér í síðari hálfleiknum? Samkvæmt mínum heimildum fær hann mínútur hér í kvöld.

Tökum okkur korters pásu og síðan seinni hálfleikurinn í beinni frá Hlíðarenda.

Patrik Pedersen fær boltann með bakið í markið, leggur boltann út á Aron sem ætlaði að lauma boltanum í hornið en boltinn rétt framhjá.

Tryggvi Hrafn fær boltann við vítateiginn en skotið hans æfingabolti fyrir Árna í marki Skagamanna. Fátt annað gerst hérna síðustu 10 mínútur leiksins.

Steinar fær boltann út til hægri og setur boltann inn á teiginn þar sem Viktor er aleinn og potar boltanum rétt framhjá.

Jónatan Ingi með skot fyrir utan teig en boltinn af varnarmanni og rétt framhjá. Aron Jóhansson tekur spyrnuna frá hægri og Valsmenn ná ekki að gera sér mat og markspyrna frá marki ÍA.

Lúkas Logi fær boltann við D-bogan en á skot sem er beint á Árna Marinó.

Aron Jóhansson fær boltann við miðjuna og Valsmenn koma sér í frábæra stöðu 3 á tvo. Aron Jóhansson reynir að finna Birki Má upp hægra megin í staðin fyrir að geta rennt honum í gegn á Tryggva sem var í frábæru hlaupi.

Bæði lið að þreyfa fyrir sér og lítið um sénsa þessar fyrstu sjö mínðútur leiksins.

Viktor Jónsson á upphafsspyrnu leiksins og Skagamenn sækja í átt að Perlunni!

Vallarþulur Valsmanna kynnir liðin. Styttist í þetta allt smaman.

Gylfi Þór Sigurðsson er mættur inn á og er byrjaður að leika sér með Orra Hrafni. Það er eitthvað við þetta!!

Hálftími í leik, Tryggvi og Arnór Smára tóku innilegt Skagamannaknús, fyrrum liðsfélagar úr Val. Gylfi hefur ekki enn látið sjá sig. Valsmenn eru að bjóða upp á topp umgjörð, matur og drykkir til sölu, það er búið að setja upp sölubás með Gylfa Sig 23 treyjum og það er von á góðri mætingu, maður hreinlega finnur spennuna í loftinu hérna á Hlíðarenda.

Gylfi byrjar á bekknum. Ágiskun á liðsuppstillingar: Valur 4-3-3: Frederik Birkir, Jakob, Hólmar, Siggi Lár Aron Jó, Elli Helga, Lúkas Logi Jónatan, Patrick, Tryggvi Hrafn ÍA 3-4-3: Árni Marinó Marko Vardic, Oliver Stef, JohannesVall Jón Gísli, Arnór Smára, Guðfinnur, Arnleifur Albert Hafsteins, Viktor Jóns, Steinar

Guðmundur Aðalsteinn heimsótti Gylfa í dag og tók við hann ítarlegt viðtal. Hægt er að horfa á viðtalið og lesa það hér:

   20.03.2024 14:55

Gylfi í löngu viðtali: Kominn tími á að vera heima í eðlilegu lífi

KSÍ sendir alvöru teymi til leiks á N1-völlinn að Hlíðarenda í kvöld, Jóhann Ingi mun flauta leikinn og honum til halds og trausts verða Andri Vigfússon og Hreinn Magnússon með flöggin, Gunnar Oddur fær svo að sjá um þjálfaratuðið og skiltið, þá verður Hjalti Þór Halldórsson eftirlitsmaður og gefur þessum fjórum áðurnefndu einkunnir fyrir sínar frammistöður, sem vonandi verða góðar! Sigga Lár leiðist ekki að tuða í dómurunum, þarna tuðar hann í téðum Jóhanni Inga.

Eins og öllum er kunnugt um, þá er Gylfi Sigurðsson kominn heim til Íslands og samdi við Val, ég fullyrði að þetta verður hans fyrsti leikur eftir heimkomuna. Það vantar ekki fréttaúrvalið hér á síðunni varðandi Gylfa undanfarna daga, svo mætti nefna eftirfarandi og hægt er að smella á setningarnar til að opna fréttirnar: Gylfi verður númer 23, myndband frá Val. Adam Páls bauð Gylfa númerið sitt. Myndir frá fyrstu æfingu Gylfa á Íslandi eftir undirskriftina. Gylfi vonsvikinn með að vera ekki með landsliðinu. Mikil hitaumræða hefur verið um hvort Gylfi hefði átt að vera í landsliðinu eða ekki.

Liðin hafa mæst 147 sinnum í sögunni í keppnum á vegum KSÍ, í þeim leikjum hafa Valsmenn sigrað 70 leiki, 21 leikur endað með jafntefli og Skagamenn sigrað 56. Í þessum leikjum hefur Valur skorað 258 mörk og Skagamenn skorað 223, sem gerir 481 mark í 147 leikjum, eða að meðaltali 3,27 mörk í leik, fyrir áhugasama. Ef við förum svo ofan í saumana á þessari öld þá fækkar leikjum niður í 40, þar sem Valur hefur unnið 24, Skagamenn 12 og 4 jafntefli.

Í hinni undanúrslitaviðureigninni áttust við Þór og Breiðablik þar sem Blikar sigruðu með marki djúpt í uppbótartíma eftir skemmtilegan leik þar sem hart var barist og lítið gefið eftir í Boganum. Búið er að setja úrslitaleikinn á eftir slétta viku, miðvikudaginn 27. mars. - Verða það Valsmenn eða Skagamenn sem mæta Blikum í úrslitaleik?

Og verið velkomin í þráðbeina textalýsingu frá leik Vals og ÍA í undanúrslitum Lengjubikars karla.